Biblia Todo Logo
Bìoball air-loidhne

- Sanasan -




PILIPI 2:6 - BOWOT BOHUA

6 Aang dasaroh Io sama umba Pohotala, tahpi Io eam komo ijo koada'ai-Oh ijo kopohotalai rih harus tonohtahan-Oh.

Faic an caibideil Dèan lethbhreac




PILIPI 2:6
37 Iomraidhean Croise  

“Ihcobehti dala ahkan botohi tutang nganak ihcobehti anak bahkas. Anak orih ahkan konohawot Imanuel.” (Imanuel orih basa Ibrani ijo rimai, “Pohotala anai hihco ihto”.)


Eam aro ijo pu'u nohto Pohotala bohkonumba anak tukan Amai, ijo sama umba Amai tutang lehket sino umba Io. Iorih ijo ngorinah Amai ahkan ihto.


Ahku tutang Amai anairih ihco.’’


Ulun-ulun Yahudi orih mutah, ‘‘Eam kotului konuan-konuan-Mu ijo pios rih ihkai kani muhkah Ihko umba bahtu, tahpi kotului Ihko ngarana Pohotala. Ihko ihcobehti kolunon kani ngonjorian arop-Mu Pohotala.’’


Tahpi tului Ahku nguaioh, porocaya iou ihkam umba inon ijo Ahku nguai orih, oluka ihkam eam kani porocaya umba Ahku. Honong kolourih ihkam kota'an tutang solembang ijo Amai tahtap hihco umba Ahku, tutang Ahku tahtap hihco umba Amai.’’


Ihkam jari ngonih Ahku nuhtui, ‘Ahku ahkan tulak, tahpi Ahku ahkan lombut hoduli ahkan ihkam.’ Amat ihkam ngasih Ahku, ihkam sanang Ahku tulak nokuh Amai, tului Amai labih hajo tahkan Ahku.


Tahpi Yesus mutah, ‘‘Jari kolourih kotahiu Ahku hihco umba ihkam, tutang jaha ka'a ihkam ngosono Ahku, Pilipus? Ulun ijo jari nohto Ahku, jari ka'a nohto Amai. Koloukuwoh ihko dahpot nuhtui, ‘Pokarahohrih Amai ahkan 'kai’?


Amai! Pohajoohrih Ahku uhuntuh aang Amai, honong kohajo ijo Ahku tepui hihco Amai sounumba kolunon tuh tona'oi.


Tomas nuhtui umba Yesus, ‘‘Tuhan'ku tutang Pohotala'ku!’’


Tuhtui-tuhtui orih nguan dolang pongowasa Yahudi mahi-mahi ngurah jalan ahkan munu Io. Iro nguan orih eam baya kotului Io molanggar hadat agama ondou Sabat, tahpi tului Io nuhtui ijo Pohotala rih Amai-Oh; rimai Io monyama arop-Oh honong Pohotala.


Amai nguanoh rih mangat paring ulun mohoromat Anak kolou iro mohoromatoh Amai. Ulun ijo eam mohoromatoh Anak eam ka'a mohoromatoh Amai ijo nyuhu Anak.


Iro anairih lihit tahkan tahtu ajuh ihto. Kristus socara kolunon asaroh tahkan uhtus iro rih. Io labih isun tahkan paringoh. Tonotararih ahkan Pohotala nyiring turus-jahamoh. Amen.


Hotala ja'at ijo ngowasa kolunon tuh, nuhtup tiruk ulun-ulun ijo eam porocaya rih. Iorih ijo ngapeng-ngahana iro, mangat iro eam nohto koloang tahkan Kabar Hinut rih, tohou kohajon Kristus ijo hosuhtu gambar Pohotala.


Tului ihkam ngota'an tu'u, ijo ihto karas tonokasih kobain Yesus Kristus Tuhan ihto. Io tahtou, tahpi Io nguan arop-Oh monjadi porosbolum ahkan kogunan ihkam, mangat umba koporosbolum-Oh rih ihkam monjadi tahtou.


Pohotala, Lahca kokaron jaman, pahtut tonohoromat tutang tonotara hototurus, kotului Io ijo kototahiu, ijo eam gihtan, tutang tihkas Tukan! Amen.


Eam ihcobehti ka dahpot molawan, eaminon kohajoioh rahasia agaman ihto, Io ngorinah arop a'ang tapan kolunan, tutang tongorinah morong bain Roh Pohotala, hawui gihtan bain dolang molehkat. Borihtaoh uras konahan ang tohun uhtus-uhtus, tutang Io toporocaya ang hopus kolunon tutang konahtang nokuh soruga.


Uhuntuh ihto rahat ngindoi Ondou, ijo ihto paham mohara-harapoh rih; ang Ondou orih rih kolunon ahkan nohto kohajon Yesus Kristus, yorih Pohotala Mahahajo tutang Lahca Ponyolamat ihto.


Io ijo nyingahoh kohajon Pohotala ijo gilang-gomilang; Io rih gambar ijo ngorinah tahkan behtin Pohotala bongoi. Io ka'a ijo mohaga kotehen angpindalangit tuh umba auh-Oh, ijo paham kowasai. Ulijari Io nongajalantou ulun ahkan tomorodehka tahkan dusa-dusan iro, Io monuot ang pododusan pomoretah ang soruga, samasama umba Pohotala, Pongowasa ijo palingdiang.


Tahpi ang uhun Pohotala monyuhu Anak-Oh ijo pongoko nokuh kolunon tuh, Pohotala nuhtui koloutuh, ‘‘Paring molehkat Pohotala, pahtut nyembah Anak rih.’’


Tahpi ahkan Anak rih Pohotala nuhtui, ‘‘Pododusan-Mu yo Pohotala ahkan kototahiu turus-jahamoh! Pomoretah-Mu anairih pomoretah ijo Adil.


Yesus Kristus tohtap sama, pios lomoi, uhuntuh, tutang nyiring turus-jahamoh.


Turus Io nuhtui, ‘‘Jari genep! Ahku rih ijo pahtukoh, tutang ijo laiu; Ahkurih Tuhan tahkan Kopahtuk nyiring Pongolaiu. Nyinong ulun ijo tohjahbolai, ahkan Ahku nonga korih honong cuma-cuma tahkan tohasak danum, ijo nonga pombolum.


Lean sinn:

Sanasan


Sanasan