lɩbrani 12:3 - ŋuɽun ŋun ŋiya ŋun ŋikaiilo elo 1966

³ irɩl jei ga ŋu gwun gwimape ḏikidiḏia gi liji lun lɩki, kani nyate nyartonyiḏe nyai nanu gi lulo lalo no.

lɩbrani 12:3 Iomraidhean Croise

maṯa 11:19

na ŋaɽe ŋeḏi liji ŋɩmila gaʼe na ŋeyu, nalmɩni arno, eʼe, gwiji gwun gwiro gəḏou, na gwaṯɩnyu ŋɩmidiə ŋutu, na gwaṯəmɩnyi liji lun laṯɩmeje ṯulba na lun lɩki. na ḏilɩŋeḏena ḏɩmədə ga nyaɽe nye nyuŋun.

maṯa 12:24

namɩni gwune na lɩbarɩsi diŋɩni, nalarno, kweno gwate gwatɩḏi ḏiŋeroma namɩni bilsibul gwe gwun gwiro gwele gweḏi diŋerom.

maṯa 15:2

gwudaro gəko na calɩmis juŋa naṯɩlki ŋuɽuna ŋeḏi liji lun luɽun gi gwune luŋa late laṯɩwone di dagin gi anaŋa gwune lar laʼe gia no?

maṯa 21:23

gwune nuəḏi kwu dunu gweḏi elo gwun gwubuḏo, na jɩsis jun jɩbuḏo wila lugwun na liji lun luɽun naleicɩno, ŋele ŋɩrṯa ŋun ŋaṯaŋarre dino? əḏi gwiro gwun gwiḏəḏɩŋa ŋelɩnya ŋeno?

maṯa 21:46

nalbunyi gwalməṯo, nalmɩni ḏonye liji gi gwune laṯarno gwiro nebi.

maṯa 22:15

na lɩbarɩsi naluməḏəṯe laginŋu galakwe alumə aldiŋɩni ŋuɽuna ŋədi ŋun ŋunuməḏo ŋun ŋɩki.

luka 14:1

na gwune nuəḏi kwu dunu gweḏi gwete gweḏi lele leḏi lɩbarɩsi lamon le sabiṯ gi ḏiṯa na luŋa naṯɩniŋele gei.

luka 15:2

na lɩbarɩsi na jalŋaṯɩm nanuməḏəṯelo nalarno, gwiji kweno gwəmɩnyu liji lun lɩki naṯɩlʼe.

luka 16:14

na lɩbarɩsi dino lun laṯəmɩnyi əlŋɩrucə naldiŋɩni ŋuɽuna ŋeno wei nalaki jumo.

luka 2:34

na simaun mora ki nueico mariamŋ gwun gwiro nana gwuŋun no, ŋaɽe ŋeno ŋɩməṯɩnu gi ḏaica ga na gi ḏidiɽio liji lutu leḏi isreiyil, na ŋaro ḏəŋinio ḏun ḏuməḏəṯini elo.

luka 5:21

na jalgaṯɩmŋa lɩbarɩsi le naluməḏɩni nalarno əḏi gwiro kwe gwun gwuməḏi ḏɩḏenɩḏia ḏe? əḏi gwiro gwəṯi ŋɩma gwaḏuḏe ganu ŋuɽun ŋun ŋɩki, elo gwədu gwetɩdo na?

yuwana 10:20

nalar lutu kworo lagin no, ŋu gwəṯi diŋeroma na gwiro gɩɽilo, gwudaro gəko naṯanyadiŋɩni ŋuɽuna ŋuŋun?

yuwana 18:22

na gwune nuumə dino, gwete gweḏi jaḏam gwun gwuḏuḏɩnu ga numɩɽi yecuŋ gi jei ganu ḏi ḏe nueicɩno, ŋa wɩrlijo gwelɩnya gweḏi jɩsis ŋuɽuna dino a?

yuwana 5:16

na ŋiro dino na liju ḏagɩɽini ḏi yecu gi gwune gwapo ŋɩru ŋeno gi lamon le sabiṯ.

yuwana 7:12

na liji lutu anuməḏəṯelo gwan ŋu, na kworo arno, ŋu gwiro gwəmɩnyo gwiŋir, na liro kaja arno, awe, ŋu gwar gwaḏuji liji lutu.

