kulusi 2:2 - ŋuɽun ŋun ŋiya ŋun ŋikaiilo elo 1966

² nyi gwubunyu dugwor dagin dabɩɽe nanu almaṯaḏe gi ḏəmɩnyo kani alṯɩmi ḏɩbona ḏutu wei ḏeḏi ḏilɩŋeḏa muma nallɩŋe muma ŋuɽuna ŋun ŋɩlɩbo ŋeḏi elo, ŋun ŋiro kɩrisṯo,

kulusi 2:2 Iomraidhean Croise

kulusi 1:27

na gi liji leno lɩmal elo əmɩnyi alilɩŋe aŋ gwɩro ḏɩbona ḏe ḏoɽeḏa ḏeḏi ŋuɽun ŋeno ŋun ŋɩlɩbo gi liji lun liro ga ḏino, ḏun ḏɩro karisto lagalo, gwun gwiro ḏiḏuḏɩnɩjo ḏe ḏoɽeḏa.

kulusi 4:8

gwun gwuwəḏijeje gwan ŋuɽun ŋeno kani ŋulɩŋeḏa ŋuɽuna ŋun ḏaṯajiwilijo na gwabɩɽi dugwor dalo nanu,

awisus 6:22

gwun wəji lagalo ŋuɽunŋ ŋe kani nyalɩŋe ŋan anaŋa na ŋamoɽe dugwor dalo ŋanu.

kulusi 3:14

namɩni kworo elo ŋeno wei kanil lula lalo ḏəmɩnyo ḏe ḏun ḏaṯɩgaki ŋuɽuna wei ldu alro muma.

rumiya 16:25

na gwunnɩno lugwun gwun gwəṯi ŋɩma gwajimaṯaje ga gwan ŋuɽun ŋinyi ŋun ŋiŋir ŋeḏi yecu kɩrisṯo, na ḏuməḏɩjo liji ḏan yecu kɩrisṯo gwan ḏəŋinio ḏeḏi ŋuɽun ŋun ŋɩlɩbo ŋun ŋɩlɩbinu jɩḏilio jola ganu.

bilibi 3:8

i gwerkwe, nyi ŋɩmilḏuɽə wei ŋe ŋɩmakeḏe ga gi gwune ḏilɩŋeḏena ḏe ḏun ḏiŋirano ḏeḏi yecu kɩrisṯo gwun gwiro gwele gwi. na ŋu gwe ŋɩmaki ŋɩdi wei na ŋɩmilḏuɽə nalro gi ci, gi gwune nyi gwəməṯo kɩrisṯoŋ gwigwidiene ga,

bilibi 2:1

na ḏa ŋɩmaje ḏibɩɽeḏa ḏe nanu ḏi kɩrisṯo, na ḏa ḏəmɩnyo ḏɩməṯi ŋɩma gwido nanu, na ḏa ŋɩmaga ŋɩmaje ŋeḏi gwuɽɩwə gwun gwɩpiḏo pɽul, na ḏa ŋino ŋe ḏugwor ŋɩmaje,

2 buṯrus 1:3

gi gwune ŋɩma ŋe ŋuŋun ŋeḏi elo ŋɩmajilḏəḏə wei ge ḏɩmiḏa na ŋe ḏiḏonyɩḏa eloŋu, ḏilɩŋeḏa ḏe ḏeḏi gwun gwornɩḏaṯije gi ḏoɽeḏa na gi ḏiŋiriḏa.

rumiya 15:13

na elo gwe ḏiḏuḏɩnɩjo gwajenyeje ḏidila ganu wei, na ḏouwɩɽiḏa gi gwune aṯanyəmɩnyi, kani nyenyeḏe ḏiḏuḏɩnɩjo ḏe ŋɩma ŋe ŋeḏi gwuɽɩwə gwun gwɩpiḏo pɽul.

yuwana 10:30

nanaŋa baba gwe gwinyi andro letɩdo.

yuwana 6:69

nanəmɩnyi nanalɩŋe muma ŋa gwiro gwun gwɩpiḏo pɽul gweḏi elo.

lɩbrani 10:22

ouwɩricije ildikəḏaṯa nanu dugwor de detɩdo denyeḏo ḏɩməṯo giu gwune dugwor ḏage doucɩnu gwan lulo lun lɩki, na jiŋɩno jage jɩmawone ŋau ŋe ŋun ŋiŋir.

