lɩbrani 6:2 - ŋuɽun ŋun ŋiya ŋun ŋikaiilo elo 1966

² na ḏalɩmia ḏe ḏuwona, na ḏigela di ŋwuɽelo, na ḏidiɽo ḏe ḏeḏi liji lun laiyo, na ḏakɩmino ḏeḏi gi gɩḏilio.

lɩbrani 6:2 Iomraidhean Croise

maṯa 28:19

wiḏɩl nyaŋa dino, nyaduji liji wei calɩmis leḏi gɩḏilio, nyalbabṯaije gi jiri jeḏi baba, na je ŋaɽe, na je gwuɽɩwə gwun gwɩpiḏo pɽul,

maṯa 3:14

namɩni yuwana akajo nueicɩno, nyi gwiro gwun gwibunyaŋa, ŋa gwinyibabṯaije namɩni ŋa ŋawila lugwi a?

markus 16:16

gwun gwəmɩnyu ŋuɽuna ŋinyi ŋubabṯaijɩni gwəkədəḏɩni ga, namɩni gwun gwate gwəmɩnyi no gwakɩmini.

markus 7:4

na ḏa lɩmila gi cu late leʼe ḏa late lɩmawone no. ləṯi ŋuɽuna ŋiro kaja ŋutu ŋeḏi liji lagin ŋun ŋɩməṯəḏɩlo, ŋiro gi gwune ḏuweia doɽena deḏi ŋau, na niḏi na niḏi nun niro jaba na jaɽagar.

markus 7:8

nanyamɩni ouwɩrico ŋuɽuna ŋeḏi elo, nanyamɩni məṯo ŋuɽuna ŋeḏi liji.

luka 11:38

na gwubarɩsi gwune nuaŋu dino nuobaga ṯuṯ, gi gwune gwate gwuwei di gwerre gwate manʼe no gi gwune aṯɩliwone dagin no.

luka 12:50

na nyi gwəṯi ḏibabṯaijɩno ḏun ḏiḏibabṯaijini, na galakwe nyi gwəṯi ŋwuɽedɩnya kəbe na ŋuɽun ŋeno ṯɩmi.

luka 14:14

na ŋa gwəṯi ḏɩmoreḏa gi gwune late ləṯi ŋɩma ŋaŋalwəɽəṯɩjo no; na ŋalape gi lamon le ḏidiɽo gi ḏaiya ḏeḏi liji lun liŋir.

luka 3:16

na yuwana wɩrlijo liji wei ŋuɽuna nuleicɩno nyi gwaṯɩbabṯaije ŋau ŋe, namɩni gwo gwete gwila gwun gwutəno ŋɩma lugwi; nyi gwate gwɩdeleḏo gwikədə ŋɩma ga geḏi giwɩḏc guŋun no. ŋu gwajibabṯaije gwuɽɩwə gwe gwun gwɩpiḏo pɽul na igo.

yuwana 1:33

na nyi gwate gwilɩŋiḏi no namɩni gwun gwuwəjɩŋi nibabṯaijiḏi ŋau ŋe, nuŋwieicɩno, ŋu gwun gwaŋəḏi gwuɽɩwə gwun gwɩpiḏo pɽul gwugwulu nujaḏaṯa lugwun, gwiro gwun gwibabṯaijiḏi gwuɽɩwə gwe gwun gwɩpiḏo pɽul.

yuwana 5:29

na ləduḏa na lun lapo ŋɩru ŋiŋir gi ḏidiɽo ḏe ḏɩmiḏa, na lun lapo ŋɩru ŋɩki gi ḏidiɽo ḏe ḏakɩmiḏa.

ŋɩru ŋun ŋapɩlo duwəjo 10:47

gwiji gwo gwete gwəṯi ŋɩma gwadonye ŋau gi albabṯaijɩni liji leno lun lɩmaməṯo gwuɽɩwə gwun gwɩpiḏo pɽul gi liŋə a?

