NSANJUA 19:6 - Otomi Mezquital

⁶ Ha nuya nda̱ gá macja̱ ne ya gʉntsꞌa̱hni mi manthoꞌʉ nu mi hyanda ra Jesu, ne mi eñꞌʉ: ―Nuní drá pontꞌi, drá pontꞌi pa da du. Nuꞌbʉ́ ra Pilato bi ꞌñembabiꞌʉ: ―Tsixhʉ, go da bá ponthʉ, ngueꞌa̱ nuga hinte ma tsꞌoqui dí tsʉtuabini.

NSANJUA 19:6 Iomraidhean Croise

NSAN MATEO 26:58

Ha nura Pedro mi ꞌbɛfatho zi yabʉ mri dɛna ra Jesu, bi zøni asta ja rá patio rá ngu ra da̱nga nda̱ gá macja̱. Nuni ja bi gohniꞌa̱ habʉ mi ꞌbʉi ya gʉntsꞌa̱hni pa da hyandiꞌa̱ te da tꞌøꞌtua ra Jesu.

NSAN MATEO 27:22

Hangue ra Pilato bi yopa ꞌyambabiꞌʉ ne bi ꞌñembi: ―Nuꞌbʉ́ ¿te ga øtꞌe co nuni ra Jesu xa thuꞌmbi ra Cristo ra nda̱? Nuꞌbʉ́ ya ja̱ꞌi bi da̱di ne bi ꞌñena: ―¡Manda da tho ja ra pontꞌi!

NSAN MATEO 27:24

Nu mi hyanda ra Pilato gue maꞌna ꞌyo mri ñʉntsꞌi ya ja̱ꞌi ne himi tsa te da ꞌyøtꞌeꞌa̱, nuꞌbʉ́ bi manda da tha̱mpa tsꞌʉ ra dehe, ne bi nxʉꞌyɛ ja yá thandi gatho ya ja̱ꞌi, ne bi ꞌñena: ―Nugui hingo ma ga tha̱di de nurá ji ma da manga nuna ra hoga ꞌñøhø nu stí du. Nuꞌahʉ ya go guí pa̱hʉ te ma gui tha̱dihʉ.

NSAN LUCA 23:4

Ha nura Pilato bi ꞌñembabi ya nda̱ gá macja̱ ne gatho ya ja̱ꞌi: ―Hinte ma tsꞌoqui dí tsʉtuabi nuna ra ꞌñøhø.

NSANJUA 18:3

Nuꞌbʉ́ ra Juda bi zixa ꞌna hmuntsꞌi ya soldado ne ꞌraya gʉntsꞌa̱hni núꞌʉ xqui mɛhna ya nda̱ gá macja̱ ne ya fariseo, ne ja bi maniꞌʉ ja ra ua̱za mri hña̱ ya ñotꞌi ne con te da hñotehma̱.

NSANJUA 18:31

Ha nura Pilato bi ꞌñembabiꞌʉ: ―Tsixhʉ ne go da ꞌyøꞌtuahʉ ra tsꞌʉtbi ngu núꞌa̱ ma̱nga ri leyhʉ. Ha nuya xodyo bi ꞌñena: ―Núje dyá xodyohe hindí pɛꞌtshe ra nsɛqui pa ga hohe ꞌnara ja̱ꞌi.

NSANJUA 18:38

Nuꞌbʉ́ ra Pilato bi ꞌñembabi: ―¿To ja gueꞌa̱ pa̱di núꞌa̱ majua̱ni? Ha nu mi ma̱nga njabʉ bi bønga møte pa bá yopa ña̱ui ya xodyo ne bi ꞌñembabiꞌʉ: ―Nuga hinte ma tsꞌoqui dí tsʉtuabi nuna ra ꞌñøhø.

NSANJUA 19:15

Pe nuꞌʉ́ bi yopa mafiꞌʉ maꞌnaꞌqui ne bi ꞌñena: ―¡Tsitsꞌi, bá pontꞌi, ne ja dí duni! Nepʉ ra Pilato bi ꞌñembabiꞌʉ: ―¿Ha gue guí nehʉ ga pontꞌa nuna ri Nda̱hʉ? Nepʉ nuya nda̱ gá macja̱ bi da̱di ne bi ꞌñena: ―Nura Cesa hønsɛ go gueꞌa̱ ma nda̱he, y joꞌo maꞌna.

NSANJUA 19:4

Ha nura Pilato bi bønga møte maꞌnaꞌqui ne bi ꞌñembabi ya xodyo: ―Ndi, dra zinꞌaꞌihʉua pa gui pa̱hʉ gue hinte ma tsꞌoqui dí tsʉtuabini.

RA ECHO 2:23

Pe nuꞌá̱ bri da ja ri ꞌyɛhʉ, nepʉ nuꞌahʉ gá daphʉ ja yá ꞌyɛ ya ꞌyøtꞌatsꞌoqui pa bi pontꞌa ja ꞌnara pontꞌi asta himbi du. Pe gatho núꞌa̱ bi nja, bi njabʉ ngueꞌa̱ Ajua̱ go bi bensɛ da njabʉ y núꞌá̱ gueꞌa̱ mrá pahaꞌa̱.

RA ECHO 7:52

¿Hangu hma̱ yá ꞌmɛhni Ajua̱ bi tꞌøꞌtua ra ntsꞌoꞌmʉi? Y núꞌʉ ndu ma xitahʉ go gueꞌʉ bi ꞌyøtꞌa njabʉ. Núꞌʉ́ go gueꞌʉ bi hyo núꞌʉ toꞌo mi ma̱ desde rá mʉdi gue mi ma da ꞌñehe núꞌa̱ ra hoja̱ꞌi hinda ma da ꞌyøtꞌa ni ꞌnara tsꞌoqui. Ha nu mi zøhøꞌa̱, go gueꞌahʉ gá dahʉ ne gá hyohʉ.