lɩbrani 3:5 - ŋuɽun ŋun ŋiya ŋun ŋikaiilo elo 1966

⁵ na gwerkwe musa gwiŋir gwuḏuḏɩnu ga wei kwu dunu gweḏi elo gwiro gi gaḏam, kani ŋwaŋiḏi ŋuɽun ŋono ŋun ŋaje ŋuməḏɩni;

lɩbrani 3:5 Iomraidhean Croise

maṯa 24:45

əḏi gwiro wainy gwun gwuḏuḏɩnu ga gwəṯi ŋadɩgɩɽenya, gwun ma gwele gwuŋun duji gwele gweḏi lɩdunu luŋun wei aṯulḏəḏə ŋɩdio kaja ŋagin.

maṯa 25:21

na gwele gwuŋun eicɩno, ŋa gwiro wainy gwiŋir gwuḏuḏɩnu ga. ŋa gwəpiji ŋɩru muma ŋɩdi ŋun ŋɩti, na nyi gwaŋaduji gwele gweḏi ŋɩdi ŋutu. əḏi gi ḏidila ganu ḏeḏi gwele gwuŋa.

luka 12:42

na gwele eicɩno, namɩni əḏi gwiro wəkil gwun gwuḏuḏɩnu ga gwəṯi ŋadɩgɩɽenya gwun gwa gwele gwuŋun diɽi ŋwuduji gwele gweḏi jaḏam juŋun wei, aṯulḏəḏə ŋɩdio kaja ŋagin?

luka 24:27

nulaŋijo ŋuɽuna ŋan ŋu kɩḏam ganu geḏi elo uro ḏi musa kəbe ḏi nebɩŋa wei.

luka 24:44

nuleicɩno, ŋeno ŋiro ŋuɽun ŋun ŋuməḏɩjejɩŋe gi gwune lore lijiga, nuarno arram alṯɩmi wei ŋun ŋulinu ŋan nyi kɩḏam geḏi elo ŋuɽun ŋun ŋigelijɩlo elo musaŋ, na nebɩŋa na gi delɩŋa.

yuwana 5:39

na nya laṯɩbunyi kɩḏam ganu geḏi elo gi gwune nyalaṯarno ganyagəṯi ḏɩmiḏa gi gɩḏilio, na keno giro gun gaṯɩnyigiteije ga.

ŋɩru ŋun ŋapɩlo duwəjo 28:23

gwune nalaŋiḏi lamon lun liŋir laliwila lugwun lutu kwu dunu gwun gwaṯunje; naṯɩluməḏɩjo mimmi gilio kəbe na galo ro garage nulaŋijo ŋuɽuna ŋeḏi ŋele ŋeḏi elo, nuarno lulidi nanu yecu gwe ŋuɽun ŋe ŋun ŋigelijɩlo elo musaŋ na ŋeḏi nebɩŋa.

ŋɩru ŋun ŋapɩlo duwəjo 7:37

musa kweno gwiro gwun gwuməḏɩjo liji leḏi isreiyil, elo gwajidiɽiju nebiŋ gi lɩmagalo lalo gi gwune diɽinyi.

rumiya 3:21

namɩni gwunnɩno ŋuɽun ŋun ŋiŋir ŋeḏi elo ŋimaŋino ŋun ŋate ŋiro ŋuɽun ŋe ŋun ŋigelijulo musaŋ no, namɩni ŋun ŋigelijulo musaŋ na ŋeḏi nebɩŋa ŋiteijɩlo galo,

1 kurinṯus 4:2

na ŋutəno kworo kweno liji laṯɩbunyi lɩwəkilo nalape ŋɩru ŋiŋir ŋɩḏuḏɩnu ga.

1 ṯimuṯawus 1:12

na nyi gweico yecu kɩrisṯoŋ sukran gwun gwiro gwele gwage gwun gwubɩɽonyi nanu, gwun gwarno nyi gwiŋir gwimiduji gwe ŋɩru,

lɩbrani 1:1

uro gwerre na elo uməḏɩjo lɩgwurnɩnyo ŋwinyu ŋwe ŋweḏi nebɩŋa ŋuɽun ŋe gutugutu na daṯ ḏe diro kajakaja.

lɩbrani 3:2

gwun gwiŋir gwuḏuḏɩnu ga lugwun gwun gwumatu gwiro gi musa gwiŋir gwuḏuḏɩnu ga dino wei kwu dunu gweḏi elo.

lɩbrani 3:4

na lɩdunu wei laṯɩl liji uṯe, namɩni ŋu gwaṯuṯe ŋɩdio wei ŋiro elo.

lɩbrani 8:5

namɩni ceno jaṯape ŋɩru gi sura na gɩdidɩŋil geḏi ŋɩdi ŋeḏi kanyin, gwiro gi musa gwune nuje gɩṯo gwar gwagele gibar geḏi elo, na elo arno, gelɩn gei muma ŋalarre wei muma gi gwune aŋajaŋalo gi lɩrgwom elo.

lɩbrani 9:24

gi gwune kɩrisṯo gwate gwuməḏi kalo gun gɩpiḏo pɽul gikədinu di de no, gun gate gaŋinu gwerkwe no, numɩni əḏi kanyinŋu kani ŋwaŋini gwunne gi jei ganu gedi elo gwan liŋə.

ŋuɽun ŋun ŋaŋinu 15:3

nalelɩŋi ḏelɩŋa ḏeḏi musa gwun gwiro wainy gweḏi elo, na ḏelɩŋa ḏeḏi lrəmə lun loga nalarno, ŋɩru ŋuŋa ŋɩbuḏo gworki, na ŋaṯobeje liji ŋa ṯuṯ, ŋa gwele gwun gwiro elo na gwun gwəṯi ŋɩma wei, na daṯ duŋa diḏuḏɩnu ŋa, na diro gwerkwe, ŋa gwele gweḏi liji leḏi jɩmɩrɩgen wei.