SAN LUCAS 17:6 - Otomi Eastern Highland

⁶ Nu'a ra Jesús bi 'yɛ̨mp'ʉ: ―Madague'a ɛ̨mmɛ zʉ ts'ʉtho gui 'yɛ̨c'yɛigahʉ, tengu bʉ ni nɛqui rá hmudä ra c'u, sä gui xihmbʉ ra za 'bäcua da 'uegue dím 'bäpʉ ja ra deją nɛ da 'ueh pʉya. Hin'yʉ 'bɛ'a xʉn hɛ̨i 'bʉ gui 'yɛ̨c'yɛigahʉ, bi 'yɛ̨n'a ra Jesús.

SAN LUCAS 17:6 Iomraidhean Croise

SAN MATEO 14:29

―Ba ɛ̨cua, bi 'yɛ̨n'a ra Jesús, bi t'ɛ̨mp'a ra Pedro bʉya. Nɛ nu'a ra Pedro bʉya bi gąpʉ ja ra mbosa nɛ bi dʉ'mi bin 'yo maxøts'e ra dehe ngue in nde da zøm bʉ bí 'bä a ra Jesús.

SAN MATEO 17:20

Bi dą a ra Jesús nɛ bi 'yɛ̨na: ―Him bi zä gá hyømhbʉ thi ra zįthu, nguetho ts'ʉtho guí ɛ̨c'yɛihʉ. Man'da zi ts'ʉtho ni t'ɛ̨c'yɛihʉ xinda gue n'da rá hmudä ra c'u ngue ɛ̨mmɛ zicuɛ. Nɛ nu'bʉ da zøni gui 'yɛ̨c'yɛihʉ tengu n'da rá hmudä ra c'u, da zä gui xihmbʉ n'da ra t'øhø: “Dami 'uegue gui thąn nʉ n'danni,” gui 'yɛ̨mfʉ, nɛ da 'uegue. Hin te gui hyɛ̨mfʉ 'bʉ majuąni gui 'yɛ̨c'yɛihʉ. Gätho xʉn hɛ̨i i sä gui 'yøthʉ, bi 'yɛ̨nje.

SAN MATEO 21:21

Bi dą'a ra Jesús: ―Majuąni dí xi ahʉ, nu'bʉ gui 'yɛ̨c'yɛigahʉ xʉn ho, nɛ n'dat'a guim bɛ̨mhbʉ a rá ts'ɛdi Oją, hinga hønt'a dá øt'ä sä gui 'yøthʉ, pɛ sä gui 'yøthʉ man'da xʉn hɛ̨i. Sä gui xihmbʉ nʉ ra t'øhø: “Dami 'uegue guin hyøzɛhɛ bʉ ja ra deją,” gui 'yɛ̨mfʉ, nɛ da 'ueh pʉya.

SAN MARCOS 4:31

In ja tengu n'da rá hmudä ra mostaza i pa m'boni, nɛ ɛ̨mmɛ zicuɛ tho, ɛ̨mmɛ man'da zicuɛ xinda gue mi'da yʉ hmudä, pɛ man'da i te xʉn ngu yʉ́ 'yɛ, xinda gue gä mi'da yʉ paxi nɛ xøgue sä da 'yøt' yʉ́ 'bafi yʉ doja bʉ ja yʉ́ xaha. Njabʉ rá ts'ɛdi Oją bʉ ni nɛqui ngue di manda ua, bi 'yɛ̨n'a ra Jesús.

SAN MARCOS 9:23

Nu ra Jesús bi dądi: ―Hąhą, nu'bʉ guí ɛ̨c'yɛi gue i ja ma ts'ɛdi. Gätho din ja a da nde n'da ra ją'i 'bʉ i ɛ̨c'yɛi i ja rá ts'ɛdi Oją, bi 'yɛ̨mbi.

SAN LUCAS 13:19

Nu'a, tengu rá hmudä ra mostaza. Zʉ ts'ʉ 'bʉ xʉ 'boni, pɛ nu'bʉ xʉm bøts'e, i te tengu n'da ra za, nɛ yʉ doja i øt' yʉ́ 'bafi bʉ ja yʉ́ 'yɛ, bi 'yɛ̨n'a ra Jesús.

SAN LUCAS 17:7

―Nu'bʉ n'da ran 'yohʉ 'bʉh rá 'yɛ̨hɛ di jamansup yʉ́ dɛ'yo uague dim pɛpʉ rá huąhi, nɛ nu'bʉ bin de bá ɛ̨pʉ ja rá ngu bʉya, ha da sifi din sihmɛ.

SAN LUCAS 19:4

Janangue'a, bin tihi bi ndexa n'da ra za ra sicómoro, ngue da zä da nu ra Jesús 'bʉ bi thopʉ.

SAN LUCAS 7:13

Nɛ nu ra Jesús 'bʉ mi nu a ra xisu bʉya, bi huɛ̨c'a nɛ bi 'yɛ̨mbi: ―O guí zoni, ɛ̨n'a.

SAN LUCAS 7:19

Janangue'a nu ra Xuua bi zon'dʉ yoho yʉ́ xädi ngue da mbɛn bʉ 'bʉh ra Jesús nɛ da 'yänni: “Ha gue'e ra Cristo mi hma ba ɛ̨hɛ, uague ga thoqui ga tømhbe,” gui 'yɛ̨nui, bi 'yɛ̨n'a ra Xuua.

1 CORINTIOS 13:2

Nɛ madague'bʉ i ja ma ts'ɛdihʉ gam mamhbʉ ram hma ngue dím pøngahyąhʉ nangue Oją, pɛ nu'bʉ hin dadí huɛ̨jʉ to dí xihmbʉ ram hma, nte ní mba tho. O nu'bʉ xcá pąhmbʉ 'bɛ'a gätho an t'ągui nangue Oją, o gue'bʉ xcá pąhmbʉ 'bɛ'a gätho man'da xʉn hɛ̨i, o nu'bʉ ga pąhmbʉ da t'ørcahʉ a dí äfʉ Oją, nɛ'ʉ yʉ t'øhø da zä da 'uegue, pɛ nu'bʉ hin'yʉ man huɛ̨catehʉ, hin te dadí muhʉ 'bʉ.