lɩbrani 2:4 - ŋuɽun ŋun ŋiya ŋun ŋikaiilo elo 1966

⁴ na elo dino gwaŋiḏɩlo ŋuɽun ŋe ŋun ŋɩbuḏo, na ŋuɽun ŋun ŋɩmobeje liji ga ṯuṯ, na ŋɩru ŋe ŋeḏi ŋɩma ŋuŋun ŋun ŋiro kajakaja, na ḏiḏəḏo ḏe ḏun ḏibunyulo ḏiliḏəḏə ḏeḏi gwuɽɩwə gwun gwɩpiḏo pɽul.

lɩbrani 2:4 Iomraidhean Croise

markus 16:20

namɩni luŋa naltu nalwele naṯɩlalɩmiḏe kalo wei. naṯɩlape ŋɩru gweleŋale gwun gwiro elo, naṯuməṯeji ŋuɽuna ga gi liji, ḏəŋinio ḏe naligwuje.

markus 6:14

na gwune na gwele gwun gwan ərudus diŋɩni ŋuɽuna ŋeno gi gwune jiri jeḏi yecu lɩŋiḏɩni muma. na liji laṯarno yuwana mamadan gwiro gwun madiɽo gi ḏaiya na ŋiro dino ŋɩmaŋino lugwun ŋɩru ŋɩbuḏo.

yuwana 15:26

namɩni gwune nuwila gwun gwaṯɩmoɽe ganu gwun gwajiwəḏɩjo ḏi baba, gwuɽɩwə gwun gwiro gwerkwe gwun gwəduḏa ḏi baba ŋu gwinyiteije ga;

yuwana 4:48

na yecu eicɩno, ḏa nya late limaŋu ḏəŋɩnio na ŋɩdi ŋun ŋɩmobeje liji ga ṯuṯ no, nya late ləmɩnyi no.

ŋɩru ŋun ŋapɩlo duwəjo 14:3

ŋiro dino nalijiga gaja gwola ganu, nalumə ḏibɩɽeḏa ḏe nanu na ḏobeḏeicaḏelo ḏeḏi gwele gwun gwiro elo, gwun laŋijulo ŋuɽun ŋe ḏiŋiriḏa ḏuŋun ŋiro gwerkwe ŋuɽun ŋe ŋun ŋɩbuḏo, na ŋɩdi ŋe ŋun ŋɩmobeje liji ga ṯuṯ, ŋun ŋapɩlo di de dagin.

ŋɩru ŋun ŋapɩlo duwəjo 4:10

lɩŋiḏɩl muma nyaŋa wei na liji weɩ leḏi isreiyil, gwəmɩnyo kweno gwuḏuḏɩnu ga gi jei ganu lagalo magelini muma, jiri je jeḏi yecu kɩrisṯo gweḏi nasɩra, gwun gwuɽinyɩḏenya gi luɽi lun lɩmalɩḏo ganu na ma elo diɽi gi ḏaiya, i jiri je ceno kuwei

ŋɩru ŋun ŋapɩlo duwəjo 5:32

andro lun laŋiḏi ŋuɽuna ŋeno, na dino gwuɽɩwə gwun gwɩpiḏo pɽul gwun gwiḏəḏi elo liji lun ləṯeijo nəni.

awisus 1:5

na gi ḏəmɩnyo ḏuŋun numijiməṯo uro gwerre, kani nuŋwijiduji nyaɽe nyuŋun yecu kɩrisṯo gwe, ŋiro gi ŋuɽun ŋun ŋɩbunyulo ŋun ŋiŋir ŋun ŋiŋiri ḏugwore,

awisus 1:9

gi gwune gwilɩŋiḏije ŋuɽun ŋun ŋɩlɩbo ŋeḏi ŋuɽun ŋun ŋɩbunyulo, ŋiro gi gwune ŋu gwar gwerre no gwagele kɩrisṯo gwe,

awisus 4:7

na ḏiŋiriḏa ḏun ḏiḏəḏijɩlo gwete gwete, ḏiḏəḏije ŋiro gi ḏigəgɩnyəḏɩjo ganu ḏe ḏiḏəḏo ḏeḏi kɩrisṯo.

lɩbrani 6:4

ŋate ŋiro dino no, luŋa lun laɽəḏi ga lamtɩdo nalɩŋaico ḏiḏəḏo ḏun ḏɩro ga dino ḏeḏi kanyin, nalro kal gete gwuɽɩwə gwe gwun gwɩpiḏo pɽul,