lɩbrani 3:1 - ŋuɽun ŋun ŋiya ŋun ŋikaiilo elo 1966

¹ na ŋiro dino lɩmagəri lun lɩpiḏo pɽul, dija kal gete ḏorniḏa ḏeḏi kanyin, iril jei galo gwan yecu gwun gwuwəjɩnu gwiro gwele gweḏi jɩsis gwe diteijo ga dage,

lɩbrani 3:1 Iomraidhean Croise

yuwana 17:3

na ṯeno ḏiro ḏɩmiḏa gi gɩḏilio kani aŋalɩŋe gwun gwiro elo gwetɩdo gwun gwiro gwerkwe, na yecu kɩrisṯo gwun gwuwəjo.

yuwana 20:21

naɽu nal yecu eicɩno, ḏouwɩɽiḏa ḏaje lagalo. gi gwune wəjɩŋi baba ŋiro dino nyi gwajiwəje.

yuwana 20:27

nueico ṯomaŋ no, wila lamon le luŋa ŋɩne ŋaŋu di ḏinyi; ŋila ḏi ḏe ḏuŋ a ŋagele gi lɩmere linyi, namɩni ŋa gwo gwete ḏɩməṯo, ŋamɩni əmɩnyi.

ŋɩru ŋun ŋapɩlo duwəjo 1:15

ŋwamon ŋwono na buṯrus diɽelo kɩlɩgi ganu geḏi lɩmage lun lijo gɩṯo lar jɩnei na ḏuɽi ḏɩttən ca nuleicɩno,

rumiya 11:17

namɩni ḏa lɩmapəne dɩrna galo kworo, na ŋa gwun gwiro gwaɽe gwun gwan seitun gweḏi geḏo, na ŋa makani kɩlɩgi ganu lagin kwaɽe, na lanyaliyu kal gete ŋau ŋeḏi ḏro na ḏɩmiḏa ḏun ḏutu ḏeḏi gwaɽe gwun gwan seitun,

rumiya 15:27

naliŋir dugwore gworki nalɩduji, na gwerkwe luŋa ləṯi gəmɩju lagin. gi gwune ḏa liji lun liro ga dino lɩmaməṯo ŋɩmaga ŋuɽun ganu ŋagin ŋeḏi gwuɽɩwə, na dino ləṯi gəmɩju naləpijo ŋɩru dino ŋɩdi ŋagin.

rumiya 15:8

na nyi gwarno, kɩrisṯo maro gaḏarn geḏi liji lun luɽəno kani nuaŋiḏi ŋuɽuna ŋun ŋiro gwerkwe ŋeḏi elo, kani ŋwulmaṯaji ŋuɽuna ŋalo ŋun ŋiḏəḏilo elo lɩgwurninyo,

rumiya 9:24

i liŋə liro lun lorniḏije, lədu leḏi liju kuwei no, nalmɩni ro liji dino lun liro ga dino?

1 kurinṯus 1:2

ano nulijo kɩniso geḏi elo gun go kurinṯus, na liji lun lulpiḏi pɽul ḏi yecu kɩrisṯo, lun lorniḏɩnu alro lɩpiḏo pɽul, na luŋa wei kalo wei lun lorniḏo jiji je jeḏi yecu kɩrisṯo gwun gwiro gwele gwagin na gwage,

1 kurinṯus 10:17

na ilutu nilmɩni ro gia getɩdo na aŋɩnu yetɩdo, gi gwune liŋə wei ileʼe gia getɩdo ŋɩmaga lageŋu.

1 kurinṯus 9:23

na nyi gwaduji ŋeno wei gwan ŋuɽun ŋun ŋiŋir ŋeḏi yecu kɩrisṯo, kani analije kal gete ŋuɽun ŋeno.

2 kurinṯus 1:7

na ḏiḏuḏɩnɩjo ḏəri ḏan nyaŋa ḏɩməṯɩnu galo, gi gwune analɩŋinu ganu, gwune nyalmaro gi ḏɩḏia nanyaje gi ḏibɩɽeḏa nanu dino.

