PILIPI 2:8 - BOWOT BOHUA

⁸ Io mogominda arop, tutang bolum honong te'et ahkan Pohotala nyiring mahtoi – yorih mahtoi nyopolahki.

PILIPI 2:8 Iomraidhean Croise

MATEUS 17:2

Ang toharep'ndo, Yesus boubah tapai. Bauioh monjadi boloang kolou mahtan-ondou tutang hatiu-Oh puti mokilap.

MATEUS 26:39

Pongohuli Yesus tulak ngomahcu aropoh honjiot, turus Io nyundop ahkan tana tutang bodo'a. “Amai,” hioi-Oh, “amat tou, dian tahkan Ahku kokarot ijo Ahku harus nyuruoh tuh. Tahpi a'ai numbun konohuang-Ku, molekan numbun konohuang Amai iou.”

MATEUS 26:42

Sino huli Yesus tulak bodo'a, hioi-Oh, “Amai, amat koporos tuh harus Ahku nyuruoh, tutang eam duon dian tahkan Ahku, nauhoh konohuang Amai ijo nyolung.”

LUKAS 9:29

Podehan Yesus bodo'a ang anan, baui-Oh hubah tutang pokahjai-Oh puhti mokilat boloang.

YOHANES 10:18

Eam aro ihcobehti ka duon ngomiuoh tahkan Ahku. Ahku nyarahoh ngosan konohuang-Ku bongok. Ahku bokowasa ahkan nyarahoh, tutang bokowasa ngomiuoh huli. Orihrih gawik'ku ijo Ahku torima tahkan Amai-Ku.’’

YOHANES 14:31

Tahpi oluka paring rih harus nyolung, mangat kolunon borondong ijo Ahku sita Amai tutang nguanoh kokaron ijo ponoretah Amai ahkak-Ku. Nah, olai ihto tulak tahkan ohtoi.’’

YOHANES 15:10

Amat ihkam molalus poretah-poretah-Ku, ihkam tohtap te'et ahkan kasih-Ku, sama kolou Ahku tohtap te'et umba kasih Amai tului molalus poretah-poretah-Oh.

YOHANES 4:34

Turus Yesus nuhtui, ‘‘Ukun-Ku anairih numbun kohondak Io ijo nyuhu Ahku, tutang ngo-opahoh gawi ijo tonyorah-Oh ahkak-Ku.

KESAH RASUL-RASUL 8:33

Io tongorana tutang konuan hawui eam adil. Hasong-Oh tonguhut tahkan isun tana nyiring ihcobehti ka, eam anai ijo duon mander tohou uhtus lihit-Oh.’’

RUMA 5:19

Tutang koloukuwoh aro ulun monjadi ulun bodusa, kotului ihco behti eam te'et. Kodorih ka'a aro ulun duonjalan hokopios hoduli umba Pohotala, tului ihco behti te'et umba Pohotala.

2 KORINTUS 8:9

Tului ihkam ngota'an tu'u, ijo ihto karas tonokasih kobain Yesus Kristus Tuhan ihto. Io tahtou, tahpi Io nguan arop-Oh monjadi porosbolum ahkan kogunan ihkam, mangat umba koporosbolum-Oh rih ihkam monjadi tahtou.

GALATIA 3:13

Tahpi Kristus momorodehka ihto tahkan tulut hukum agama. Io nguan rih hawui mohonou arop-Oh tonulut tului ihto. Tului ang Surat Borasih tonyurat, ‘‘Tonulut ulun ijo mahtoi tonokuak ang kahju.’’

TITUS 2:14

Io jari moporahpah arop-Oh bagi ihto, ahkan momorodehka ihto tahkan kokaro koja'at, tutang ngonjorian ihto ihco ukup ijo morodehka tahkan dusa, tutang ijo monjadi Aiu-Oh iou, hawui ijo rajin nguan ang hinut.

IBRANI 12:2

Hondakrih topahjah ihto nitu umba Yesus, bain Io ijo mbolum porocayan ihto tutang mohaga tahkan pahtuk nyiring laiu. Yesus tahan ngarot, ang kahju sopolahki! Io eam poduli ijo mahtoi, ang kahju sopolahki rih anairih angihco hal ijo ngomia. Io tihkas ingat ahkan kojorih ijo ahkan tonginyam-Oh pongohuli. Huntuh Io tuot ang sila kotuon pododusan Pohotala tutang moretah hihco umba Io.

IBRANI 12:4

Kotului a'ang kolawan'kam umba dusa, ihkam jaha pu'u hokolawan nyiring harus nusuh daha.

1 PETRUS 2:24

Kristus bongoi ngohtun dusa-dusan ihto aang arop-Oh ngosan kahju sopolahki, mangat ihto morodehka tahkan kowasan dusa, tutang bolum numbun konohuang Pohotala. Himang-himang Kristusrih ijo ngopios ihkam.

1 PETRUS 3:18

Kotului Kristus bongoi mahtoi tihkas sino iou, ahkan turus-jahamoh kotului dusan kolunon – ihcobehti ijo eam bosala, mahtoi ahkan ulun ijo bosala. Kristus nguan ohrih rih, mangat Io dahpot nihting ihkam nokuh Pohotala. Io tomunu socara behtiuoh, tahpi tonombolum hoduli socara rohani.