lɩbrani 13:9 - ŋuɽun ŋun ŋiya ŋun ŋikaiilo elo 1966

⁹ nyagwuloḏena ḏalɩmia ḏe ḏun ḏiro kajakaja no, gi gwune ŋiŋir ḏugwor ḏəməṯini ga ḏiŋiriḏa ḏe ŋuɽun ŋədu ŋe ḏiṯa no, ŋun ŋate ŋəṯi jei ganu gi liji lun lɩmadeŋɩnejo no.

lɩbrani 13:9 Iomraidhean Croise

awisus 4:14

nate nilro nyaɽe minu no, ilo ŋilinuri ga ŋiro kaja ḏɩron ḏe ḏeḏi ḏalɩmia ḏiro kajakaja, ḏirdəḏeico ḏe ḏeḏi liji ḏun ḏaṯijigwuloḏa kaja ŋuɽun ŋun ŋɩki;

awisus 5:6

aṯanyouwɩrico gwete gwajirdəḏeico ŋuɽun ŋe ŋun gate jei ganu no, gi gwune ŋuɽun ŋeno ŋaṯɩɽi eloŋu ganu gi nyaɽe nyun nyaṯakɩra ŋuɽuna duɽo de.

rumiya 14:6

ŋu gwun gwatɩni lamon laṯunɩjo gwelɩnya gwun gwiro elo namɩni gwun gwate gwatɩni lamon no na late laṯunɩjo gwelɩnya no. na gwun gwateʼe, gwaṯeʼe kwele gi gwune gwaṯeico eloŋu sukran, na gwun gwate gwaṯeʼe no, gwate gwaṯeʼe kwele no, numɩni eico eloŋu sukran dino.

1 yuwana 4:1

nyaŋa lun ləmɩnyɩlo, aṯanyamɩnyo gwuɽɩwə wei no, nyamɩni iḏeije gwuɽɩwə gwəri gweḏi elo gwiro a, gi gwune nebɩŋa lutu lɩmədu kɩḏilio lun liro lɩwɩɽɩgal.

ŋɩru ŋun ŋapɩlo duwəjo 20:30

na dino kɩlɩgi ganu lagalo ləmɩnyo lədiɽo luməḏo lawɩrloḏeice ŋuɽuna kaja gwe kani algwuloleḏa calɩmis gɩdo gwe.

yauḏa 1:12

leno liro nyɩdol kɩmuri galo ge ḏəmɩnyo, nalʼe late lɩdonyo no, liʼi lula lagin; nalro jəbɩɽu jeḏi ŋau na ŋau ŋate, jal ḏɩron uri, na jaɽe jeḏi ko jate jəṯi nyaɽe no, judu gwerkwe, jɩmawino.

1 ṯimuṯawus 6:20

ṯimuṯawus, dɩmiḏi ŋuɽuna ŋun ŋiḏəḏaŋalo; abɩro ŋuɽun ganu ŋun ŋate eloŋu no na ŋun ŋiro ga jai, na ŋuɽun ŋun ŋaṯɩleico ḏilɩŋeḏa nalmɩni ro ŋɩwɩɽɩgal.

yauḏa 1:3

nyaŋa lun ləmɩnyɩnu, ḏa nyi mar gwiḏeije ŋɩma ŋe ŋinyi wei gwajilulijo ŋan ḏɩkədəḏɩno ga ilro ŋɩmaga, nyi gwɩreməṯəḏəṯɩnu nuarno nyi gwajulijo ŋuɽuna kani gajibɩɽi nanu nyalrraḏo kworo gi ḏɩməṯo ḏun ḏiḏəḏu liji lun lɩpiḏo pɽul lamtɩdo.

2 ṯasaluniki 2:17

gwabɩɽi dugwor dalo nanu na gwajimaṯaji ga ŋuɽun wei na ŋɩru wei ŋun ŋiŋir.

maṯa 24:24

gi gwune laje lədiɽo lun liro lɩwɩɽɩgal lun larno lan kɩrisṯo, na nebɩŋa lun liro lɩwɩɽɩŋal nalaŋiḏi ḏəŋinio ḏun ḏɩbuḏo gworki na ŋidi ŋun ŋɩmobeje liji ga ṯuṯ, lar laḏuji liji lun lɩməṯɩnu leḏi elo ḏa ŋɩmandro.

maṯa 24:4

nal yecu wɩrlijo ŋuɽuna nuleicɩno, jil muma, gwo gwanyanouwɩrico gwetɩdo gwajɩnḏuji no.

kulusi 2:4

na nyi gwaro dino kani gwatɩn gwetɩdo gwajirdeijo ganu ŋuɽun ŋe ŋe ḏinyinyiməḏeico no,

2 kurinṯus 1:21

namɩni gwun gwumijimaṯaji galo nyaŋale ḏi kɩrisṯo, na gwumijiwɩrṯi ŋu gwiro elo,

1 kurinṯus 8:8

na ḏiṯa ḏate ḏijidirkaḏaica ḏi elo no; gi gwune na ḏa ŋɩmilʼe ilate laniŋirane no, na ḏa ŋate ŋɩmilɩnʼe no ilate lankene no.

rumiya 14:17

gi gwune ŋele ŋeḏi elo ŋate ŋiro ḏiṯa na ḏiyo no, nalmɩni ro ŋuɽun ŋun ŋiŋir na ḏouwɩɽiḏa na ḏidila ganu kwuɽɩwə gwun gwɩpiḏo pɽul.

rumiya 14:2

gi gwune gwete gwaṯəmɩnyi nuarno gwaʼe ŋɩdio wei, namɩni gwiji gwun gwirebɩna gi ḏɩməṯo na gwaʼe ŋɩdio ŋun ŋɩkwuḏulo kuwei

ŋɩru ŋun ŋapɩlo duwəjo 20:32

na gwunnɩno nyi majigele gi ḏi ḏeḏi elo na ŋuɽun ŋe ḏiŋiriḏa ḏuŋun ŋun ŋəṯi ŋɩma ŋajibɩɽi nanu, na ŋajiḏəḏə ḏiɽenyeḏa luŋaŋale wei lun lɩpiḏo pɽul

2 ṯasaluniki 2:2

ate a ŋadɩgɩɽe ŋalo ubəga cou no, na aji dugwor mɩɽiḏa no, i gwuɽɩwə gwe, i ŋuɽun ŋe, i jawab je jun jarje liji no jɩmila lagəri jun jarno lamon leḏi gwele lɩmila wɽi.

1 kurinṯus 6:13

ḏiṯa ḏigelɩnu ḏan gare na gare gan ḏiṯa; namɩni lai elo eti berene. namɩni aŋɩnu yate yan ḏura no, numɩni ro yeḏi gwele gwun gwiro elo, na gwele gweḏi aŋɩnu.

galaṯia 6:1

lɩmagəri, na ḏa gwiji gwete ma ŋuɽun ḏami ŋəde ŋun ŋɩki, nyaŋa lun ləṯi gwuɽɩwə nyalwɩrlio gwiji ga kweno, gwuɽɩwə gwe gwun gwɩtieno kwulo, ŋiri jei ga kwulo gwuŋa əri kəbe aŋani iḏeijeŋa dino.

luka 5:38

namɩni ŋɩmidiə ŋun ŋiya ŋwaldoije gi jurəḏ jun jiya, na ŋaje muma.