NSANJUA 5:10 - Otomi Mezquital

¹⁰ Hangue ya nda̱ gá xodyo bi ꞌñembabiꞌa̱: ―Núbya rapaña go ra pa dega tsaya, ne ma leyhʉ hingui unga nsɛqui gui hña̱xa ri mfidibya.

NSANJUA 5:10 Iomraidhean Croise

NSAN MATEO 12:10

Y ja mi ꞌbʉhni ꞌnara ꞌñøhø xqui ꞌyotꞌa ꞌnará ꞌyɛ. Y nuya fariseo mi ꞌbʉhni bi ꞌyamba ra Jesu ne bi ꞌñembi: ―¿Ha gue rí ꞌñepi gui ꞌyøthe ꞌnara ja̱ꞌi nura pa dega tsaya? Nuꞌʉ́ mi ambabi njabʉ pa da ña̱pahma̱ꞌa̱.

NSAN MARCO 2:24

Hangue ya fariseo bi ꞌñemba ra Jesu: ―Ndi, ri nxadi thoca ya nga̱ha̱ gá trigo, y nubyá go ra pa dega tsaya, y ra ley ma̱ gue hinda tꞌøtꞌe njabʉ.

NSAN MARCO 3:4

Nepʉ bi ꞌyamba ya fariseo ne bi ꞌñembi: ―¿Ha dí ꞌñepi ꞌnara ja̱ꞌi da ꞌyøtꞌa ꞌnara hño ra pa dega tsaya, o da ꞌyøtꞌa núꞌa̱ hinxá hño? ¿Ha gue xá hño da ña̱mba rá te ꞌnara ja̱ꞌi, o da hyoꞌa̱? Pe ya fariseo hinte bi da̱tuabi.

NSAN LUCA 13:14

Pe nura nda̱ de ra nija̱ bi bø rá cuɛ ngueꞌa̱ ra Jesu bi ꞌyøthe núꞌa̱ ra zi ꞌbɛhña̱ ha mrá pa dega tsaya ra paꞌa̱, ne bi ꞌñembabi ya ja̱ꞌi: ―Dí pɛꞌtshʉ ꞌrato ma pa pa ga mpɛfihʉ. Y núꞌʉ ya paꞌʉ ꞌbʉ tsʉꞌahʉ ya hñeni, ua ehʉ pa da tꞌøtheꞌihʉ. Oxqui ma go gui ehʉ núꞌʉ ya pa dega tsaya pa da tꞌøtheꞌihʉ.

NSAN LUCA 23:56

Ha nu mi menga ja yá nguꞌʉ, bi hyoca ꞌraya hoga ñʉni ne ꞌraya njotsꞌi. Y bi ntsayaꞌʉ núꞌa̱ nsabdo ngu mi ma̱nga ra ley.

NSAN LUCA 6:2

Nepʉ ꞌraya fariseo bi hyandi ne bi ꞌyambi bi ꞌñembabi: ―¿Hanja guí øthʉ núꞌa̱ hingui ho da tꞌøtꞌe núbya ra pa dega tsaya?

NSANJUA 1:19

Ha nuya nda̱ gá xodyo mi ꞌbʉhni Jerusale bi mɛhna ꞌraya macja̱ ne ꞌrayá mfatsꞌiꞌʉ núꞌʉ mi tꞌembi ya levita, pa da cꞌa̱ꞌtsa ra Xuua pa da ꞌyambabi ua go mi gueꞌa̱ ra Cristo núꞌa̱ mi ma da mɛhna Ajua̱ pa da nda̱.

NSANJUA 5:11

Ha núꞌa̱ ra ꞌñøhø xqui ña̱ni bi da̱di ne bi ꞌñembabiꞌʉ: ―Núꞌa̱ toꞌo bi ꞌyøthegui go gueꞌa̱ bi xicagui gue ga jʉxa ma mfidi ne ga ꞌyo.

NSANJUA 5:15

Nepʉ nura ꞌñøhøꞌa̱ bi ma bá xipa ya nda̱ gá xodyo gue go mi gueꞌa̱ ra Jesu xqui ꞌyøtheꞌa̱.

NSANJUA 5:16

Hangue por gueꞌa̱ ya nda̱ gá xodyo xi mi ʉtsa ra Jesu, ne xi mi ne da hyohma̱, ngueꞌa̱ nuꞌá̱ mi øtꞌa ya da̱nga ntꞌudi de nuya pa dega tsaya.

NSANJUA 7:23

ꞌBʉ nuꞌahʉ guí huꞌtsuahʉ ra seña ri ba̱tsihʉ ra pa dega tsaya hønsɛ pa hingui tsꞌocuahʉ rá ley ra Moise, nuꞌbʉ́ xi ¿hanja guí pø ri cuɛhʉ con gueque ngueꞌa̱ stá øthebi maxøgue rá ndoꞌyo ꞌnara ꞌñøhø nura pa dega tsaya?

NSANJUA 9:16

Ha nu ꞌraya fariseo bi ꞌñena: ―Núꞌa̱ ra ꞌñøhøꞌa̱ hinxqui ꞌñehe de Ajua̱ ngueꞌa̱ hingui jamasu ra pa dega tsaya. Pe nu maꞌra mi ena: ―Nuꞌbʉ ꞌnadra ꞌyøtꞌatsꞌoquihma̱, hinda za da ꞌyøtꞌa nuya ya da̱nga ntꞌudi nguna̱. Ne ꞌramaꞌnaꞌño mi ma̱ñꞌʉ.