1 ṯimuṯawus 3:16

na wutiwuti bucu, ŋun ŋɩlɩbo ŋeḏi gwujana eloŋu ŋɩbuḏo, elo gwimaŋini kaŋɩnu, gwɩpiḏo pɽul kwuɽɩwə, na liji leḏi kanyin gwimaniŋalaḏe, gwimalgwuməḏo gi liji, gwiəmɩnyi ŋɩne kɩḏilio, gwimadiɽi gi ḏoɽeḏa.

lɩbrani 6:11

na anabunyu gworki nyaŋa wei nyalaŋijo ḏibɩɽeḏa nanu ṯeno ḏeḏi ŋɩru ḏun ḏaṯɩbuḏe ḏiḏuḏɩnɩjo ḏalo kəbe ḏenyeḏe kəbe na gɩdo,

kulusi 1:9

na gwan ŋuɽun ŋeno, anaŋa dino uro gi lamon lun lɩdiŋɩnanale anaṯuməḏəṯɩjo eloŋu lagalo na anate naṯɩḏuḏɩni no, anaɽoṯeḏo kani nyalenyeḏe ḏilɩŋeḏa ḏe ḏeḏi ŋuɽun ŋun ŋɩbunyulo, ŋadɩgɩɽe ŋe wei na ḏilɩŋeḏa ḏeḏi gwuɽɩwə,

galaṯia 3:28

na ŋwaṯin gwetɩdo gwijo gwun gwiro gwiju i gwugrigi no, na gwatɩn gwete gwun gwiro wainy i gwate gwiro wainy no, na gwatɩn gwetɩdo gwun gwiro gwəmɩnyo i gwa no; gi gwune nyaŋa wei liro letɩdo ḏi yecu kɩrisṯo.

1 kurinṯus 2:12

namɩni ilate ilmaməṯo gwuɽɩwə gweḏi gɩḏilio no, namɩni ilmaməto gwuɽɩwə gweḏi elo, kani ilɩŋe ŋɩdio ŋun ŋiḏəḏijɩlo elo ga dino.

yuwana 17:3

na ṯeno ḏiro ḏɩmiḏa gi gɩḏilio kani aŋalɩŋe gwun gwiro elo gwetɩdo gwun gwiro gwerkwe, na yecu kɩrisṯo gwun gwuwəjo.

yuwana 16:15

wei ŋun ŋijo ḏi baba, ŋinyi ŋiro, na ŋiro dino niarno, ŋu gwape ŋuɽuna ŋinyi na gwajuməḏɩjo.

yuwana 10:38

namɩni ḏa ŋimilape na ḏa nya late lɩmɩnyiəmɩnyi no, nyamɩni əmɩnyi ŋɩru, kani nyalɩŋe nanyəmɩnyi nyarno baba gwo lugwi na nyi gwo lugwun.

yuwana 5:23

kani a liji wei nəji ŋaɽe gi gwune aṯɩlnəji babaŋ. gwun gwate gwanəji ŋaɽe no, gwate gwanəji babaŋ gwun gwuwəju no.

yuwana 5:17

nal yecu eicɩno, baba gwi gwaṯape ŋɩru kabe gwunnɩno na ŋilape dino.

maṯa 11:27

ŋɩdi wei ŋɩmiŋil baba gwiḏəḏə; na gwate gwetɩdo gwun gwilɩŋiḏi ŋaɽe no namɩni baba, na gwate gwete gwun gwilɩŋiḏi babaŋ no namɩni ŋaɽe, na ŋu gwun gwaje gwa ŋaɽe aŋijo.

maṯa 11:25

na kaja kono na yecu wɩrlijo ŋuɽuna nueicɩno, nyi gweicaŋa sukran, baba gwun gwiro gwele gweḏi kanyin na gweḏi gɩḏilio, gi gwune ŋamalbɩji ŋɩdio ŋeno gi liji lun lilɩŋidi ŋuɽuna ŋutu na lun ləṯi ŋadɩgɩɽenya, ŋalmɩni aŋiɽo nyaɽe nyun nyitinyiti.

1 yuwana 5:7

na gwuɽɩwə gwun gwɩpiḏo pɽul gwiro gwun gwuməteije ŋuɽuna ga ŋeno, gi gwune gwuɽɩwə gwiro gwerkwe.

1 yuwana 3:19

na dino ililɩŋiḏi ilarno ileḏi gwerkwe liro, namɩni ilabɩɽi dugwor daŋe nanu gi jei ganu lugwun.

2 buṯrus 3:18

namɩni buḏe gi ḏiŋiriḏa na gi ḏɩlɩŋeḏa ḏeḏi gwele gwage na gwun gwukədəḏije ga gwan yecu kɩrisṯo. gwəṯi ḏoɽeḏa lugwun gwunnɩno kəbe na gi lamon le gɩdo ganu. gwerkwe.

2 buṯrus 1:10

na dino bɩɽɩḏanɩl nanu lɩmagəri, nanyaduji ḏorniḏa ḏalo na ḏɩməṯɩno ga ḏalo ḏɩmaṯaḏo, gi gwune ḏa nyalmaduji dino nya late lubɩlɩḏaṯe galo ḏuṯ no.

