SAN JUAN 3:2 - Otomi Eastern Highland

² N'da ra xui bi zøm bʉ 'bʉh ra Jesús, nɛ bi 'yɛ̨mbi: ―Xänbate i, dí pąhmbe Oją bi zän'ni i gui xängahe, nguetho hin xtán zä xquí 'yøt' yʉn t'øt'e nuįxte 'bʉ hin di zɛ a Oją, bi 'yɛ̨na.

SAN JUAN 3:2 Iomraidhean Croise

SAN MATEO 22:16

Janangue bi 'bɛhn pʉ 'bʉh ra Jesús ʉ mi'da yʉ́ mifariseohʉ, nɛ mi'da ma ngʉrpihe mi tɛn'na ra ts'ʉt'abi Herodes. Nu'bʉ mi zøm bʉ, bi 'yɛ̨n'ʉ: ―Grá xänbate, dí pąhmbe gätho majuąni guím ma, bi 'yɛ̨mp'a ra Jesús ʉ. Nɛ guí u a majuąni rá 'yu Oją, nɛ hin guí su 'bʉ da hnumanho i ogue hin'na, bi 'yɛ̨n'ʉ.

SAN MATEO 23:7

Nɛ ɛ̨mmɛ di ho da t'ɛ̨spa 'bʉ din zɛnguate. Nɛ i honi da t'ɛ̨mbi yʉ́ xänbate ʉ. Høntho in nde da hnumansu.

SAN MATEO 23:8

Pɛ nu ahʉ o guí ndehʉ da t'ɛ̨n ahʉ gyʉ xänbatehʉ, nguetho høngdä ni Xänbatejʉ ngue drá Thahnigä, nɛ nu'ahʉ guidín cuhʉ, bi 'yɛ̨ngähe ra Jesús.

SAN MARCOS 12:14

Nu'bʉ mi zøm bʉ bi 'yɛ̨n ʉ: ―Xänbate i, dí pąhmbe gätho majuąni guím ma nɛ njon guí su, nguetho hin guí ørpa masu a man yʉ ją'i nɛ guí xänba a majuąni rám hman Oją ʉ yʉ ją'i. Dín nde gui xije, ha din thɛui yʉ́n t'ɛ̨di Oją 'bʉ dí øthʉ ngue dí juthʉ ra renta im man ra ts'ʉt'abi bʉ Roma in ts'ʉt'abi ua, uague hin'na. Ha xʉn ho 'bʉ ga thoqui ga juthʉ uague hin'na, bi 'yɛ̨n ʉ.

SAN JUAN 1:38

Nɛ nu'a ra Jesús bin yɛ̨ 'bʉ má tɛn'be nɛ bi 'yänga'be: ―'Bɛ'a guí hommi, bi 'yɛ̨nc'be. Nɛ dá än'be a: ―Rabí, nde da ma, xänbate i, hapʉ guí 'bʉi.

SAN JUAN 10:38

Pɛ nu'bʉ dí øt'ä tengu øt'a ma Ta, dami pąhmbʉ ngue hønt'a Oją sä i øt'ʉ yʉ nuįxte dí øt'ä. Janangue'a da zä gui 'yɛ̨c'yɛihʉ gue n'datho ran 'yomfɛ̨ni dí com'be ma Ta, bi 'yɛ̨na.

SAN JUAN 12:37

Pɛ guexta'a him bi 'yɛ̨c'yɛi xʉn ngu ma mijudíohe, madague'a xʉn ngu yʉn t'øt'e nuįxte bi nu bi 'yøt' ra Jesús.

SAN JUAN 14:10

Ha hin guí ɛ̨c'yɛi gue n'datho dí com'be ma Ta. Nu'ʉ yʉm hma dí xi ahʉ him mam hmansɛgä ʉ, pɛ yʉ́m hman a ma Ta i 'bʉcua ja ma mbʉigä, nɛ gue'a di jacä ga øt'ä a dí øt'ä.

SAN JUAN 15:24

Nu'bʉ hin xcá øt' yʉn t'øt'e njo'o sä da 'yøt'e, hin xtám bądi gue ja yʉ́ ts'oqui 'bʉ. Pɛ nuya ya bi nu man t'øt'e nuįxte. Pɛ bi cuɛcthohogä ʉ. Pɛ nu'ʉ bi ʉgä gue'a ma Ta bi ʉp'ʉ.

