lɩbrani 2:9 - ŋuɽun ŋun ŋiya ŋun ŋikaiilo elo 1966

⁹ namɩni ilaŋu yecuŋ magelini ga gelio gwe gi liji leḏi kanyin ŋwamon ŋwouwɩrio, gwəṯi laḏe ḏoɽeḏa ḏe na ḏinəjio ḏe gwan ḏɩḏia ḏe ḏaiya, kani nuai ḏaiya ḏiŋiriḏa ḏe ḏeḏi elo gwan liji wei gwete gwete.

lɩbrani 2:9 Iomraidhean Croise

maṯa 16:28

gwerkwe, gwerkwe ganu, nyi gweiceijɩno, lo kworo leḏi liji leno lun lɩḏuḏɩnu ŋɩne late lai no kəbe laŋu ŋaɽe ŋeḏi liji ŋaɽuwa ŋele ŋe ŋuŋun.

maṯa 6:28

na gwudaro gəko naṯanyuməḏɩni gi dugwor ganu gwan ḏɩkana? iril jei ga ŋɩḏini ŋun ŋiro ŋwiromel galakwe ŋwaṯɩbuḏe; ŋwate ŋwaṯape ŋɩru, i naliri ŋabuɽo no,

markus 9:1

nuleicɩno gwerkwe ganu nyi gweiceijɩno, lo kworo leḏi liji leno lun lɩḏuḏɩnu ŋɩne late lai no kəbe laŋu ŋelɩnya ŋeḏi elo ŋila ŋɩna ŋe.

luka 9:27

na gwerkwe ganu nyi gweiceijɩno, lo kworo leḏi liji leno lun lɩḏuḏɩnu ŋɩne late lai no, kəbe laŋu ŋelɩnya ŋeḏi elo.

yuwana 1:29

na giləganu nuaŋu yecuŋ meləḏa lugwun, nuarno, eʼe lrəmə leḏi elo lun loga lun laṯəbiri ŋuɽuna ŋɩki ŋeḏi gɩḏilio.

yuwana 10:17

na gwan ŋuɽun ŋeno baba gwinyiəmɩnyi gwune əmɩnyi niai nimiḏe mɩna.

yuwana 12:32

na nyi, na ḏa nyi mabuḏɩni elo ŋɩne kwmyəm na nyi gwogwuloḏa liji lugwi wei.

yuwana 3:16

elo gwaṯəmɩnyi liji leḏi gɩḏilio, nulḏəḏə ŋaɽe ŋuŋun ŋetɩḏo, na ḏa gwiji məmɩnyi ŋuŋu gwate gwai no, namɩni gwəmɩḏe gi gɩḏilio.

yuwana 8:51

gwerkwe, gwerkwe ganu, nyi gweiceijɩno, ḏa gwiji gwete madɩme ŋuɽuna ŋinyi gwate gwanaŋu ḏaiya gi gɩḏilio no.

yuwana 8:52

na liju eicɩno, gwunne nanalɩŋe ŋa gwəṯi ḏiŋeroma. ibraim gwɩmai na nebɩŋa dino, namɩni ŋa gwarno, ḏa gwiji gwimaḏɩme ŋuɽuna ŋuŋa gwate gwai gi gɩdilio no.

ŋɩru ŋun ŋapɩlo duwəjo 2:33

na dɩno ŋu mudiɽi ḏi ḏe ḏeḏi elo ḏun ḏiro ḏiŋir, na maməṯo gwuɽɩwə gwun gwɩpiḏo pɽul ḏi baba gwun gwəru gwe gwerre, nudoija ŋuɽuna ŋeno ŋun ŋaŋaḏanyalo na nyaldiŋɩni.

ŋɩru ŋun ŋapɩlo duwəjo 3:13

elo gweḏi ibraim na isak na yagub, na gwiro elo gweḏi lɩgwurninyo lage mabuḏi gaḏama guŋun gan yecu, gwun manyaḏəḏə liji nanyadonye gi jei ganu jeḏi bilaṯus, gwune nuarno gwukədə ga.

rumiya 5:18

na gi gwune ŋuɽun ŋe ŋɩki ŋeḏi gwiji gwetɩdo ḏakɩmiḏa ḏɩmila gi liji wei nalakɩmini; na dino ŋɩru ŋe ŋun ŋiŋir ŋeḏi gwetɩdo liji wei ladujini liŋir gi jei ganu jeḏi elo nalmiḏe.

rumiya 5:8

namɩni elo maŋiḏi ḏəmɩnyo ḏuŋun lage gi gwune iljɩre lɩki kɩrisṯo mai gwan liŋə.

rumiya 8:3

gi gwune ŋɩru ŋeno, ŋun ŋuɽun ŋun ŋigelijɩlo elo musaŋ ŋate ŋəṯi ŋɩma ŋulduji no gi gwune ŋɩmumɩḏo aŋɩnu ye, namɩni elo mawəjo ŋaɽe ŋuŋun kaŋɩnu, yun yiro gi jiŋɩno jage jun jaṯape ŋuɽuna ŋɩki, na gi ḏiḏuga ḏan ŋuɽun ŋun ŋɩki, na dino ŋumakɩmi ŋuɽuna ŋun ŋɩki kaŋɩnu,

rumiya 8:32

ŋu gwun gwate gwinəḏi ŋaɽe ŋuŋun no numɩni ḏəḏinijo gwan liŋə wei, na galakwe gwate nuŋwijiḏəḏo dino ŋuŋale ŋɩdio wei ga dino no?