1 ṯasaluniki 5:14

nanaɽoṯeḏo lagalo gworki lɩmagəri, lanyalgɩŋeṯɩnya lun late laṯape ŋɩru no, na bɩɽilo nanu lun liro ŋɩkirau na gelejilo uwə lun lɩrebɩna, naṯanyaməṯo ḏɩməṯo ḏugwore gi liji wei.

1 ṯasaluniki 3:2

nanawəjo ṯimuṯawusŋ gwun gwiro magəri na gaḏam geḏi elo, na gwun gwapanale ŋɩru ŋuɽun ŋe ŋun ŋiŋir ŋeḏi kɩrisṯo, kani gwajimaṯaji ga na ŋwajuməḏɩjo ŋuɽuna ŋwajibɩɽi nanu gi ḏɩməṯo ḏalo,

1 ṯasaluniki 1:5

gi gwune ŋuɽun ŋəri ŋun ŋiŋir ŋeḏi yecu kɩrisṯo ŋate ŋɩwiḏi lagalo ŋuɽun ŋe kuwei no, namɩni ŋɩma ŋe ḏɩno, na gwuɽɩwə gwe gwun gwɩpiḏo pɽul, na ḏibɩɽeḏa ḏe nanu gworki, ŋiro gi ŋilɩŋiḏanyalo anmaŋini lula ləri liro gi aŋe lagalo gwan nyaŋa,

ŋɩru ŋun ŋapɩlo duwəjo 4:32

na leno gɩrɩpi lun ləmɩnyu ləṯi dugwor detɩdo na lulo letɩdo, gwatɩn gwetɩdo lagɩnŋu gwanarno ŋəṯune ŋiro kajaŋu no, ŋəṯɩlo ŋetɩdo laginŋu.

maṯa 13:11

nulwɩrlijo ŋuɽuna nuleicɩno, gi gwune ŋɩmajilḏəḏə kani nyalɩŋe ŋuɽuna ŋun ŋɩlɩbo ŋeḏi ŋele ŋeḏi kanyin, namɩni ŋate ŋɩmalɩḏəḏə luŋaije no.

luka 1:1

na liji lutu iḏeije ga gi ḏulio ŋuɽuna nanu nanu ŋeḏi ŋɩru ŋun ŋərrinu kɩlɩgi ganu lagəri,

rumiya 2:4

i ŋa gwaṯabɩlaṯe ḏɩbona ḏe ḏiŋiriḏa ḏuŋun na ḏɩməṯo ḏugwore ḏuŋun gɩtten, na ŋa gwate gwilɩŋiḏi naŋarno ḏiŋiriḏa ḏeḏi elo ḏigwuloḏeṯaŋa gi ḏuwɩrla ga ŋuɽun ŋun ŋɩki na?

1 kurinṯus 14:31

gi gwune nyaŋa wei gwete gwete nyəṯi ŋɩma ŋanyalaŋiḏi ŋuɽuna ŋun ŋajil elo aŋijo kani wei alalɩmini albɩɽe nanu.

awisus 1:7

na lugwun ilkədəḏɩnu ga, ŋuwən ŋe ŋuŋun, na ŋɩmilɩnḏuḏɩjo ŋuɽun ganu ŋage ŋun ŋɩki, ŋiro gi ḏɩbona ḏeḏi ḏiŋiriḏa ḏuŋun,

awisus 3:3

na galakwe ŋu gwaŋijɩnyi ŋuɽuna ŋun ŋɩlɩbo, gi gwune gwulijaje gwerre ŋuɽuna ŋɩti,

awisus 3:16

na nyi gwuɽoṯeḏo lugwun kani gwajilḏəḏə ŋiro gi ḏɩbona ḏe ḏoɽeḏa ḏuŋun nyabɩɽe nanu ŋɩma ŋe gwuɽɩwə gwe gwuŋun gi dugwor ganu dalo,

kulusi 1:26

ŋuɽun ŋun jɩlɩbo gun ŋikɩɽɩbəḏɩnu ga gi liji leḏi uro kili kəbe na gwunne, namɩni gwunnɩno ŋɩmaŋino gi liji lugun lun lɩpiḏo pɽul.

kulusi 2:19

na gwate gwaṯɩməṯəḏə lɽa lun liro kɩrisṯo no. na gi lɽa aŋɩnu wei ŋwuɽugɩḏi ŋwe na dri de yaṯɩbuje ŋɩma gi ḏiṯa na ŋɩmamaṯaḏe ldu yaṯɩbuḏe ḏɩbuṯiena ḏe ḏeḏi elo.

kulusi 4:3

na aṯanyauməḏəṯɩjo eloŋu lagəri dino kani ŋiji elo iḏijo ouwɩr yeḏi ŋuɽun ŋeḏi elo, kani aṯɩlumə ŋuɽuna ŋun ŋɩlɩbo ŋeḏi kɩrisṯo, na gwan ŋeno nyi gwijo kɩrkon,