SAN JUAN 7:41 - Otomi Eastern Highland

⁴¹ Nɛ nu mi'da bi 'yɛ̨na: ―Nu'a, ra Cristo gue rá Thahni Oją a. Pɛ nu mi'da bi 'yɛ̨na: ―Pɛ ha dí 'yɛ̨pʉ Galilea ra Cristo.

SAN JUAN 7:41 Iomraidhean Croise

SAN JUAN 1:41

Nuna ra Andrés 'bex bi mba bá xi a rán 'yohʉ. ―Ya dá tįm'be ra Mesías, bi 'yɛ̨na. Nu'a nde da ma rá Thahni Oją a, ngue gue'a ra Cristo a.

SAN JUAN 1:46

Nu ra Natanael bʉya bi 'yɛ̨na: ―Hague dán zä di nɛqui n'da ra hocją'i bʉ Nazaret. Nu ra Felipe bʉya bi 'yɛ̨mp'a: ―Ga mbɛ gua nusɛ.

SAN JUAN 1:49

Nu ra Natanael bʉya bi 'yɛ̨mp'a: ―Ma Hmu i, rá Ts'ʉnt'ʉ i Oją, gue'e bi zän'na Oją gam hmuts'ʉt'abi nanguecähe dyʉ israelhʉ, dyʉ judíohʉ.

SAN JUAN 4:25

Nu'a ra xisu bʉya bi 'yɛ̨mbi: ―Dí pącä ba ɛ̨ a rá Thahni Oją ngue ra Cristo a. Nɛ nu'bʉ bá ɛ̨hɛ da xängahʉ xʉn ho gätho.

SAN JUAN 4:29

―Mbähä nɛ gua nuhʉ n'da ran 'yohʉ bi xicä gätho 'bɛ'a xtá øt'ä. Ha hinga gue'a ra Cristo 'bʉ, bi 'yɛ̨mp'ʉ.

SAN JUAN 4:42

Bi t'ɛ̨mp'a ra xisu bʉya: ―Ya dí ɛ̨c'yɛihe ya, pɛ hinga hønt'a gá xije ná ɛ̨c'yɛigähe ya, pɛ nɛ'a dá øsɛhe bi man na ra Jesús. Nɛ dí pąhmbe majuąni ra Cristo na, rám pørpate yʉ ją'i 'bʉcua ja ra ximhäi, bi 'yɛ̨n'ʉ yʉ ją'i.

SAN JUAN 6:69

Nɛ nugähe dí ɛ̨c'yɛi ahe nɛ dí pąhmbe gue gue'e grá Cristo rá Ts'ʉnt'ʉ i Oją i 'bʉi, bi 'yɛ̨na.

SAN JUAN 7:27

Pɛ nuna ran 'yohʉ, dí pąhmbʉ hapʉ bá nɛxna, pɛ nu'bʉ bá ɛ̨ a majuąni ra Cristo, njo'o to da bądi hapʉ dí nɛx'a, bin 'yɛ̨m zɛhɛ ʉ.

SAN JUAN 7:31

Nɛ xʉn ngu yʉ ją'i bi 'yɛ̨c'yɛi gue majuąni ra Cristo a. Nɛ bi 'yɛ̨n'ʉ: ―Guehma majuąni ra Cristo na ra Jesús gue mí hma ba ɛ̨hɛ, nguetho njon da zä da 'yøt' yʉn t'øt'e man'da nuįxte, bi 'yɛ̨n'ʉ.

SAN JUAN 7:52

Nɛ bi dą ʉ, bi 'yɛ̨mbi: ―Nu'i tengu'bʉ nɛ'i guí 'yɛ̨pʉ Galilea, nguetho nɛ'i guím ma tengu im man yʉ 'yąmbʉi. Pɛ dami hyomhbʉ ja rá søcuą Oją gue'bʉ di nɛqui bʉ Galilea n'da rá pøngahyą Oją.