2 kurinṯus 5:15

na ŋu gwɩmai gwan liji wei, kani a liji lun lɩmiḏo late ləmɩḏe lan lulo lagin no, almɩni ro gwan ŋu gwun gwɩmai na madiɽi gwan luŋa.

2 kurinṯus 5:21

gi gwune ŋu gwun gwate gwilɩŋiḏi ŋuɽuna ŋun ŋɩki no, gwiduji elo ŋuɽun ŋun ŋɩki gwan liŋə, kani ilro ŋuɽun ŋun ŋiŋir ŋeḏi elo lugwun.

galaṯia 4:4

namɩni gwune na gaja ṯɩmi wɽi, na elo wəjo ŋaɽe ŋuŋun ŋun ŋilɩŋinu kwa, na ŋilɩŋinu ŋuɽun ganu ŋun ŋigelijɩlo elo musaŋ,

1 ṯimuṯawus 2:6

gwun gwiḏəḏi gwula gwuŋun gi jili jeḏi ḏɩkədəḏɩnə ga gwan liji wei, ŋuɽun ŋuŋun ŋun ŋəŋinu gi lamon lun larɩle elo.

lɩbrani 1:9

a gwəmɩnyu ŋuɽuna ŋiŋir namɩni de ŋuɽuna ŋun ŋɩki. na ŋiro dino elo, elo gwuŋa maŋawɩrṯi ŋila ŋe ŋe ḏidila ganu ŋutəno gi liji lun lijaḏanyale ŋa.

lɩbrani 10:5

gwune na kɩrisṯo əḏio kɩḏilio nuarno, ŋa gwate gwəmɩnyu ḏiḏuga na ŋɩdi ŋun ŋiḏəḏɩlɩlo ga dino no, namɩni ŋa gwugicɩŋi aŋɩna muma.

lɩbrani 11:5

ḏɩməṯo ḏe akunuk gwumuape kani ate nuaŋu ḏaiya kaŋɩnu yuŋun no; namɩni gwate gwumabuḏini no, gi gwune na elo ape. na gwerre na ḏapa ḏuŋun ŋu gwəṯi ŋuɽuna ŋun ŋatuŋiŋiri eloŋu ḏugwore.

lɩbrani 12:2

ilaŋalaḏe ḏi yecu gwun gwiro gwele gwe ḏɩməṯo na ḏiṯɩmio ḏuŋun, gwun gwuməṯi ḏugwore kalo geḏi luɽi lun lɩmalɩḏo ganu gi gwune ḏidila ganu kɩɽelo lugwun, nuabɩlaṯe ḏare ki nudijiga gi ḏi ḏun ḏiro ḏiŋir ḏeḏi gɩḏoɽ geḏi elo.

lɩbrani 2:7

ŋa gwugeloŋu ga gelio gwe gi liji leḏi kanyin ŋwamon ŋwouwɩrio, namagele laḏe kɩɽelo lugwun ḏoɽeḏa ḏe na ḏinəjio ḏe, naḏəḏə ŋelɩnya ŋɩru geḏi di duŋa.

lɩbrani 7:25

na ŋiro dino ŋu gwəṯi ŋɩma lulkədə ga wɽi gi gɩḏilio lun lidɩkəḏi ḏi elo ŋu gwe, gi gwune ŋu gwumiḏo gi gɩḏilio kani aṯuɽoṯəḏɩjo eloŋu gwan luŋa.

lɩbrani 8:3

na lele leḏi jɩsis wei lɩməṯɩnu lagele ŋɩdio ga dino na ḏiḏuga; na ŋiro dino arram gɩsis keno gəṯi ŋɩdio ŋulgele dino.

1 buṯrus 1:21

nyaləmɩnyu eloŋu ŋu gwe gwun gwidiɽiŋu gi liji lun laiyo, nuḏəḏə ḏoɽeḏa, kani a ḏɩməṯo ḏalo na ḏiḏuḏɩnɩjo ḏalo ŋwuje ḏi elo.

1 yuwana 2:2

na ŋu gwiro ḏiḏugɩno ḏeḏi ŋuɽun ŋage ŋun ŋɩki, namɩni ŋədu ŋage cucun no, namɩni ŋiro dino ŋeḏi gɩḏilio wei.

ŋuɽun ŋun ŋaŋinu 19:12

na jei juŋun jiro gi ḏiŋɩla ḏeḏi igo, na kɩɽelo lugwun ŋwaḏe ŋwo gɩripi; na ŋu gwəṯi jiri julinu gwatɩn gwetɩdo junilɩŋe no namɩni ŋu jilɩŋiḏulo.

ŋuɽun ŋun ŋaŋinu 5:9

nalelɩŋi ḏelɩŋa ḏiya, nalarno, ŋa gwɩdeleḏo ŋa gwape gɩḏam ŋiḏi ŋaɽa ŋuŋun; gi gwune ŋa gwuɽinyinu na ŋuwən ŋe ŋuŋa ŋa liḏɩlijilo eloŋu liji leḏi əriḏ wei ŋuɽun ŋagin, ŋuɽun ŋagin, na liji leḏi jɩmɩrɩgen wei,