PILIPI 4:6 - BOWOT BOHUA

⁶ Ara kowatir tohou inon ka'a. A'ang kokaro hal, bodo'a tutang nyapai sawot'kam ahkan Pohotala. Inon ijo ihkam kani, sumanorih toturus ahkan Pohotala hawui ngohawot torimakasih.

PILIPI 4:6 Iomraidhean Croise

MATEUS 10:19

Tahpi amat ihkam konomin ahkan ponosara, a'ai mihkoh tohou inon ijo ihkam harus ngohawotoh, ata'ai koloukuwoh ihkam harus bopander. Kotului inon ijo ihkam harus ngohawot orih, ahkan tonyorihta ahkan'kam ang ohkotoh.

MATEUS 13:22

Bonyi ijo tonuhkan ang tohun ruwut duhi, nindung ulun-ulun ijo ngonih kabar orih, tahpi mihkoh tohou pombolum iro tutang jolik bolum molowi. Tului orih kabar tahkan Pohotala tonohahpit ang luwang ahtoi iro nyiring eam momua.

MATEUS 6:34

Bain tului orih, a'ai mihkoh tohou ondou hawun. Kotului ondou hawun anai hino kihkoh aiu bongoi. Ondou tuh jari suhkup kosusahoh, eam usah ndahang hino.”

MATEUS 6:8

Ara kolou iro. Amai'kam jari kota'an inon ijo ihkam poruluoh, hounumba ihkam nyawotoh.

LUKAS 10:41

‘‘Marta, Marta!’’ hion Tuhan. ‘‘Ihko mihkoh tutang deroh niruk ijotuh tutang ijoorih;

LUKAS 12:22

Turus Yesus nuhtui umba murid-murid-Oh, ‘‘Orih kotuluioh Ahku nuhtui, ‘Ara mihkoh tohou pombolum'kam, iorih inon ijo ahkan ihkam kumai, ata'ai inon ijo ahkan ihkam hapaoh.’

LUKAS 12:29

Jadi, ararih mihkoh tutang bimbang tohou inon ijo ahkan ukun'kam tutang korih'kam.

LUKAS 18:1

Uliorih Yesus monyorihta ihco porobasa ahkan majar murid-murid-Oh mangat'ndo hototurus bodo'a tutang a'ai putus asa.

LUKAS 18:7

Orih, inon Pohotala eam ahkan ngomorong porokara ukup-Oh bongoi ijo nyawot dohop umba Io hondou tutang ngolomi? Inon Io ahkan nguluh kotihka ahkan ndohop iro?

1 KORINTUS 7:21

Amat aang ohkot Konduang tona'ah, Konduang anairih ihcobehti jihpon, eam usah Konduang susa-susah niruk hal rih. Tahpi amat noin Konduang duon kosapet ahkan jadi morodehka, nguna kosapet rih.

1 KORINTUS 7:32

Ahku jolik mangat Konduang morodehka tahkan kosusah. Ulun ijo eam ngoruh, ahkan mbulat tirukoh aang hal-hal tohou Tuhan, kotului io jolik ngojorih Tuhan.

2 KORINTUS 1:11

Ihkai yakin ijo umba do'a-do'a'kam ahkan ihkai, Pohotala ahkan monyolamat ihkai hino tahkan bohaya. Pohotala jorih mborehkat ihkai kolou puhtah ngosan do'a-do'a ahkan ihkai, tutang tului orih aro ulun ahkan ngohawot torimakasih ahkan Pohotala.

EPESUS 5:20

Toturus tutang tohou inon ka ka'a, pios ihkam ngohawot torimakasih ahkan Pohotala, Amai, ngosan aran Yesus Kristus Tuhan ihto.

EPESUS 6:18

Nguanohrih paringoh rih sambil bodo'a ahkan nyawot pondohop tahkan Pohotala. Aang nyinong kosapet, bodo'a toturus koloukuwoh Roh Pohotala niting ihkam. Hondakrih ihkam toturus bojaga tutang ara monyorah. Bodo'a toturus ahkan paring ukup Pohotala.

KOLOSE 3:15

Hondakrih koputusan-koputusan'kam konahtuh bain kobuah ijo tononga bain Kristus, ang luwang ahtoi'kam. Tului Pohotala na'ah ihkam ahkan monjadi ramun ihco bereng mangat ihkam bolum a'ang kobuah tahkan Kristus orih. Hondakrih ihkam botorimakasih.

KOLOSE 3:17

Kokaro inon ijo ihkam nguaioh ata'ai nuhtuioh, harus rih tonguan tutang tonuhtui ngosan aran Tuhan Yesus. Botorimakasih ahkan Pohotala, Amai, ahkan inon ijo tonguan Yesus bagi'kam.

KOLOSE 4:2

Hondakoh ihkam bodo'a, hawui tehen tutang jaga-jaga hawui botorimakasih ahkan Pohotala.

1 TIMOTEUS 2:1

Pahtu-pahtukoh, ahku nyawot honong paham, mangat sawot, sombayang, tutang do'a sapa'at hawui kohawot torimakasih tonyapai ahkan Pohotala ahkan paring ulun,

1 TIMOTEUS 5:5

Balu ijo tu'u-tu'u ihcobehti bongoi tutang eamanai ia-iai ijo dahpot mohaga io, tihkas boharap ahkan Pohotala. Hondou ngalomi io turus bodo'a ahkan Pohotala ahkan nyawot pondohop-Oh.

1 PETRUS 4:7

Kokaro aang'co jari doni koopahoh, tului rih hondakrih ihkam ngowasa arop tutang bosodia, mangat ihkam dahpot bodo'a.

1 PETRUS 5:7

Sorahohrih karon kowatir'kam ahkan Pohotala, kobain Io ahkan mopoduli'ko.