2 kurinṯus 9:13

na gi gwune naliŋiri ŋɩru ŋeno, lɩmabuḏi eloŋu gwan ḏideŋɩneja ḏalo gi ḏɩteijo ga ḏalo ŋuɽun ŋun ŋiŋir ŋeḏi kɩrisṯo, na gi gwune ḏiḏəḏo ḏalo ḏutu lagin na gi liji wei,

awisus 3:6

na ŋuɽun ŋeno ŋun ŋɩlɩbo ŋiro dino, liji lun liro ga dino liɽenyeḏo kal gete lijuŋale, lɩkanano kaŋɩnu yetɩdo, naləṯi ŋɩmaga ŋuɽun ŋun ŋarɩŋe elo ŋulɩḏəḏə ḏi kɩrisṯo gwun gwan yecu, ŋun ŋaŋinu ŋuɽun ŋe ŋun ŋiŋir geḏi yecu kɩrisṯo.

awisus 4:1

na dɩno nyi gwun gwiro babuny gwan gwele gwun gwiro elo, gwuɽoṯeḏo lagalo gworki aṯanyawele ŋuɽun ŋe ŋun ŋideleḏo ḏorniḏa ḏe ḏun ḏorniḏajilḏe,

awisus 4:4

aŋɩnu yo yetɩdo, na gwuɽɩwə gwo gwetɩdo gwun gwɩpiḏo pɽul, ŋiro gi gwune orniḏajilo dɩno gi ḏiḏuḏɩnɩjo ḏetɩdo ḏe ḏorniḏa ḏalo.

bilibi 3:14

nyi gwadirinaje kəbe nyi gweṯɩmi kalo kono, nyi gwəməṯo ḏiḏienə ga ḏun ḏornijije elo kanyin ḏi yecu kɩrisṯo.

kulusi 1:12

nyalaṯeico babaŋu sukran gwun gwidujije lɩdeleḏo iləṯi ŋɩmaga gi ḏiɽenyeḏa lijiŋale luŋun lun lɩpiḏo pɽul kwu bure.

kulusi 1:22

kaŋɩnu yeḏi jɩḏḏi juŋun ḏaiya ḏe ḏuŋun, kani ŋwajigele gi jei ganu lugwun lɩpiḏo pɽul, nya late ləṯin ŋuɽuna nanu ŋəḏi no, i ŋe ḏicɩgio no,

kulusi 3:12

na dino kaiil lula lalo gi lun lɩməṯɩnu leḏi elo, lun lɩpiḏo pɽul na ləmɩnyɩnu, ḏugwor ḏe ḏeḏi gino na ḏəmɩnyo, na ḏɩtieno ḏe dugwor na ḏeḏi lulo, na ḏɩməṯo dugwore,

1 ṯasaluniki 2:12

nyawewele ŋuɽun ŋe wei ŋun ŋideleḏo ḏi elo, gwun gworniḏaje ŋele ŋuŋun na ḏoɽeḏa ḏuŋun.

1 ṯasaluniki 5:27

nyi gwajuməḏɩjo ŋuɽuna ŋɩbɩɽe ḏi gwele gwun gwiro elo kani nyəgɩri jawab ceno gi lɩmage wei lun lɩpiḏo pɽul.

2 ṯasaluniki 1:11

na gwan ŋuɽun ŋeno naṯanuməḏəṯɩjo eloŋu bubruṯ lagalo, kani a elo gwage ŋwajɩnumə lun ledeleḏo gwan ḏorniḏa ḏuŋun, na gwaṯɩmi ŋuɽuna wei ŋun ŋəmɩnyulo ŋun ŋiŋir, na ŋɩru ŋe ḏɩməṯo ŋɩma ŋe,

2 ṯasaluniki 2:14

na gwan ŋuɽun ŋeno ŋu ŋwəjorniḏaṯa ŋuɽun ŋe ŋun ŋiŋir ŋəri ŋeḏi yecu, nyape ḏoɽeḏa ḏeḏi gwele gwage gwun gwan yecu kɩrisṯo.

1 ṯimuṯawus 6:12

ro ḏɩrra ḏe ḏe ḏɩməṯo ḏun ḏiŋir, ŋaməṯo ḏɩmiḏa gi gɩḏilio ḏun ḏɩməṯinɩjo galo, na ŋa gwaŋiḏi ḏɩteijo ga ḏun ḏiŋir gi jei ganu jeḏi liji lun lutu.

