lɩbrani 13:4 - ŋuɽun ŋun ŋiya ŋun ŋikaiilo elo 1966

⁴ ouwiricil ḏaga ŋwiŋir kalo geḏi ŋuɽun wei, na kalo gun gaṯɩniḏɩre ŋɩrleḏ ŋate no; gi gwune elo gwakɩmi liji lun lɩmɩɽiḏi ganu na lun laṯure.

lɩbrani 13:4 Iomraidhean Croise

1 kurinṯus 5:13

namɩni lun lijo kaja lai elo akɩmi. dil lagalo gwiji kweno gwun gwɩki.

1 kurinṯus 6:18

abɩrɩl ŋeḏor. ŋuɽun wei ŋun ŋɩki ŋun ŋaṯɩl gwiji duji ŋiro kaja kaŋɩnu, namɩni gwun gwaṯure gwaṯape ŋuɽuna ŋɩki kaŋɩnu yuŋun.

1 kurinṯus 6:9

nyaŋa late lilɩŋiḏi nanyarno leno lun lɩki late laɽenyeḏe ŋele ŋeḏi elo na? nya lo laḏuḏe ŋuɽuna ganu ŋun ŋiro gwerkwe, gi gwune lun laṯuriḏe ga dino, i lun laṯorṯeḏa ŋɩdio, i lun liro leḏor, i lun laṯɩgele ŋuɽuna ŋɩki gi jiŋɩno jagin lun laṯɩwɩrliḏe ga liro ləmɩnyo,

1 kurinṯus 7:38

na ŋiro dino, ŋu gwun gwiḏəḏi ŋeria ŋuŋun ḏəgino ŋwarre muma, namɩni ŋu gwun gwate gwiḏəḏi ŋeria ḏəgino no ŋwərrɩjo ŋuɽuna ŋiŋirano.

1 kurinṯus 9:5

ŋate ŋiŋir lagəri anape gwa gwun gwiro mage ḏi kɩrisṯo ŋiro gi gwune arrɩne duwəjo dun diro kaja, na lɩmegin leḏi gwele gwun gwan yecu na sapa na?

2 kurinṯus 5:10

gi gwune arram liŋə ilaŋini wei gi jei ganu kɩḏoɽ geḏi ḏakɩmiḏa ḏeḏi kɩrisṯo, kani a gwete gwete wei ape ŋɩdio ŋeḏi ŋɩru ŋun ŋapulo aŋɩnu ye yuŋun, ŋiro gi ŋɩru ŋuŋun ḏa ŋɩmiŋir i ŋɩmake.

galaṯia 5:19

na ŋuɽun ŋeḏi aŋɩnu ŋaŋinu na ŋiro dino, ŋeḏor, na ŋɩrleḏ, na ŋuɽun ŋe ḏidonyɩḏa ḏɩməṯo jiŋɩno,

galaṯia 5:21

na ḏɩɽeḏiḏia ganu, na ḏiɽinyiḏa ḏɩmar, na ḏɩrləlo, na ḏibunya ŋɩrəkwənəŋe ga jai, na ŋuɽun wei ŋiro gi ŋeno. na gwan ŋeno nyi gwajikɩɽɩnya ŋiro gi gwune kɩɽɩnyəḏaje gwerre, luŋa lun laṯarre ŋuɽuna ŋeno late laɽenyeḏe ŋele ŋeḏi elo no.

awisus 5:5

namɩni lɩŋiḏɩlo ŋeno muma, gwiji gwun gwaṯure, na gwun gwɩki, na gwun gwideleḏi ŋɩdi ganu na ŋuɽun ŋeno ŋiro ḏorṯeḏa ŋɩdio, gwate gwaɽenyeḏe ŋele ŋeḏi kɩrisṯo na elo no.

1 ṯasaluniki 4:6

kani gwatɩn gwetɩdo gwanapijo megin ŋuɽuna ŋɩki no, na gwo gwan gwa gwəḏi megin dela ganu gwan ŋuɽun ŋeno, gi gwune gwele gwun gwiro elo gwiro gwun gwəḏəḏə ḏakɩmino ŋuɽun ŋeno wei, ŋiro gi gwune uməḏɩjejɩlo gwerre naṯajɩlgɩreṯɩnya.

1 ṯimuṯawus 3:12

na ləmɩnyo lun laṯɩgelejo kɩniso uwə aləṯi gwa gwetɩdo, aldɩme nyaɽe nyagin na lɩdunu lagin na nyaɽe nyagin muma.

1 ṯimuṯawus 3:2

na dino arram gwele gwate gwəṯi ḏare no, gwəṯi gwa gwetɩdo, gwiro gwele gweḏi gwulo gwuŋun, gwaje muma ŋaḏɩgɩɽe ŋun ŋiŋir, gwəṯi gwilo gwiŋir, gwəmɩnyi liḏa, gwiŋir ŋuɽun ŋeḏi ḏalɩmia,

1 ṯimuṯawus 3:4

ŋwudɩme duno gwuŋun muma, na nyaɽe nyuŋun aldeŋɩnejo ŋuɽun wei ḏiŋiriḏa ḏe,

1 ṯimuṯawus 4:3

luŋa lakajo liji gi ḏagiḏa, naṯɩlalɩmi kani ate aṯɩlʼe ŋɩdio kworo no, ŋun ŋigelɩlo elo kani a liji lun ləmɩnyu. na lilɩŋiḏi. ŋuɽuna ŋun ŋiro gwerkwe ŋaṯɩlape, naleico eloŋu sukran.

1 ṯimuṯawus 5:14

na dino nyi gwubunyu la lun lore loga alagini allɩŋe nyaɽe aldɩme lɩduno lagin, ate aṯɩniouwɩrico gwiji lamon letɩdo gwun gwɩkiḏiḏɩle gwanluḏe no;

ṯitusŋ 1:6

ḏa gwete gwate manəṯi ŋuɽuna ŋun ŋar ŋapi ḏare no, nuəṯi gwa gwetɩdo, na nyaɽe nyuŋun nyɩməmɩnyi eloŋu nyate nyalɩncigi ŋɩrəkwəno no na ḏɩkia ŋuɽuna ŋun ŋɩḏuḏɩnu ga no.

lɩbrani 12:16

na gwate gwanje lagalo gwun gwaṯure i gwun gwaṯɩdonye eloŋu gi yisu gwun gwiḏɩli ŋelɩnya ŋuŋun ŋun ŋiduḏuŋe lɽa gwan gia gɩti.

ŋuɽun ŋun ŋaŋinu 22:15

na kɩluḏo nyin nyo, na liminyo, na leḏor, na lun liɽinyɩḏo ḏɩmar, na lun laṯorṯeḏa ŋɩdio, na wei lun ləmɩnyu naṯɩlumə ŋɩwɩɽɩgala.