Biblia Todo Logo
Bìoball air-loidhne

- Sanasan -




lɩbrani 1:2 - ŋuɽun ŋun ŋiya ŋun ŋikaiilo elo 1966

2 namɩni gɩdo ganu ŋwamon ŋweno nuijuməḏɩjo ŋaɽe ŋuŋun ŋe ŋun ŋudujiŋu ŋaɽenyeḏe ŋɩdi wei, na ŋu gwe gwugelo gɩḏilio dino.

Faic an caibideil Dèan lethbhreac




lɩbrani 1:2
70 Iomraidhean Croise  

na gwun gwɩkiḏiḏɩlgwe gwun gwukwuḏɩlo gwiro iblis; na ḏɩwona ḏiro gaja gun gɩṯɩmige gɩḏilio; na lun laṯiwone liro liji leḏi kanyin.


na kaja ŋun gumaḏɩlge, na jəbɩɽu gwulo jun jiro gamgam nalɩkiɽɩbə nanu gɩdidɩŋilge, na ŋwal wila gi jəbɩɽu, nalarno, kweno gwiro ŋaɽe ŋinyi ŋun ŋaṯiəmɩnyi na ŋaṯinyiŋiri ḏugwore; diŋɩnəḏil.


namɩni gwune na liji lun laṯape ŋɩru nalaŋu ŋaɽe naluməḏəṯe laginŋu, kweno gwiro gwun gwaɽenyeḏe. ilwele ilɽinye ilməṯo ḏiɽenyeḏa ḏuŋun.


namɩni yecu je nyɩkwom; na gwele gweḏi jɩsis nuwɩrlijo ŋuɽuna nueicɩno. iyi gwaŋərɩmi elo gwe gwun gwumiḏo ŋijiuməḏɩjo ḏa ŋa maro kɩrisṯo, ŋaɽe ŋeḏi elo.


na yecu wila nuluməḏɩjo nuleicɩno, ŋele wei ŋiminyilḏəḏə kanyin na kɩḏilio.


na ŋwal gwulə kanyin nalarno, kweno gwiro ŋaɽe ŋinyi ŋun ŋaṯiəmɩnyi, na ŋaṯɩnyiŋiri ḏugwore.


ŋuɽun ŋun ŋiro uro gwerre ŋeḏi ŋuɽun ŋiŋir ŋeḏi yecu kɩrisṯo, gwun gwiro ŋaɽe ŋeḏi elo,


na ŋaɽe ŋuŋun ṯani ŋetɩḏo ŋɩmuwəje gɩdo nuarno lanəji ŋaɽe ŋinyi.


namɩni iiji ləwei lun laṯape ŋɩru naluməḏəṯe laginŋu nalarno, kweno gwiro gwun gwaɽenyeḏe ŋɩdi. ilwele ilɽinye. na ŋɩdi ŋaro ŋage.


ŋu gwijo kɩḏilio, na gɩḏilio gelini ŋu gwe, naṯi liji leḏi gɩḏilio ḏɩme.


na ŋuɽun ro aŋɩnu, naṯilɩje lagəri, nanaŋu ḏoɽeḏa ḏuŋun ḏiro gi ḏoɽeḏa ḏeḏi ŋaɽe ŋetɩdo ŋeḏi baba, ŋenyeḏo ḏiŋiriḏa ganu na ŋuɽun ŋun ŋiro gwerkwe.


ŋɩdi wei ŋigelɩnu ŋu gwe na gwaŋ gwetɩdo gwate gwun gwugelɩnu kaja guŋun no.


na yecu gwilɩŋiḏi ŋu ma baba gele ŋɩdio wei gi di duŋun, na gwuwiḏi ḏi elo na gwaje gwaɽuwe ḏi elo.


na ḏa elo mabuḏɩni ŋu gwe, na elo dino mubuḏi kwulo gwuŋun na ŋabuḏi cou.


nyi gwate gwaɽeico lɩwainy mɩna gwunnɩno no, gi gwune wainy gwate gwilɩŋiḏi ŋuɽuna ŋun ŋapɩlo gwele gwuŋun no; namɩni nyi gwaɽeico lɩmaḏəri, gi gwune nyi majaŋijo ŋuɽuna wei ŋun ŋidiŋɩnɩlo ḏi baba gwinyi.


wei ŋun ŋijo ḏi baba, ŋinyi ŋiro, na ŋiro dino niarno, ŋu gwape ŋuɽuna ŋinyi na gwajuməḏɩjo.