1 ṯimuṯawus 6:2

na lɩwainy lun ləṯi liji lun lapijɩlo ŋɩru lun ləmɩnyu eloŋu, ate alabɩlaṯe gi gwune luŋa liro ŋɩmaga; nalimɩni apijo ŋɩru ŋutəno gi gwune lun ləṯi ḏɩbona ŋɩru ŋagin ləmɩnyu eloŋu, naləmɩnyiḏi. alɩmiḏo ŋuɽuna ŋe ŋeno.

2 ṯimuṯawus 1:9

gwun gwukədəḏije ga nuŋwijornejo ḏɩpiḏa pɽul, ḏədu ḏe ŋɩru ŋage no, namɩni ŋuɽun ŋun ŋibunyulo na ḏiŋiriḏa ḏuŋun ḏun ḏiḏəḏije ḏi yecu kɩrisṯo gwerre gwate magele gɩḏilio no.

2 ṯimuṯawus 2:7

aṯaŋiri jei galo ŋuɽun ŋinyi, na gwele gwun gwiro elo gwaŋaḏəḏə ḏilɩŋeḏa ŋuɽuna wei.

lɩbrani 10:19

na ŋiro dino lɩmagəri, iləṯi ḏibɩɽeḏa nanu iləḏi kalo ŋun gɩpiḏano pɽul ŋuwən ŋe ŋeḏi yecu,

lɩbrani 10:21

na iləṯi gɩsis gun gɩbuḏo geḏi dunu gweḏi elo.

lɩbrani 10:23

ouwɩricije ilməṯo ḏiḏuḏɩnɩjo dun ḏiteijilo ga ilate iləṯɩn dugwor ganu dɩttən no, gi gwune ŋu gwun gwuməḏɩjije ŋuɽuna gwaṯɩdɩme ŋuɽuna ŋuŋun.

lɩbrani 13:22

nyi gwuɽoṯəḏaje gworki lɩmagəri, nya ləṯi ŋino lugwi ŋuɽun ŋeno ŋe ḏibɩɽeḏa nanu, gi gwune ŋwulijejilo ŋun ŋɩti.

lɩbrani 2:11

gi gwune ŋu gwun gwɩpiḏi liji pɽul na liji lun lɩpiḏo pɽul lɩwiḏi kal getɩdo, na ŋiro dino ŋu gwate gwape ḏare no gwarno ŋu na luŋa liro ŋɩmaga.

lɩbrani 2:17

na ŋiro dino arram gwaro gi lɩmegin ŋuɽun ŋe wei, kani ŋwuro gwele gweḏi jɩsis gwəṯi ŋino na gwiŋir gwuḏuḏɩnu ga ḏi elo ŋɩdi ŋe ŋuŋun, kani nugele ḏouwɩɽiḏa gwan ŋuɽun ŋeḏi liji ŋun ŋɩki.

lɩbrani 3:12

lɩmagəri jil muma, gwəṯi gwete lagalo gwəṯi ḏugwor ḏɩki ḏate ḏəṯi ḏɩməṯo no, nyalḏuḏɩni ga kaja ḏi elo gwun gwumiḏo.

lɩbrani 3:14

na liŋə ilmaro kal gete kɩrisṯoŋale, ḏa ilmaməṯəḏo ḏəmɩnyo ḏage didir ḏun ḏəṯɩlo kəbe na gɩdo.

lɩbrani 6:20

na yecu dare gwerre lage nuəḏi kɩɽelo kalo keno gwan liŋə. na ŋu maro gwele gweḏi jɩsis gi gɩḏilio ŋuɽun ŋe ŋeḏi malikisadak.

lɩbrani 7:26

na gwele gweḏi jɩsis gwun gwiro dino gwiŋir lage: gwupiḏo pɽul, gwate gwəṯi ḏare no, gwate gwɩki ḏuṯ no, gwijo kaja gi liji lun lɩki, na gwobɩḏəṯɩni elo uro kanyin.

