lɩbrani 13:1 - ŋuɽun ŋun ŋiya ŋun ŋikaiilo elo 1966

¹ na ouwɩricil ḏəmɩnyo gwuməṯini ga ŋɩmaga ŋe.

lɩbrani 13:1 Iomraidhean Croise

yuwana 15:17

nyi gwuməḏɩjaje ŋuɽuna ŋeno kani nyəmɩnyɩḏa lagaloŋu ŋɩmaga.

ŋɩru ŋun ŋapɩlo duwəjo 2:1

gwune na lamon wila leḏi ḏuɽi ṯoḏɩne, na calɩmis aɽuwaḏa ldu kalo gete dugwor de detɩdo.

ŋɩru ŋun ŋapɩlo duwəjo 4:32

na leno gɩrɩpi lun ləmɩnyu ləṯi dugwor detɩdo na lulo letɩdo, gwatɩn gwetɩdo lagɩnŋu gwanarno ŋəṯune ŋiro kajaŋu no, ŋəṯɩlo ŋetɩdo laginŋu.

galaṯia 5:13

gi gwune nyaŋa lɩmagəri, nyalorniḏɩnu nyalro liji lun late liro lɩwainy no, namɩni nya lo laduji ḏɩkədəḏɩnə ga ḏalo gi lamon le laṯɩli aŋɩnu ape ŋuɽuna ŋuŋun ŋun ŋɩki, namɩni ḏəmɩnyo ḏe nyape ŋɩru ŋɩmaga lagaloŋu.

galaṯia 5:22

namɩni nyaɽe nyeḏi gwuɽɩwə gwun gwɩpiḏo pɽul nyiro ḏəmɩnyo, na ḏiḏɩla ganu, na ḏouwɩɽiḏa, na ḏɩməṯo ḏugwore, na gino, na ḏiŋiriḏa, na ŋuɽun ŋun ŋiŋir ŋiḏuḏɩnu ga,

galaṯia 5:6

gi gwune ḏa iljo ḏi yecu kɩrisṯo, ḏuɽəno ḏate ḏəṯi ŋuɽuna ŋədi no, na dino ḏijaga ḏate ḏuɽəno no, namɩni ḏɩməṯo ḏun ḏaṯape ŋɩru ḏəmɩnyo ḏe.

awisus 4:3

na ŋɩma ŋalo wei nyaliḏeije nyaladɩmiḏe ḏɩmaṯiḏa ḏe ḏeṯɩdo ḏeḏi gwuɽɩwə gwun gwɩpiḏo pɽul gi ḏɩkanana ḏe ḏouwɩɽɩḏa.

awisus 5:2

na aṯanyawewele gi ḏəmɩnyo ganu gi gwune əmɩnyijine kɩrisṯo dino, nuḏəḏə gwula gwuŋun ḏaiya gwan liŋə gi ŋɩdi ŋun ŋiḏəḏɩlo elo ga dino na ḏiḏugɩno ḏun ḏəṯi ŋɩḏini.

2 ṯasaluniki 1:3

lɩmagəri, anəṯi gəmɩju anaṯeico eloŋu sukran bubruṯ gwan nyaŋa gi gwune ŋideleḏo, gi gwune ḏɩməṯo ḏalo ḏaṯɩbuṯane ḏutəno, na ḏəmɩnyo ḏalo gwete gwete ŋɩmaga lagaloŋu ḏaṯutəne,

lɩbrani 10:24

ouwɩricije ilirijo jei galo iliḏeije lageŋu iləmɩnyi ilarre ŋɩru ŋiŋir.

1 buṯrus 1:22

nyaldili lula lalo alpiḏe pɽul gi ḏaṯeijo nani ŋuɽun ŋun ŋiro gwerkwe gi ḏaminyiḏa ŋɩmaga ŋun ŋiro gwerkwe, əmɩnyiḏɩl ŋɩmaga ḏəmɩnyo ḏe dugwor de dɩpiḏo gworki.

1 buṯrus 2:17

nəjil liji wei. əmɩnyil lɩmage. donyɩl eloŋu. nəjil gwelɩnya.

1 buṯrus 3:8

na gɩdo ganu duḏɩl letɩdo nyaŋa wei, əṯeḏil ŋino ŋɩmaga lagaloŋu, əmɩnyiḏil ŋɩmaga, nyəṯi dugwor dorɩwa, nyouwɩri ŋadɩgɩɽenya ŋalo.

1 buṯrus 4:8

namɩni gwerre ganu ŋuɽun wei, nyəṯi ḏəmɩnyo ŋɩmaga gworki gi gwune ḏaminyiḏa ḏaṯɩkɩɽɩbə ŋuɽuna ŋun ŋɩki ŋutu.

2 buṯrus 1:7

na gi ḏiḏonyɩḏa eloŋu ḏinɩḏo gworo ŋɩmaga lagaloŋu, na gi ḏinɩḏo gworo ŋɩmaga lagaloŋu ḏaminyɩḏa.

1 yuwana 3:23

na ŋeno ŋuɽun ŋuŋun ŋiro, iləmɩnyi jiri je jeḏi ŋaɽe ŋuŋun ŋun ŋan yecu kɩrisṯo, na iləmɩnyiḏe iləmɩnyi gworo, gi gwune mijiḏəḏə ŋuɽuna.

1 yuwana 4:20

ḏa gwete marno, nyi gwaṯəmɩnyi eloŋu numɩnɩ donye megin, ŋu gwiro wɩɽɩgal. gi gwune ŋu gwun gwate gwəmɩnyu megin gwun gwaŋəḏu no, gwate gwəṯi ŋɩma gwəmɩnyi eloŋu gwun gwate gwaŋəḏu no.

ŋuɽun ŋun ŋaŋinu 2:4

namɩni nyi məṯi ŋuɽuna ŋeno lugwuŋa, ŋa maḏuji ḏəmɩnyo ḏuŋa ḏeḏi gwerre.