PILIPI 2:9 - BOWOT BOHUA

⁹ Tului orihrih Pohotala ngahtang Io soisung-isungoh, hawui nonga ahkai-Oh kowasa ijo labih hajo tahkan paring kowasa ijo bohkon.

PILIPI 2:9 Iomraidhean Croise

MATEUS 11:27

Turus Yesus nuhtui, “Ko-paring ang'co, jadi tononyorah Amai ahkak-Ku. Eam aro ihcobehti ka kosono Anak, bohkon umba Amai. Eam aro ka'a ijo ngosono Amai bohkon umba Anak, tutang ulun-ulun ahkan iai Anak rih mongosono Amai.

MATEUS 28:18

Yesus ngondoni iro tutang nuhtui, “Paring kowasa ang soruga tutang ang ngosan tana jari tonyorah ahkak-Ku.

LUKAS 10:22

Karon aang'co jari tonosorah Amai ahkak-Ku. Eam ihcobehti ka ngosono Anak, bohkonumba Amai. Eam anai ka'a ijo ngosono Amai bohkonumba Anak; tutang ulun-ulun ahkan iai Anak rih ka'a nokosono Amai.’’

YOHANES 13:3

Yesus ta'an ijo Amai jari nonga paring kowasa ahkai-Oh. Io ta'an ka'a ijo Io lombut tahkan Pohotala tutang ahkan buli nokuh Pohotala.

YOHANES 17:11

Uhuntuh Ahku kani lombut nokuh Amai. Ahku eam mohcon hino ang kolunon; tahpi iro anai ang kolunon. Amai ijo borasih! Jaga rih iro umba kowasan aran Amai, io orih aran ijo jari Amai nongaoh ahkak-Ku – mangat iro monjadi ihco, sama kolou Amai tutang Ahku ka'a ihco.

YOHANES 17:12

Ang ohkot Ahku magun hihco umba iro, Ahku jari mohaga iro umba kowasa aran Amai – aran ijo Amai nongaoh ahkak-Ku. Ahku jari mohaga iro tutang eam ihcobehti ka tahkan iro nihou, kocoali io ijo puna jari kopahtutoh nihou; mangat honong orih nyolungrih inon ijo tonyurat a'ang Surat Borasih.

YOHANES 17:5

Amai! Pohajoohrih Ahku uhuntuh aang Amai, honong kohajo ijo Ahku tepui hihco Amai sounumba kolunon tuh tona'oi.

KESAH RASUL-RASUL 5:31

Tutang Pohotala jari nonga ahkai-Oh ponuot tutang kowasa ijo isung monjadi Okon tutang Ponyolamat; mangat uhtus Israel tononga kosapet ahkan hubah tahkan dusa-dusaoh, tutang ngonduon pongapunan.

EPESUS 1:10

Rancana orih, iorih, mangat kokaron angihco, pios ijo ang soruga, oluka ijo ang tana, monjadi ihco umba Kristus kolou kopala. Tutang hal orihrih ahkan tonongopah bain Pohotala amat ius johcok ohkotoh.

KOLOSE 1:18

Iorih kuhung tahkan behtiuoh, yorih ukupoh, kotului Io tohasak pombolum ukup rih. Iorih anak ijo poohkooh ijo pahtuk-pahtuk tonombolum hoduli tahkan popahtoi, mangat Io bongoi iou ijo monjadi boguna tahkan kokaro aang'co.

2 TESALONIKA 1:12

Honong kodorih Tuhan ihto Yesus Kristus tonohajo bain ihkam, tutang ihkam ka tonohajo bain Yesus, kotului kopios ahtoi Pohotalan ihto tutang Tuhan Yesus Kristus.

IBRANI 1:4

Anak rih ngondahpot ponuot, ijo mahcu labih diang umba molehkat-molehkat, tutang aran ijo tononga Pohotala ahkai-Oh ka'a mahcu labih horomat tahkanumba aran ijo tononga ahkan molehkat.

IBRANI 1:9

Ihko jolik ahkan koadilan, tutang bosingi umba ijocurang. Orihrih kotuluioh Pohotala, Pohotalan-Mu, ngopili Ihko tutang nonga ahkan-Mu kohoromatan ijo mopolombut jorihjirah molowi injah-injah-Mu.’’

IBRANI 12:2

Hondakrih topahjah ihto nitu umba Yesus, bain Io ijo mbolum porocayan ihto tutang mohaga tahkan pahtuk nyiring laiu. Yesus tahan ngarot, ang kahju sopolahki! Io eam poduli ijo mahtoi, ang kahju sopolahki rih anairih angihco hal ijo ngomia. Io tihkas ingat ahkan kojorih ijo ahkan tonginyam-Oh pongohuli. Huntuh Io tuot ang sila kotuon pododusan Pohotala tutang moretah hihco umba Io.

IBRANI 2:9

Tahpi ihto jari nohto Yesus bokowasa! Io tonguan honjiot, labih pinda tahkan molehkat, ahkan ohkot ijo iwak, mangat ngosan kopios ahtoi Pohotala, Io dahpot mahtoi ahkan paring ukup kolunon. Ihto nohto Io uhuntuh, tononga ponuot ijo isung tutang torohoromat, kotului Io jari ngarot nyiring mahtoi.

1 PETRUS 3:22

tutang jari nuhkat nokuh soruga. Huntuh Io bokowasa hihco umba Pohotala, tutang moretah paring molehkat, paring pongowasa honong paring koba'as.

2 PETRUS 1:17

Ihkai anai ang anan, kotihka Io tohoromat, tutang tonohajo bain Pohotala, Amai. Ang ohkot rih konahan auh tahkan Ijo Mahahoromat ijo homouh umba Io, ‘‘Tuhrih Anak-Ku ijo Ahku ngasih-Oh. Io ngonjorih ahtoi-Ku!’’

3 YOHANES 1:7

tului a'ang ponyalan ahkan mohalu Kristus, iro eam norima pondohop inon ka, tahkan ulun-ulun ijo eam kosono Pohotala.

PONGORINAH 1:5

tutang tahkan Yesus Kristus, saksi ijo bokehtep. Io ijo sula-sulak tonombolum hoduli tahkan popahtoi, tutang Io rih pongowasa ngosan lahca-lahcan kolunon. Yesus mongasi ihto, tutang umba popahtoi Io momordehka ihto tahkan dusa-dusan ihto,

PONGORINAH 11:15

Turus molehkat ijo kopihtu mohpos sorunaioh, mahka ang soruga konahan auh-auh muhing samasino ijo nuhtui, ‘‘Kokuwasa'an ahkan moretah kolunon, anai huntuh a'ang longon Tuhan ihto, tutang Lahca Ponyolamat, ijo tonobowot-Oh. Io ahkan moretah ahkan turus-jahamoh!’’

PONGORINAH 19:16

Aang jubah-Oh, tutang aang sahpak-Oh tosurat aran rih, ‘‘Lahca kokaron lahca, tutang Tuhan kokaron tuan.’’

PONGORINAH 3:21

Iro ijo manang, ahkan Ahku ngijin-Oh tuot ang pododusan Aik-Ku hihco Ahku, sama kolou Ahku bongok ka jari manang, tutang huntuh tuot hihco Amai-Ku ang pododusan-Oh.

PONGORINAH 5:12

Tutang iro monyanyi umba auh ijo muhing, ‘‘Anak Tobiri ijo jari tonyombolih rih, pahtut ahkan norima kowasa, ponahtou, kopihtaran tutang koba'as; Io pahtut tonohoromat iou, tonohajo, tutang tonara-nara!’’