NSANJUA 3:4 - Otomi Mezquital

⁴ Nuꞌbʉ́ ra Nicodemo bi ꞌñembabi: ―¿Hanja da za ꞌnara nda̱xjua ja̱ꞌi da yopa ꞌmʉi maꞌraꞌyo? ¿Ha gue da za da yopa yʉtꞌa ja rá mʉi rá na̱na̱ ne da yopa ꞌmʉi?

NSANJUA 3:4 Iomraidhean Croise

NSANJUA 3:3

Ha nura Jesu bi da̱di ne bi ꞌñembabi: ―Xi majua̱ni dí xiꞌaꞌi, nuꞌa̱ tóꞌo hinda yopa ꞌmʉi maꞌraꞌyo hinda za da ꞌmʉ ja rá hmanda Ajua̱.

NSANJUA 3:5

Ha nura Jesu bi da̱di ne bi ꞌñembabi: ―Xi majua̱ni dí xiꞌaꞌi, nuꞌa̱ tóꞌo hinda ꞌmʉi de ra dehe ne de ra Ma̱ca Nda̱hi, hinda za da yʉtꞌa ja rá hmanda Ajua̱.

NSANJUA 6:53

Ra Jesu bi ꞌñembabiꞌʉ: ―Xi majua̱ni dí xiꞌahʉ, ꞌbʉ hingui tsipabihʉ rá ngø ne rá ji Núꞌa̱ Toꞌo e bi Nja̱ꞌi, hinda nja ri tehʉ pa nza̱ntho.

NSANJUA 6:60

Ha ndunthi de núꞌʉ toꞌo mi ꞌñouiꞌa̱ ne myá nxadihma̱, mi ꞌyødeꞌʉ bi ma̱nga ra Jesu njabʉ, bi ꞌñenaꞌʉ: ―Xi hindrí hohʉ núꞌa̱ ma̱ni. ¿To ja gueꞌa̱ da gamfribini?

RÁ MɄDI RA CORINTIO 1:18

Nujʉ́ dí ma̱ñhʉ gue bi du ra Zidada Jesu ja ra pontꞌi pa ga mpøhøhʉ, ha nuꞌʉ tóꞌo hingui camfriꞌa̱ ma da ꞌmɛdiꞌʉ ngueꞌa̱ ma̱ñꞌʉ gue hinte ri muui núꞌa̱ dí ma̱ñhʉ de rá du ra Zidada Jesucristo. Pe pa nújʉ stá mpøhøhʉ ri muui, ngueꞌa̱ go gueꞌa̱ ha̱npa rá tsꞌɛdi Ajua̱.

RÁ MɄDI RA CORINTIO 2:14

Pe núꞌa̱ ra ja̱ꞌi hinxa gamfri Ajua̱ hingui ha̱ni núꞌa̱ udi rá Ma̱ca Nda̱hi Ajua̱, ngueꞌa̱ beniꞌa̱ gue hinte ri muui. Ne hingui tsa da ba̱disɛꞌa̱, ngueꞌa̱ mahyoni go da ꞌñutuabi ra Ma̱ca Nda̱hi pa da za da ba̱diꞌa̱.