yuwana 8:13

na lɩbarɩsi uməḏɩjo naleicɩno, ŋa gwateije ŋuɽuna ga ŋan gwulo gwuŋa. na ŋuɽun ŋuŋa ŋate ŋiro gwerkwe no.

yuwana 8:52

na liju eicɩno, gwunne nanalɩŋe ŋa gwəṯi ḏiŋeroma. ibraim gwɩmai na nebɩŋa dino, namɩni ŋa gwarno, ḏa gwiji gwimaḏɩme ŋuɽuna ŋuŋa gwate gwai gi gɩdilio no.

yuwana 8:59

nalmɩni ape nyɩdolia nalar gwalauce, namɩni yecu gwulɩbo, nutu kwu dunu gweḏi elo gwun gwubuḏo.

yuwana 9:40

naldiŋɩni ŋuɽuna ŋeno lun lijille lun liro lɩbarɩsi naleicɩno, anaŋa dino anrimə gi jei dino a?

1 kurinṯus 15:58

na dino lɩmagəri lun ləmɩnyɩlo, ḏuḏinɩl ga muma, nya late ligwuɽiṯiḏo ga no, aṯanyauṯəne ŋɩru ŋeḏi gwele gwun gwiro elo ŋwamon wei, nyalilɩŋiḏi ŋɩru ŋalo ŋun ŋɩbuḏu ŋate ŋiro ga jai kwele no.

2 kurinṯus 4:1

na dino, gi gwune anəṯi ŋɩru ŋeno ŋino ŋe ŋeḏi elo, anate anədutu ganu duɽo de no.

2 kurinṯus 4:16

na dino anate anədutu ganu duɽo de no. namɩni ḏa aŋɩnu yəri yun yaṯɩlaŋu kɩluḏo gwe yaṯɩdigɩɽe, namɩni yeno gɩdəno gwe yaṯɩjiga yiya bubruṯ.

galaṯia 6:9

ilo lartonyiḏe gi ḏapa ŋɩru ŋiŋir, gi gwune ilawone kaja ke gɩdeleḏo ḏa ilate lɩmartonyɩḏe no.

2 ṯasaluniki 3:13

namɩni nyaŋa lɩmagəri, nya lo lartonyɩḏe gi ḏapa ŋɩru ŋun ŋiŋir.

lɩbrani 12:2

ilaŋalaḏe ḏi yecu gwun gwiro gwele gwe ḏɩməṯo na ḏiṯɩmio ḏuŋun, gwun gwuməṯi ḏugwore kalo geḏi luɽi lun lɩmalɩḏo ganu gi gwune ḏidila ganu kɩɽelo lugwun, nuabɩlaṯe ḏare ki nudijiga gi ḏi ḏun ḏiro ḏiŋir ḏeḏi gɩḏoɽ geḏi elo.

lɩbrani 12:5

namɩni nyalmaḏuḏe ganu gi ḏuməḏɩjo ḏun ḏuməḏɩjaje gi nyaɽe nyun nyoga ḏun ḏarno, ŋaɽe ŋinyi, ŋabɩlaṯa ḏigɩreṯɩnyeḏa ḏeḏi gwele gwun gwiro elo no, namɩni ŋa gwo gwidi gi jei ḏa maŋagɩreṯɩnya;

lɩbrani 3:1

na ŋiro dino lɩmagəri lun lɩpiḏo pɽul, dija kal gete ḏorniḏa ḏeḏi kanyin, iril jei galo gwan yecu gwun gwuwəjɩnu gwiro gwele gweḏi jɩsis gwe diteijo ga dage,

1 buṯrus 2:23

gi gwune gwiḏenɩnu numɩni ate nunɩwəɽeice nanu no, na gwune nuiḏe nate nunɩgelijo ŋuɽuna ŋɩbɩɽe no, numɩni ḏəḏə gwula gwuŋun gwun gwakɩmiḏo ḏakɩmiḏa ḏiḏuḏɩnu ŋa.

ŋuɽun ŋun ŋaŋinu 2:3

na ŋa gwaṯɩməṯo ḏugwore ŋuɽun ŋun ŋɩbɩɽe, na gwaṯɩnyiəpijo ŋɩru ŋɩni gwan jiri jinyi na ŋa gwate gwirtonyiḏo no.