lɩbrani 7:28

na ŋuɽun ŋun ŋigelijɩlo elo musaŋ ŋɩmaməṯo ləmɩnyəŋe lun lɩmumɩḏo alro lele leḏi jɩsis, namɩni ŋuɽun ŋe ḏərɩmiə ŋuməḏɩlo kɩɽelo ŋuɽun ŋun ŋigelijɩlo elo musaŋ, ŋɩmaməṯo ŋaɽe ŋeḏi elo ŋun ŋiro muma gi gɩḏilio.

lɩbrani 9:11

namɩni kɩrisṯo mila gwiro gwele gweḏi jɩsis gweḏi ḏiŋiriḏa ḏun ḏar ḏila, ŋu məḏi kalo gun gɩbuṯano na ŋun ŋiro muma ŋun ŋate gikədɩnu di de no, na gədu geḏi gɩḏilio keno no;

lɩbrani 9:15

na kalo geḏi ŋuɽun ŋeno, ŋu gwiro gɩlɩgi geḏi ŋuɽun ŋun ŋiya ŋun ŋɩkaiilo elo ḏaiya ḏe ḏe ḏɩkədəḏɩnə ga ŋuɽun ŋun ŋɩki ŋun ŋijo ŋuɽun ŋun ŋɩkaiilo elo gwerre, kani luŋa lun lorniḏɩnu nalɽenyeḏe ŋuɽun ŋun ŋarɩŋe elo no ŋulilḏəḏə gi gɩḏilio.

1 buṯrus 2:9

namɩni nyaŋa nyalro liji lun lɩməṯɩnu, na jɩsis jeḏi gwele, na liji leḏi amɩrɩgen lun lɩpiḏo prul, na leḏi elo, kani nyumə ŋuɽuna ŋun ŋiŋir ḏɩbuḏia ḏe ŋuŋu gwun gwumajigwuloḏa kirɩm najigwuloḏeico bure gwuŋun gwun gwiŋir gworki.

1 buṯrus 3:5

na ŋiro dino la lun lijo gwerre lun lɩpiḏo pɽul naṯɩlgele ḏiḏuḏɩnɩjo ḏagin ḏi elo, nalkaii lula lagin gi ḏɩkana ṯeno naṯɩləṯeijo ləmɩnyəŋe lagin nəni.

1 buṯrus 5:1

nyi gwuɽoṯeḏo gi lele leḏi kɩniso lun lijo lagalo, nyi gwiro gwele gwun gwiro maḏalo gwalo gwun gwaŋɩḏi ḏɩḏia ḏeḏi kɩrisṯo, na gwun gwəṯi ŋɩmaga gi ḏoɽeḏa ḏun ḏaŋino,

1 buṯrus 5:10

na elo gwe ḏiŋiriḏa wei gwun majorniḏeico ḏoɽeḏa ḏuŋun ḏeḏi gi gɩḏilio ḏi kɩrisṯo, kaja gun gɩmanyagiḏe ŋwamon ŋwouwɩrio gwajiṯɩmeje, na gwajimaṯaji ga, na gwajibɩɽi nanu, na gwajibɩɽeji ga ḏiḏir.

1 yuwana 1:3

ŋun ŋaŋəḏanalo nanadiŋɩni najiluməḏɩjo kani nyəṯi ŋɩmaga dino anaŋale. na gwerkwe ŋɩmaga ŋage babaŋale na ŋaɽe ŋuŋun ŋun ŋan yecu kɩrisṯo.

yauḏa 1:1

nyi gwan yauḏa gwun gwiro wainy gweḏi yecu kɩrisṯo na megin gweḏi yagub, nyi gwulijo liji lun lornɩḏɩnu lun ləmɩnyɩnu ḏi elo gwun gwiro baba na lɩdɩmijilo yecu kɩrisṯo.

ŋuɽun ŋun ŋaŋinu 17:14

nalrre lrəməŋale lun loga, nal lrəmə lun loga ḏami gi gwune liro gwele gweḏi lele wei, na əlmək gweḏi əlmaŋa wei, na luŋa lun lijille liro lorniḏɩnu na lɩməṯɩnu na liŋir liḏuḏɩnu ga.

ŋuɽun ŋun ŋaŋinu 18:20

dilo ganu lugwun, ŋa kanyin, na liji lun lɩpiḏo pɽul, na duwəjo na nebɩŋa, gi gwune gwɩma elo akɩmi gwan ḏakɩmiḏa ḏalo.