3 na gu gwuḏuɽəḏɩnu gwɩdeleḏo ḏoɽeḏa ḏe ḏutəno kworo gweḏi musa, gi gwiji gwun gwaṯuṯe duno gwaṯɩlnəjiene kwu dunu.
na nyi gweicaŋa dino no, ŋa gwan buṯrus, na gi loɽi elo leno nyi gwute kɩniso ginyi na ŋɩma ŋeḏi ŋele ŋeḏi kalo geḏi liji lun laiyo ŋate ŋanḏami no.
na liŋə ilro laṯape ŋɩru eloŋale; na nyalro ḏɩri ḏeḏi elo, na ḏuṯa ḏeḏi elo.
namɩni ḏa ŋɩmaro ŋeno ŋun ŋaləpijo ḏaiya ŋun ŋulinu ŋwule ŋwe gi nyɩdol ŋɩmila ḏoɽeḏa ḏe, kəbe na liji leḏi isreiyil late ləṯi ŋɩma laŋalaḏe musaŋ gi jei ganu no, gi gwune ḏoɽeḏa ḏuŋun ḏun ḏaṯete,
na ŋu gwiro lɽa leḏi aŋɩnu yun yiro kɩniso; gwun gwiḏeijo ŋɩdio ŋa wei na gwun gwilɩŋinu gwiro lɽa ŋi liji lun laiyo, kani ŋwuro lɽa leḏi ŋuɽun wei.
namɩni ilaŋu yecuŋ magelini ga gelio gwe gi liji leḏi kanyin ŋwamon ŋwouwɩrio, gwəṯi laḏe ḏoɽeḏa ḏe na ḏinəjio ḏe gwan ḏɩḏia ḏe ḏaiya, kani nuai ḏaiya ḏiŋiriḏa ḏe ḏeḏi elo gwan liji wei gwete gwete.
na lɩdunu wei laṯɩl liji uṯe, namɩni ŋu gwaṯuṯe ŋɩdio wei ŋiro elo.
namɩni kɩrisṯo gwiŋir gwuḏuḏɩnu ga kwu dunu gweḏi elo gwiro gi ŋaɽe. na liŋə ilro dunu gwuŋun ḏa ilmaməṯəḏo ḏiḏuḏɩnɩjo ḏage ḏiḏir na ḏiḏɩla ḏe ganu kəbe na ḏiḏuḏɩnɩjo ṯɩmi.