NSANJUA 11:16 - Otomi Mezquital

¹⁶ Nepʉ nura Toma núꞌa̱ mi tꞌembi ra Go, bi ꞌñemba yá minxadiui: ―Maha nehe pa grá tuhʉ mahyɛgui con guehni.

NSANJUA 11:16 Iomraidhean Croise

NSANJUA 21:2

Ra Simu Pedro mi ꞌbʉhui ꞌnadbʉ ra Toma núꞌa̱ mi tꞌembi ra Go, ne ra Natanael núꞌa̱ ra me Ncaná de Galilea, ne yá tꞌʉ ra Sebedeo, ne má yoho yá nxadi ra Jesu, gathoꞌʉ ꞌnadbʉ mi ꞌbʉi.

NSANJUA 13:37

Ha nura Pedro bi ꞌñembabi: ―Ma zi Hmuꞌi, ¿hanja hinda za ga mɛuibya? Nuga masque ga tu por gueꞌe.

NSAN MATEO 10:3

Nepʉ ra Lipe, ne ra Tolo, ra Toma, ne ra Teo núꞌa̱ mrá ngʉxboja̱, ne núꞌa̱ maꞌna ra Cobo rá tꞌʉ ra Alfeo, ne ra Lebeo núꞌa̱ bi thuꞌmbabi nehe ra Tadeo.

NSAN LUCA 6:15

ne ra Teo ne ra Toma, ne núꞌa̱ maꞌna ra Cobo rá tꞌʉ ra Alfeo; ne maꞌna ra Simu núꞌa̱ xqui ꞌñoui ya cananista;

NSAN MARCO 3:18

Bi thutsꞌi nehe ra Andre, ra Lipe, ra Tolo, ra Teo, ra Toma, ra Cobo rá tꞌʉ ra Alfeo, ra Tadeo, ne ra Simu núꞌa̱ xqui ꞌñoui núꞌa̱ ra hmuntsꞌi rá thuhu ya cananista,

NSAN MATEO 26:35

Nuꞌbʉ́ ra Pedro bi da̱di ne bi ꞌñena: ―Masque ga tuui mahyɛgui pe hinhyaꞌmʉ ga cøñꞌaꞌi. Y gatho maꞌra ya nxadi bi ma̱ njabʉ nehe.

RA ECHO 1:13

Y nu de mi zøniꞌʉ mbo ja ra hnini, bi bøxa ja ra tøngu habʉ xqui mihiꞌʉ, ne ja mi ꞌbʉhni ri gathoꞌʉ, ra Pedro, ra Cobo, ra Xuua, ra Andre, ra Lipe, ra Toma, ra Tolo, ra Teo, maꞌna ra Cobo rá tꞌʉ ra Alfeo, ne ra Simu núꞌa̱ mi tꞌembi ra Selote, ne ra Juda rá cu ra Cobo.

NSANJUA 14:5

Nuꞌbʉ́ nura Toma bi ꞌñembabi: ―Ma zi Hmuꞌi, hindí pa̱he habʉ ma gui ma, ¿ne guí enje gue dí pa̱he ra ꞌñu?

NSANJUA 11:8

Ha nuyá nxadi bi ꞌñembabi: ―Xahnate, guí nu ya nda̱ gá xodyo de guehni ja mahaꞌmʉ mi ne xa hyoꞌaꞌi dega ncꞌahni. ¿Ha nuꞌi guí ne gui yopa mani maꞌnaꞌqui?

NSAN LUCA 22:33

Ha nura Simu bi ꞌñembabi: ―Ma zi Hmuꞌi, nugui dí ꞌbʉcua ꞌbʉ da tsꞌixꞌaꞌi ra fadi, ga ma nehe, ha nuꞌbʉ da thoꞌi, dá thogui nehe.

NSANJUA 11:15

Ne nuga xi drí johya ngueꞌa̱ dá njoꞌoni ora mi hñeni, ngueꞌa̱ go ꞌnara hño pa gueꞌahʉ, ngueꞌa̱ po rá ngueꞌa̱ maꞌna ma gui camfriguihʉ. Maha, ma ga cꞌa̱ꞌtshʉꞌa̱.