ŋɩru ŋun ŋapɩlo duwəjo 13:3

gwune nalməṯo əbuṯo naluməḏɩjo eloŋu nalɩngele di elo nalɩkuwa nalwele.

ŋɩru ŋun ŋapɩlo duwəjo 16:15

na gwune nalbabṯaijɩni liji le leḏi dunu gwuŋun nuŋwiɽoṯəḏɩjo gworki nuarno, na ḏa nyalmarno nyiməmɩnyi gwelɩnya gwun gwiro elo muma, wilal dunu lugwi nyajiga. nuɽoṯeḏe gworki kəbe nananwele.

ŋɩru ŋun ŋapɩlo duwəjo 16:33

nalgwulo kaja kono giliŋ kono nulwei dəɽi dagin nalɩbabṯaijane liji le luŋun wei cou.

ŋɩru ŋun ŋapɩlo duwəjo 17:18

nalobeḏe liji le kworo lun liro limualɩm lun ləmɩnyu ŋuɽuna ŋeḏi abikurin na lun ləmɩnyu ŋuɽuna ŋeḏi ruwagin. na kworo nalarno, ḏri ṯeno ḏarau? na kworo arno, gwiro gi gwete gwun gwaṯijiuməḏɩjo eloŋa le liro kaja; gi gwune bulus gwaṯumə ŋuɽuna ŋan yecu na ḏidiɽo gi ḏaiya.

ŋɩru ŋun ŋapɩlo duwəjo 2:38

nal buṯrus eicɩno, wɩrlal ga ŋuɽun ŋalo ŋun ŋɩki, nyababṯaijɩni nyaŋa wei gi jiri jeḏi yecu kɩrisṯo kani ŋwajəbɩrijo ŋuɽuna ŋalo ŋun ŋɩki nanyalape gwuɽɩwə gwun gwɩpiḏo pɽul ga dino.

ŋɩru ŋun ŋapɩlo duwəjo 2:41

na lun lɩmaməṯo ŋuɽuna ŋuŋun ḏidila ḏe ganu nalbabṯaijɩni, na gi lamon leno nalbaḏaṯe nalro alɩb ṯəɽɩl ca.

ŋɩru ŋun ŋapɩlo duwəjo 23:6

na gwune nal bulus lɩŋe kɩḏɩriḏ liro lisadugi na kworo liro lɩbarɩsi nuləri gwula gwubuḏo kəcərio yun yɩbuḏo nuleicɩno, lɩmagəri, nyi gwiro gwubarɩsi, niro ŋaɽe ŋeḏi lɩbarɩsi. na nyalakɩminyi ḏiḏuḏɩnɩjo ḏe na ḏidiɽo ḏeḏi liji lun laiyo.

ŋɩru ŋun ŋapɩlo duwəjo 24:15

namɩni nyi gwaṯɩḏuḏɩnɩjo eloŋu, na luŋa gwuḏuḏɩnijɩlo dino, ḏiḏiɽo ḏe gi ḏaiya ḏaje gi liji lun liŋir na dino lun late liŋir no.

ŋɩru ŋun ŋapɩlo duwəjo 24:21

namɩni ŋuɽun ŋeṯɩḏo ŋeno ŋun ŋərɩnyiŋe gwula gwune ḏuḏɩni kɩlɩgi ganu lagin, nyalakɩminyi ḏidiɽo ḏe ḏeḏi liji lun laiyo gwunanyine.

ŋɩru ŋun ŋapɩlo duwəjo 24:25

gwune je bulus gi ḏuməḏɩjo ŋan ŋuɽun ŋiŋir na ḏɩməṯo aŋɩna, na ḏakɩmino ḏun ḏila, na bilikɩs ubəga nuwɩrlijo ŋuɽuna nueicɩno, wiḏi gwunne, na ḏi mara mabuja lamon lun liŋir na nyi gwaŋorniḏa.