ŋiro gi gwune ŋiḏəḏi ŋelɩnya gi liji wei nulḏəḏə ḏɩmiḏa gi gɩḏilio wei lun lɩḏəḏəlo.


elo gwaṯəmɩnyi liji leḏi gɩḏilio, nulḏəḏə ŋaɽe ŋuŋun ŋetɩḏo, na ḏa gwiji məmɩnyi ŋuŋu gwate gwai no, namɩni gwəmɩḏe gi gɩḏilio.


na gwiju gwete diɽi naluməḏəṯe calɩmis je jeḏi yuwana ŋuɽun ŋeḏi ḏuwona ḏeḏi liju.


na giro gi gwune baba gwəṯi ḏɩmiḏa kwulo gwuŋun, na ŋiro dino nuḏəḏə ŋaɽe dino nuəṯi ḏɩmiḏa kwulo gwuŋun.


nuḏəḏə ŋelɩnya aṯuakɩmiḏe dino, gi gwune ŋiro ŋaɽe ŋeḏi liji.


anaŋa lilɩŋiḏi elo gwuməḏɩjo musaŋ; namɩni gwiji kweno, anate nilɩŋiḏi gweḏi negwegwe gwiro no.


na elo wəjo ŋuɽuna ŋeno gi liji leḏi isreiyil alaŋiḏi ŋuɽuna ŋiŋir ŋe ḏouwɩɽiḏa yecu kɩrisṯo gwe. na ŋu gwiro gwele gweḏi wei.


elo gwarno, ŋwamon ŋweḏi gɩdo ganu nyi gwadoija gwuɽɩwə gwi gi liji wei, na nyaɽe nyalo na nyera nyalo nyaje nyuməḏɩjo liji ŋuɽuna ŋun ŋaŋijilɩlo elo, na jamal jalo jaje jaŋu ŋuɽuna gi jei ganu jagin ŋiro gi gwume, na nɩmon nalo nun niro ləmɩnyo naje nal ŋwume e,


namɩni gwuɽɩwə gwe gwun gwɩpiḏo pɽul ŋu gwaŋinu gwiro ŋaɽe ŋeḏi elo ŋɩma ŋe ḏidiɽo ḏe gi liji lun laiyo, gwun gwan yecu kɩrisṯo gwun gwiro gwele gwage.


na ḏa ilmaro nyaɽe, na liŋə ilro lun liɽenyeḏo dino, na ilɩɽenyeḏo ḏi elo, na ilɩɽenyeḏo kɩrisṯoŋale; na ḏa ilmɩḏe ŋuŋale kani nilibuḏi dino ŋuŋale.


namɩni anaṯumə ḏilɩŋeḏena ḏe ḏeḏi elo ḏun ḏilɩbiḏɩnu, i ḏun ḏilɩbiḏɩnu, ḏun ḏarḏe elo no ḏigelu gwerre ganu gwate magele gɩḏilio no gi ḏoɽeḏa ḏage,


namɩni lagəri elo gwo gwetɩdo, na ŋu gwiro baba, na ŋɩdi wei ŋɩduḏi lugwun, na ilo lugwun, na gwele gwo gwetɩdo gwan yecu kɩrisṯo, na ŋu gwe ŋɩdi wei ŋila na ilo lugwun.


namɩni gwune na gaja ṯɩmi wɽi, na elo wəjo ŋaɽe ŋuŋun ŋun ŋilɩŋinu kwa, na ŋilɩŋinu ŋuɽun ganu ŋun ŋigelijɩlo elo musaŋ,


gwune na gaja ṯɩmi wɽi ŋu gwar gwəwəɽeice ŋɩdio wei ldu ḏi kɩrisṯo, ŋun ŋijo kanyin na kwɩnyəm dino,


na ŋwoɽejo liji galo wei gwan ḏidujia ḏeḏi ŋuɽun ŋun ŋɩlɩbo ŋun ŋɩlɩbo ḏi elo gwerre gwune gelu gɩḏilio, gwun gwugelo ŋɩdio wei;


na əḏi gwiro gi liji leḏi kanyin gaja gədi na elo arno, ŋa gwiro ŋaɽe ŋinyi, na gwunanyine nyi maŋalɩŋe? na dino, nyi gwiro baba gwuŋun, namɩni ŋu gwaro ŋaɽe ŋinyi?