SAN JUAN 2:11

Nɛ guehna rá mbʉdi ran t'øt'e nuįxte bi 'yøt' ra Jesús bʉ Caná ra häi Galilea, gue bi 'yuh rá ts'ɛdi. Nɛ man'da dá ɛ̨c'yɛihe bʉya yʉ́ xädigähe a.

SAN JUAN 20:16

Nɛ nu ra Jesús bi ndønba rá thuhu: ―María, bi 'yɛ̨mbi. Nu ra María 'bex bi 'bä't'i xʉn ho bʉya, bi nu nɛ bi 'yɛ̨na: ―Raboni, nde da ma, “Xänbate i,” bi 'yɛ̨mbi.

SAN JUAN 3:26

Bi zøm bʉ 'bä'a ra Xuua Nxixyą ʉ yʉ́ xädi bʉya, nɛ bi 'yɛ̨mbi: ―Xänbate i, nu'a ran 'yohʉ gmín 'youi bʉ 'danguadi ra dąthe Jordán, gue gá xije to'o a, pɛ nuya i øt' ran xixyą, nɛ gätho yʉ ją'i i tɛnni.

SAN JUAN 4:31

Pɛ nu'bʉ hin ni zøm bʉ yʉ ją'i, nugähe dá xihmbe ra Jesús: ―Xänbate i, xi'bʉ gan sihmɛ ya, dá ɛ̨mfe.

SAN JUAN 5:36

Nɛ nu'a ra Xuua Nxixyą bi ma nanguecä. Pɛ i ja 'bɛ'a gue man'da i udi nanguecä xinda gue'a rám hman ra Xuua, nɛ gue'a ra 'bɛfi bi 'dacä ma Ta gue ga juacä. Nɛ gue'a ɛ xø i uh majuąni bá pɛngä ma Ta.

SAN JUAN 6:2

Nɛ xʉn ngu yʉ ją'i bi dɛngähe nguetho bi nu yʉn t'øt'e nuįxte bi 'yøt'a ra Jesús nangue ʉ mín zäman'ʉ.

SAN JUAN 7:31

Nɛ xʉn ngu yʉ ją'i bi 'yɛ̨c'yɛi gue majuąni ra Cristo a. Nɛ bi 'yɛ̨n'ʉ: ―Guehma majuąni ra Cristo na ra Jesús gue mí hma ba ɛ̨hɛ, nguetho njon da zä da 'yøt' yʉn t'øt'e man'da nuįxte, bi 'yɛ̨n'ʉ.

SAN JUAN 9:16

Janangue'a bi 'yɛ̨n'ʉ 'da yʉ fariseo: ―Nu'a ran 'yohʉ guím ma, hingui numansu Oją nguetho hingui numansu ra pa ran ts'äya, sä bi 'yɛ̨n'ʉ. Pɛ nu'ʉ mi'da ʉ bi 'yɛ̨na: ―Pɛ nu'bʉ ra ts'om'bäi hin xtán zä da 'yøt' yʉn t'øt'e nuįxte gue i øt'a. 'Bex bin hec'ʉ bʉya.

HECHOS 10:38

Nɛ guí pąhmbʉ Oją bi un rá ts'ɛdi rá Hogandąhi Oją ra Jesús, ra mɛngu bʉ Nazaret. Nu ra Jesús hønbʉ go hapʉ bin 'yo mí øt' ran ho, nɛ gätho ʉ mín 'yohʉ ra zįthu bi hyønba thi ra zįthu. Gätho bi 'yøt'ʉ nguetho min 'youi Oją.

HECHOS 2:22

Nu ra Pedro xø bi 'yɛ̨mp'ʉ mahøn'a: ―N'yohʉ ahʉ dyʉ israelhʉ, dami 'yøhmbʉ ma nde. Dím mangä nangue ra Jesús ra mɛngu Nazaret. Oją bi japi ngue bi 'yøt' yʉn t'øt'e nuįxte nangue rá ts'ɛdi Oją, nɛ yʉ hyonya nt'øt'e, nɛ yʉ hmɛpya, guepʉ da zä gui pąhmbʉ ngue Oją bi zɛ'a.

FILIPENSES 1:14

Nɛ dá gue'bʉ dí ofädigä, pɛ gue'a ní hyut'an zambʉi ma cuhʉ ngue'ʉ xʉn gu i 'bʉcua, nɛ hinguin su 'bʉ im man rám hman Oją.