NSANJUA 15:1 - Otomi Mezquital

¹ Nepʉ ra Jesu bi ꞌñembabi yá nxadi: Nuga dí nja ngu ꞌnara hoga ꞌbai gá obxi, ha numa Dada nja ngu núꞌa̱ toꞌo pɛ ra ua̱ꞌobxi.

NSANJUA 15:1 Iomraidhean Croise

NSAN MATEO 15:13

Pe ra Jesu bi da̱tuabi yá nxadi ne bi ꞌñembi: ―Gatho núꞌʉ ya nda̱po hingo bi motꞌa numa Dada bí ꞌbʉi mahetsꞌi, ma dra cꞌʉꞌtsi.

NSAN MATEO 20:1

Nurá hmanda Ajua̱ ma ga hyɛcuahʉ ngu ꞌnara me ua̱ꞌobxi. Nura me ua̱ꞌobxiꞌa̱ xi mi pɛꞌtsa ndunthi ya ua̱ꞌobxi. Ne ꞌnara pa xi ꞌnitho bi ma bi hyonga ꞌraya mɛfi.

NSAN MATEO 21:33

Nepʉ ra Jesu bi yopa ꞌñemba ya nda̱ gá macja̱: ―ꞌYøhʉ maꞌna ra ꞌbede ma ga xiꞌahʉ: Mi ꞌbʉ ꞌnara ꞌñøhø xi mi pɛꞌtsa ndunthi ya hai, y nuya haiꞌʉ ja bi ga̱xni ndunthi ya obxi ne bi gutsꞌi. Nepʉ ja bi hyocni yoho ya ngu, ꞌna pa habʉ da thɛꞌma ra ngui gá obxi, ha nuꞌa̱ maꞌna pa ra døꞌma hua̱hi. Y nepʉ bi umba hñandi yá ua̱ꞌobxi ꞌrayá mɛfi. Nepʉ nuꞌá̱ bi ma yabʉ.

NSAN MARCO 12:1

Ra Jesu bi sigui bi ña̱ui ya nda̱ gá macja̱ ne ya xahnate de ra ley ne ya nda̱xjua nda̱, ne bi mʉdi bi xipa ꞌraya ꞌbede, ne bi ꞌñembabi: ―ꞌNara pa ꞌnara ꞌñøhø bi ga̱xa ꞌraya ꞌbai gá obxi, ne bi gutsꞌi xá hño. Ne bi hyoqui habʉ da sitꞌa ra ngui gá obxi núꞌa̱ da thɛꞌmi, ne bi hyoca ꞌnara nthøꞌma ua̱ꞌobxi xi rá hñetsꞌi. Nepʉ núꞌa̱ ra ua̱ꞌobxiꞌa̱ bi umba nhyandi ꞌraya ja̱ꞌi, ha núꞌa̱ ra me ua̱ꞌobxi bi bøni bi ma yabʉ ya hai.

NSAN LUCA 13:6

Y ra Jesu bi xipa ꞌnara ꞌbede ya ja̱ꞌi ne bi ꞌñembabi: ―ꞌNara ꞌñøhø mi pɛꞌtsa ꞌna ꞌbai ra igo ja rá ua̱ꞌobxi, y ꞌnara pa bi ma bá cꞌa̱ꞌtsi ua di tøgue yá fruta, pe hinte bi zʉdi.

NSANJUA 1:17

Ha nu Ajua̱ xqui hñuxa ra Moise pa go bi ꞌñutcahʉ tengu rá leyꞌa̱, pe nubyá bá pɛhna ra Jesucristo pa bá ha̱ncahʉ rá hñoja̱ꞌi, ne núꞌá̱ go gueꞌa̱ bi ꞌñudi gatho maxøgue núꞌa̱ majua̱ni.

NSANJUA 1:9

Núꞌa̱ toꞌo go ra ñotꞌi xi majua̱ni, bá ehe de guecua ja ra ximhai ne go gueꞌa̱ ri yoꞌtua yá mfeni gatho ya ja̱ꞌi.

NSANJUA 15:2

Nuꞌʉ tóꞌo ꞌbʉi con gueque go gueꞌʉ nja ngu ya mai de nura hoga ꞌbai gá obxiꞌa̱. Ne gatho ya mai núꞌʉ hingui unga yá fruta, núꞌa̱ toꞌo pɛ ra ua̱ꞌobxi da zɛquiꞌʉ. Pe nuꞌʉ di unga yá fruta, nuꞌá̱ da moquiꞌʉ pa maꞌna da unga yá fruta.

NSANJUA 6:32

Ha nura Jesu bi ꞌñembabiꞌʉ: ―Xi majua̱ni dí xiꞌahʉ: Hingo ra Moise bi umbabiꞌʉ núꞌa̱ ra thuhme bá ehe de mahetsꞌi núꞌa̱ bi ziꞌʉ. Numa Dada go gueꞌa̱ bi mɛmpabiꞌʉ. Y go guetꞌa̱ bá pɛnꞌahʉbya ra thuhme de mahetsꞌi núꞌa̱ unga ra te pa nza̱ntho.

NSANJUA 6:55

Ngueꞌa̱ ma ngø nja ngu ra nzaqui, ne ma ji nja ngu ra dehe núꞌa̱ tsꞌi pa da nte ꞌna. Pe numa ngø ne ma ji hingue ngu nuya nzaquiꞌʉ, ngueꞌa̱ numa ngø ne ma ji unga ra te pa nza̱ntho.

RA ROMANU 11:17

Ngu ꞌnara ꞌbai gá hoga olivo da tsꞌɛcua ꞌnará ꞌyɛza ne da cueta ꞌnará ꞌyɛza ra mba̱nga olivo pa nuꞌá̱ da zipa rá ngui rá ꞌyʉ núꞌa̱ ra hoga olivo, njabʉ nehe ꞌraya xodyo bri tꞌeque de Ajua̱ ne núꞌahʉ hingyá xodyohʉ go xra hmuntsꞌaꞌihʉ pa dyá hniniꞌihʉ Ajua̱ nehe, ne xcá hña̱nihʉ yá ja̱pi Ajua̱.

RÁ MɄDI RA CORINTIO 3:9

Nuje dyá mɛfihe de Ajua̱, ha nuꞌahʉ guí njahʉ ngu ꞌnara hua̱hi habʉ ri mpɛfiꞌa̱. Ne guí njahʉ ngu ꞌnará hoga ngu Ajua̱ ri jʉꞌtsuabi.

RÁ MɄDI RA XUUA 2:8

Go guetꞌatho rá hmanda Ajua̱ dí yopa xiꞌahʉ, pe nubyá gueꞌa̱ ngu ꞌnara ꞌraꞌyo hmanda, ngueꞌa̱ rá hma̱te ra Zidada Jesu himi fa̱di maꞌmɛtꞌo, ne nixi ri hma̱tehʉ himi fa̱di. Nubyá dí pa̱di gue guí má̱dihʉ ꞌna ngu maꞌna ngu bi ma̱caguihʉ ra Zidada Jesu, ngueꞌa̱ nuꞌá̱ ya ꞌyo rí yotꞌa ri mfenihʉ ne ya hinguí ꞌbʉhʉ ja ra ꞌbɛxuui.