PILIPI 3:16 - BOWOT BOHUA

¹⁶ Oluaang hal tuh, hondakoh nohtoani: Ihto harus magun bolum numbun poroturan ijo jari ihto umbaoh, nyiring wayah tuh.

PILIPI 3:16 Iomraidhean Croise

RUMA 12:16

Bolum rukun ihco umba 'jobohkon. Ara pokarah isung ahtoi, tahpi nyama arop'kam umba ulun ijo pinda ponuotoh. Ara madu arop labih pitar tahkanumba ijo komorongoh.

RUMA 15:5

Keleh Pohotala, ijo nonga kosabar tutang apung ahkan ulun, dohop ihkam ahkan bolum hihcoahtoi numbun sutu Kristus Yesus.

GALATIA 5:7

Lomoi ihkam hokolahi honong pios! Huntuh ombai ihkam eam te'et hino umba konohuang Pohotala? Iai jari mbujuk ihkam?

GALATIA 6:16

Bagi ulun-ulun ijo bolum umba tiruk rih, tutang kodorih ka'a bagi paring ukup ain Pohotala, ahku harap Pohotala ahkan nonga kosanang tutang ponongaasi-Oh.

PILIPI 1:27

Nah, ijo boguna huntuh iorih, ijo ihkam bolum sorurui umba inon ijo tonutut bain Kabar Hinut tohou Kristus rih. Honong kodorih, inonrih ahku dahpot hosombang umba ihkam ata'ai eam, ahku ahkan ngonih ijo ihkam ba'as angkohihco tutang kolahi sama-sama ahkan baya ihco maksud tutang ihco kojolik; yorih ahkan kepercayaan ijo sorurui umba Kabar Hinut tahkan Pohotala rih.

PILIPI 2:2

Nah, cuba ihkam moro-morong nyanang ahtoi'ku umba hal-hal tuh: Bolum ihcoahtoi umba kasih ijo sama, umba tiruk ijo sama tutang titun ijo sama.

PILIPI 4:2

Konduangbawi Euodia tutang Konduangbawi Sintike! Ahku nyawot hawui paham umba ihkam, ahkan Konduangbawi hihcoahtoi kolou ulun-ulun ijo bokoporocaya.

KOLOSE 2:6

Konduang-konduang jari norima Kristus Yesus monjadi Tuhan. Bain orih hondakrih ihkam bolum hihco umba Io,

KOLOSE 4:2

Hondakoh ihkam bodo'a, hawui tehen tutang jaga-jaga hawui botorimakasih ahkan Pohotala.

PONGORINAH 3:3

Jadi, ingat rih hoduli ahkan inon ijo jari tongajar ahkan'kam lomoi, tutang inon ijo jari ihkam ngonih. Molalusohrih rih, tutang hubah iou tahkan dusa-dusan'kam. Amat ihkam eam kuat, Ahku ahkan lombut nokuh'kam kolou ponahkou; tutang ihkam eam ahkan kota'an, mira ohkotoh Ahku lombut.