lɩbrani 11:1 - ŋuɽun ŋun ŋiya ŋun ŋikaiilo elo 1966

¹ namɩni ḏɩməṯo ḏɩro ḏɩməṯɩno ga ḏun ḏeṯeijɩnu, na ḏiro ḏəŋidio ŋɩdio ŋun ŋaṯe ŋaṯɩlaŋu no.

lɩbrani 11:1 Iomraidhean Croise

ŋɩru ŋun ŋapɩlo duwəjo 20:21

na nyi gwiteijo ga gi liju na gi ligrigi dino ḏuwɩrla ḏe ga ŋuɽun ŋun ŋɩki ḏi elo na ḏɩməṯo ḏi gwele gwage gwun gwan yecu kɩrisṯo.

1 kurinṯus 13:13

na dino ŋuɽun ŋeno ṯəɽɩl ŋajaḏaṯa, ḏɩməṯo na ḏiḏuḏɩnɩjo na ḏəmɩnyo, namɩni ŋun ŋɩbuṯano gi loro lun liro ṯəɽɩl ḏəmɩnyo ḏiro.

2 kurinṯus 11:17

na ŋuɽun ŋun ŋuməḏijejɩlo, nyi gwate gwuməḏi gwele gwe gwun gwiro elo no, namɩni ŋɩɽilo ŋe, gi ḏibɩɽeḏa nanu ḏe ḏabupaḏe ganu ṯeno.

2 kurinṯus 4:18

gi gwune anate angele gei ŋɩdi ŋun ŋaṯaŋini no, nalmɩni ro ŋun ŋate ŋaŋinu no. gi gwune ŋun ŋaṯɩlaŋu ŋeḏi gwunnɩno ŋiro, namɩni ŋun ŋate ŋaṯɩlaŋu no ŋajaḏaṯa gi gɩḏilio.

2 kurinṯus 5:17

na dino ḏa gwiji gwete maje ḏi kɩrisṯo, na ŋu gwiro ḏigelɩno ḏun ḏiya; ŋɩdi ŋun guɽun ŋɩmete, na ŋɩdi ŋɩmaro ŋiya.

2 kurinṯus 5:7

gi gwune liŋə ilawewele ḏɩməṯo ḏe, ḏədu ḏeḏi aŋiḏa ḏan jei no,

2 kurinṯus 9:4

na ḏa lɩmanawila liji kworo leḏi makɩḏunia, na late lɩmajibuje nyalajiga muma no, na ḏare ḏijiape gi ḏabupaḏa ganu ṯeno, na nyaŋa dino.

galaṯia 5:6

gi gwune ḏa iljo ḏi yecu kɩrisṯo, ḏuɽəno ḏate ḏəṯi ŋuɽuna ŋədi no, na dino ḏijaga ḏate ḏuɽəno no, namɩni ḏɩməṯo ḏun ḏaṯape ŋɩru ḏəmɩnyo ḏe.

ṯitusŋ 1:1

nyi gwan bulus gwiro wainy gweḏi elo na ḏuwəjo ḏeḏi yecu kɩrisṯo, kani nyibɩɽi ḏɩməṯo nanu ḏeḏi liji lun lɩməṯɩnu ḏi elo, nyalgelejo uwə alɩŋe ŋuɽuna ŋun ŋiro gwerkwe ŋun ŋɩwiḏɩl kal gete gworo gwe gweḏi elo.

lɩbrani 10:22

ouwɩricije ildikəḏaṯa nanu dugwor de detɩdo denyeḏo ḏɩməṯo giu gwune dugwor ḏage doucɩnu gwan lulo lun lɩki, na jiŋɩno jage jɩmawone ŋau ŋe ŋun ŋiŋir.

lɩbrani 10:39

namɩni liŋə ilədu leḏi aɽuṯa duɽo de gi ḏaiya no, namɩni iləḏi liji lun ləmɩnyu kəbe gi ḏɩkədaḏɩnə ga ḏeḏi lulo lagin.

lɩbrani 11:13

na liji leno wei lɩmai ḏɩməṯo ḏe, late lɩmape ŋuɽuna ŋun ŋuməḏɩjilɩlɩŋe ŋulɩḏəḏə no, namɩni lɩmaŋu uro kɩɽelo naləmɩnyi, nalteije ga luŋa liro kaja lɩwiwiḏi kaja kwɩnyəm.

lɩbrani 11:27

ḏɩməṯo ḏe nuwalane ḏi masɩr gwate gwuḏonyo ḏɩɽeḏa ganu ḏeḏi gwele no, na ŋu gwuḏuḏɩnu muma nubɩɽe gi jei, gwiro gi gwune gwaṯuaŋu ŋu gwun gwate gwimaŋino no.

lɩbrani 11:7

ḏɩməṯo ḏe nouwa ŋɩno na elo uməḏɩjo gwan ŋuɽun ŋun ŋate ŋɩmaŋino no, gwumaḏonye nukade murkab kani ŋwəbɩri liji leḏi dunu gwuŋun, na ŋuɽun ŋeno ŋu gwakɩmi gɩḏilio, nuro gwun gwaɽenyeḏe gi ḏiŋiriḏa ḏe ḏɩməṯo.

lɩbrani 2:3

namɩni ilədu galakwe ḏa ilmabɩlaṯe ḏɩkədəḏɩnə ga ḏun ḏɩbuḏo gworki? gwerre ganu na gwele gwun gwiro elo gwiḏeijo ga nuumə ḏɩkədəḏɩnə ḏe ŋa ṯeno, na liji lun lɩdiŋɩnu lugwun liro lɩmijaŋijo ŋeno ŋiro gwerkwe;

lɩbrani 3:14

na liŋə ilmaro kal gete kɩrisṯoŋale, ḏa ilmaməṯəḏo ḏəmɩnyo ḏage didir ḏun ḏəṯɩlo kəbe na gɩdo.

lɩbrani 3:6

namɩni kɩrisṯo gwiŋir gwuḏuḏɩnu ga kwu dunu gweḏi elo gwiro gi ŋaɽe. na liŋə ilro dunu gwuŋun ḏa ilmaməṯəḏo ḏiḏuḏɩnɩjo ḏage ḏiḏir na ḏiḏɩla ḏe ganu kəbe na ḏiḏuḏɩnɩjo ṯɩmi.

lɩbrani 6:12

kani ate aṯanyapiḏe ŋɩru no, nyalmɩni gwuje lun laṯiɽenyeḏe ŋuɽuna ŋun ŋuməḏɩjilɩlo elo ḏɩməṯo ḏe na ḏɩməṯo dugwore.

2 buṯrus 1:1

nyi gwan simian buṯrus, gwun gwiro wainy gweḏi yecu kɩrisṯo na ḏuwəjo ḏuŋun, nyi gwulijo liji lun lɩmanalape ḏɩməṯo ḏiŋir gworki didaḏo ganu lagəri ŋuɽun ŋe ŋiŋir ŋeḏi elo gwage na gwun gwukədəḏije ga gwun gwan yecu kɩrisṯo.