NSANJUA 13:5 - Otomi Mezquital

⁵ Ne bi xitꞌa ra dehe ja ꞌnara nsʉꞌyɛ, ne bi mʉdi bi xʉcua yá ua yá nxadi. Nepʉ mi oꞌtuabi co núꞌa̱ ra ntꞌotꞌyɛ mri ngʉtꞌiꞌa̱.

NSANJUA 13:5 Iomraidhean Croise

NSAN LUCA 7:38

Nura ꞌbɛhña̱ꞌa̱ bi da̱stꞌa ja yá ua ra Jesu, bi nzoni ne bi xixa yá guida ja yá ua ra Jesu, nepʉ bi oꞌtuabi co yá sta̱, nepʉ bi zʉꞌtsuabi, ne bi goꞌtsuabi núꞌa̱ ra hoga ñʉni mi ha̱.

NSAN LUCA 7:44

Nepʉ ra Jesu bi hyanda núꞌa̱ ra ꞌbɛhña̱ ne bi ꞌñembabi ra Simu: ―De dá tsøcua ja ri ngu hinxcá ꞌraca ni tsꞌʉ ra dehe pa ga xʉca ma ua, pe ndi, hyanda nuna ꞌbɛhña̱, bi xʉga ma ua co yá guida, ne bi otcagui co yá sta̱.

NSANJUA 13:10

Ha nura Jesu bi ꞌñembabi: ―Núꞌa̱ toꞌo ya xa nxaha, ya hinga mahyoni da yopa ntꞌaxca maꞌnaꞌqui, hønsɛ da sʉcua yá ua, ngueꞌa̱ ya xá ntꞌaxi gatho rá ndoꞌyo. Ha nuꞌahʉ ya xá ntꞌaxiꞌihʉ, masque hinga gathoꞌihʉ.

NSANJUA 13:6

Ha nu mi ma da xʉcuabi yá ua ra Pedro, ra Pedro bi ꞌñembabi: ―Ma zi Hmuꞌi, ¿ha gue go ma gui xʉga ma uaga?

NSANJUA 13:8

Nura Pedro bi ꞌñembabi: ―Nuꞌi hinhyaꞌmʉ ma gui xʉga ma uaga. Ha nura Jesu bi da̱di ne bi ꞌñembabi: ―Nuꞌbʉ hinga xʉcꞌa ri ua, hinte guí pɛꞌtsi de gueque.

NSANJUA 19:34

Pe ꞌnara soldado bi umba ꞌnara nsʉni ja rá hyo rá tiña̱ co ꞌnara lansa, nepʉ ꞌbestho bi bønga ra ji ne ra dehe.

RA ECHO 22:16

Xibya, ¿te rá ꞌbɛ guí tøꞌmi? Nxøni maha gui nxistehe, ne ꞌyapabi ra Zidada da punꞌa ri tsꞌoqui.”

RÁ MɄDI RA CORINTIO 6:11

Ante gui camfrihʉ Ajua̱ nguí njahʉbʉ nehe ꞌra de gueꞌahʉ. Pe nubyá ya xa tꞌaxca ri mfenihʉ, ne ya xa tꞌecꞌaꞌihʉ de gatho nuya ya tsꞌoqui, ha nubyá ya hinte ma tsꞌoqui guí tuhʉ ja rá thandi Ajua̱ po rá tsꞌɛdi ma Zidadahʉ ra Jesucristo ne po rá tsꞌɛdi rá Ma̱ca Nda̱hi Ajua̱.

RA EFESIO 5:26

Bi du pa bi ꞌuegaguihʉ de ma tsꞌoquihʉ. Bi xʉga ma corasohʉ co ra dehe, y nura deheꞌa̱ go gueꞌa̱ rá noyaꞌa̱.

RÁ MɄDI RA TIMOTEO 5:10

Nehe hñuꞌtsuahʉ yá thuhu ya viuda núꞌʉ thandi ne fa̱di gue pɛ ya hoga ꞌbɛfi, ne bi tede xá hño yá ba̱tsi, pa̱di da unga ntsaya ja yá ngu, ne bi xʉcua yá ua núꞌʉ ya cu mí tsønga ja yá ngu, ne bi matsꞌi núꞌʉ mi tho ya tsꞌothogui, ne xa ba̱di xa mɛfi gatho ya hoga ꞌbɛfi.

RA EBREO 10:22

Hangue ma ga jonihʉ co Ajua̱ con gatho ma mʉihʉ, ne con gatho ma jamfrihʉ, ne co ma mfenihʉ strá ntꞌaxi, ngueꞌa̱ go guesɛ ma Zidadahʉ ra Jesucristo xa na̱xcasɛhʉ rá ji pa njabʉ ya hinte ma tsꞌoqui dí tuhʉ, ja ra uɛnda xa sʉga ma ndoꞌyohʉ co ꞌnara dehe xi xá ntꞌaxi.

RÁ MɄDI RA XUUA 1:7

Pe ꞌbʉ dí ꞌyohʉ ja ra hyatsꞌi ngu njaꞌa̱ ꞌbʉi ja ra hyatsꞌi, nuꞌbʉ́ dí pɛꞌtshʉ ꞌnada ra mfeni, y co rá ji ma zi Hmuhʉ ra Jesucristo rá Tꞌʉ Ajua̱ xʉgaguihʉ gatho ma tsꞌoquihʉ.

RÁ MɄDI RA XUUA 5:6

Ra Zidada Jesucristo bá eheua ja ra ximhai, bi nxistehe ne bi na̱ꞌma rá ji bi du. Hingue hønsɛ bi nxistehe, pe nehe bi duꞌa̱. Ha nura Ma̱ca Nda̱hi xicjʉ de gueꞌa̱ ne nuꞌá̱ ma̱nga majua̱ni.

RA APOCALIPSI 1:5

Nehe da ja̱pꞌaꞌihʉ ra Zidada Jesucristo núꞌa̱ toꞌo nza̱ntho ma̱nga núꞌa̱ majua̱ni. Núꞌá̱ go gueꞌa̱ xi rá mʉdi bi yopa nte de gatho núꞌʉ xa du, y núꞌá̱ di manda gatho núꞌʉ ya nda̱ de ja ra ximhai. Núꞌá̱ ma̱caguihʉ y co rá jiꞌa̱ xa xʉgaguihʉ ma tsꞌoquihʉ.

RA APOCALIPSI 7:14

Nuga dá tha̱di ne dá embabi: ―Nuga hindí pa̱di, nuꞌi go guí pa̱di. Nuꞌbʉ́ nuꞌá̱ bi ꞌñengagui: ―Nuyʉ go guehyʉ xqui ꞌñehe de nuni habʉ mbi ja ya tsꞌothogui ne xuá tꞌaxca yá he co rá ji ra Tꞌʉca Dɛti.