namɩni gwan ŋaɽe ŋuŋun nueicɩno, gɩḏoɽ geḏi ŋele ŋuŋa, elo, gaṯɩje gi gɩḏilio; ḏaparra ḏeḏi ŋele ŋuŋa ḏaparra ḏeḏi ŋuɽun ŋiŋir ḏiro.


na ḏɩməṯo ḏe ilalɩŋe gɩḏilio ŋɩkədɩnu ŋuɽun ŋe ŋeḏi elo, na ŋun ŋaṯɩlaŋu ŋate ŋɩkədɩnu ŋɩdi ŋe ŋun ŋəŋinu no.


namɩni ilədu galakwe ḏa ilmabɩlaṯe ḏɩkədəḏɩnə ga ḏun ḏɩbuḏo gworki? gwerre ganu na gwele gwun gwiro elo gwiḏeijo ga nuumə ḏɩkədəḏɩnə ḏe ŋa ṯeno, na liji lun lɩdiŋɩnu lugwun liro lɩmijaŋijo ŋeno ŋiro gwerkwe;


namɩni kɩrisṯo gwiŋir gwuḏuḏɩnu ga kwu dunu gweḏi elo gwiro gi ŋaɽe. na liŋə ilro dunu gwuŋun ḏa ilmaməṯəḏo ḏiḏuḏɩnɩjo ḏage ḏiḏir na ḏiḏɩla ḏe ganu kəbe na ḏiḏuḏɩnɩjo ṯɩmi.


na gi gwune iləṯi gwelɩnya gweḏi jɩsis gwun gŋwubuṯano gwuməḏi kanyin, yecu gwun gwiro ŋaɽe ŋeḏi elo, ouwɩricije ilməṯo muma ḏɩteijo ga ḏage.


na ŋu gwiro ŋaɽe, numɩni alɩmini ḏoṯeijo ḏe gəni ḏɩḏia ḏe;


na ŋuɽun ŋun ŋigelijɩlo elo musaŋ ŋɩmaməṯo ləmɩnyəŋe lun lɩmumɩḏo alro lele leḏi jɩsis, namɩni ŋuɽun ŋe ḏərɩmiə ŋuməḏɩlo kɩɽelo ŋuɽun ŋun ŋigelijɩlo elo musaŋ, ŋɩmaməṯo ŋaɽe ŋeḏi elo ŋun ŋiro muma gi gɩḏilio.


ŋu gwate gwəṯi babaŋ na nana no, gwate gwəṯɩn əriḏo no, gwate gwilɩŋinu no na gwate gwanai no, namɩni gwuranaḏɩlo ŋaɽe ŋe ŋeḏi elo, gwajaḏaṯa gwiro gɩsis gi gɩḏilio.


ḏa ŋu maro dino ŋu gwiḏe ŋwamon ŋwutu uro kili gelɩnu gɩḏilio. namɩni gwunnɩno ŋu gwimaŋɩno lamtɩdo ŋɩno gɩdo ganu kɩḏilio nuəbɩri ŋuɽuna ŋun ŋɩki ḏiḏugɩno ḏe ḏuŋun.


na gwerkwe ŋu gwilɩŋinu gwerre ganu gɩḏilio gate gɩmagelini no, namɩni ŋɩmaŋino ŋwamon ŋwe ŋwiro gɩdo ganu gwan nyaŋa.


ŋilɩŋiḏanyalo ŋeno gwerre ganu, liji lun laṯaki jumo laje lila ŋwamon ganu ŋweḏi gɩdo, laṯɩwewele ŋuɽun ŋagin ŋun ŋɩbunyɩlo,


luŋa luməḏɩjaje, lamon leḏi gɩdo liji laje kworo lun laṯaki jumo lugwujano ŋuɽuna ŋun ŋəmɩnyɩlo ŋeḏi jiŋɩno jagin ŋun ŋate ŋəṯi eloŋu no.


Lean sinn:

Sanasan


Sanasan