ŋɩru ŋun ŋapɩlo duwəjo 26:8

gwudaro gəko na ŋuɽun bɩɽe lagalo nanyarno lal elo diɽi lun laiyo?

ŋɩru ŋun ŋapɩlo duwəjo 4:2

naliɽi ganu gi gwune naṯɩluməḏɩjo liji nalalɩmi ḏidiɽo ḏe ḏeḏi liji lun laiyo yecu gwe.

ŋɩru ŋun ŋapɩlo duwəjo 6:6

nalagwuloḏeṯa gi jei ganu jeḏi duwəjo, naluməḏɩjo eloŋu nalɩngele di elo.

rumiya 2:16

gi lamon lun laje lali elo akɩmiḏe ŋuɽun ŋun ŋɩlɩbo ŋeḏi liji yecu kɩrisṯo gwe, gi gwune arane ŋuɽun ŋinyi ŋun ŋiŋir ŋeḏi yecu kɩrisṯo.

1 kurinṯus 10:2

na luŋa wei nalbabṯaijɩni ḏi musa gi jəbɩɽu na gi ḏɩrawe,

1 kurinṯus 12:13

gi gwune liŋə wei gwuɽɩwə gwe gwetɩdo gwun gwɩpiḏo pɽul ilmababṯaijɩni kaŋɩnu yetɩdo, ḏa limaro liju i ligrigi, i lun liro lɩwainy i lun late liro lɩwainy no, na liŋə wei ilmeyu kwuɽɩwə gwetɩdo gwun gwɩpiḏo pɽul.

2 kurinṯus 5:10

gi gwune arram liŋə ilaŋini wei gi jei ganu kɩḏoɽ geḏi ḏakɩmiḏa ḏeḏi kɩrisṯo, kani a gwete gwete wei ape ŋɩdio ŋeḏi ŋɩru ŋun ŋapulo aŋɩnu ye yuŋun, ŋiro gi ŋɩru ŋuŋun ḏa ŋɩmiŋir i ŋɩmake.

bilibi 3:21

gwun gwəbi jiŋɩno ganu jage jun jɩtijɩti kani alro gi aŋɩnu ye ḏoɽeḏa ḏuŋun, ŋɩru ŋe ŋeḏi ŋɩma ŋuŋun na ŋeno ŋu gwəṯi ŋɩma ŋulgele wei ŋele ŋuŋun.

kulusi 2:12

gi gwune gwukwurinanyale gi ḏibabṯaijɩno ḏun ḏidiɽinanyale dino ḏɩməṯo ḏe ŋɩru ŋun ŋapɩlo elo gwun gwiḏiɽiŋu gi liji lun laiyo.

2 ṯimuṯawus 2:18

lun lɩmaḏuḏe ŋuɽun ŋun ŋiro gwerkwe, nalarno ḏidiɽo ḏe ḏaiya ḏɩmaḏarane wɽi nalki ḏɩməṯo ḏeḏi liji kworo.

lɩbrani 11:35

la lɩmape liji lagin lun laiyo ḏidiɽo ḏe, namɩni liji kworo laligwuruṯɩmini, nalmɩni ate laləmɩnyi gi ḏəbɩrino no kani alape ḏidiɽo ḏun ḏiŋirano.

lɩbrani 9:10

na galo keno gaṯəṯi ŋuɽuna ŋe ḏiṯa na ḏiyo na ḏuweia ḏutu ḏun ḏiro kajakaja, na ŋuɽun ŋeḏi aŋɩnu mino, ŋɩgelijujɩlo kəbe gaja wila ge ḏigela ŋuɽuna muma.

2 buṯrus 3:7

na ŋuɽun ŋeno kanyin na gɩḏilio gun gijəḏəṯi gwunnɩno lidɩminijo igo, kəbe gi lamon le ḏakɩmiḏa na le ḏiɽinyɩḏa liji lun late laṯɩḏonye eloŋu no.