PILIPI 1:5 - BOWOT BOHUA

⁵ Ahku botorimakasih ahkan Pohotala kotului tahkan ondou pahtukoh nyiring huntuh, ihkam jari dohop ahku mborihta Kabar Hinut tahkan Pohotala.

PILIPI 1:5 Iomraidhean Croise

KESAH RASUL-RASUL 2:42

Hawui kokehtep iro bajar tahkan rasul-rasul rih, tutang toturus hopuhpung hombo-homboh. Iro kuman hombo-homboh tutang bodo'a hombo-homboh.

RUMA 11:17

Ihcokobagi tahkan da'an-da'an zaitun – yorih ulun-ulun Yahudi – ius tonohtok. Tutang ang lohkun tohtok rih nutung umba da'an zaitun himba, yorih Konduang-konduang ijo bohkon uhtus Yahudi. Konduang tonutung ang anan, mangat Konduang nginyam karonaang ijo pios, tahkan pombolum rohani ulun-ulun Yahudi.

RUMA 12:13

Hodohoprih nyukupoh kotahpas ulun-ulun Kristen bohkon tutang nyambangrih Konduang-konduang 'cokoharap ijo eam Konduang ngosonooh, honong sanang ahtoi ang luwang lohpou'kam.

RUMA 15:26

Tului ukup-ukup ang Makedonia tutang Akhaya jari sotuju ahkan nonga pononga ahkan konduang-konduang ijo porosbolum ang louk ukup Pohotala ang Yerusalem.

1 KORINTUS 1:9

Pohotala dahpot tomorocaya labihtuwioh. Iorih Pohotala ijo jari na'ah ihkam ahkan monjadi ihco umba Anak-Oh, iorih Yesus Kristus, Tuhan ihto.

2 KORINTUS 8:1

Konduang-konduang ihkai jolik ihkam ngota'an ka'a, tohou koloukuwoh piosoh Pohotala umba ukup-ukup ang Makedonia.

EPESUS 3:6

Rahasia rih, iorih tuh: Nguha Kabar Hinut rih, ulun bohkon Yahudi umba nginyam borehkat-borehkat Pohotala, ijo lomoi tonahtap tihkas ahkan ulun Yahudi. Ulun-ulun bohkon Yahudi jari monjadi ramu tahkan behti ijo sama, tutang umba norima inon ijo tonobowot Pohotala nguha Kristus Yesus.

PILIPI 1:12

Ahku kani ihkam ngota'an, ijo hal-hal ijo ius nyolung aang ahku, justru kotuluioh labih aro ulun ngonih tutang porocaya ahkan Kabar Hinut rih.

PILIPI 1:16

Ulun-ulun tuh molalusoh tului iro mongasih Pohotala tutang ahku, bain iro ngota'an ijo Pohotala jari nyuhu ahku ahkan mongo ngorinah, ijo Kabar Hinut rih morong.

PILIPI 1:27

Nah, ijo boguna huntuh iorih, ijo ihkam bolum sorurui umba inon ijo tonutut bain Kabar Hinut tohou Kristus rih. Honong kodorih, inonrih ahku dahpot hosombang umba ihkam ata'ai eam, ahku ahkan ngonih ijo ihkam ba'as angkohihco tutang kolahi sama-sama ahkan baya ihco maksud tutang ihco kojolik; yorih ahkan kepercayaan ijo sorurui umba Kabar Hinut tahkan Pohotala rih.

PILIPI 1:7

Puna aang unukoh ahku anai mokomo kolourih toharep ihkam, tului Konduang paringoh toturus doni ang ahtoi'ku. Ka'a bain ihkam umba norima hombo-homboh ahku, pononga ijo Pohotala nonga ahkak'ku, pios huntuh tuh pondehan ahku ang luwang sipir oluka ang ohkot ahku anai ang luar, ahkan mbela tutang tehen nyaksi Kabar Hinut rih.

PILIPI 2:12

Tului orih, Konduang-konduang ijo tonokasih, kolouumoh ihkam toturus te'et umba ahku, aang ohkot ahku anai ang louk ihkam, mahka labi-labih huntuh ang ohkot hokomahcu, hondakrih ihkam tahtap te'et umba ahku. Ihkam ius tonyolamat bain Pohotala, jadi ngurahjalan turus mangat kosanang'kam monjadi soporuna. Nguan ang orih rih honong horomat tutang ponumbun ahkan Pohotala,

PILIPI 2:22

Ihkam bongom ius nohto buktioh ijo Timoteus boguna. Io ius bogawi paham homboh ahku, ahkan mborihta Kabar Hinut tahkan Pohotala. Ihkai duo kolou anak umba amai iou.

PILIPI 4:3

Ahkan jolahak'ku ijo tehen, ahku nyawot ka'a mangat Konduang dohop koduo ulunbawi rih. Iro jari nguan gawiu paham umba ahku ahkan mborihta Kabar Hinut tahkan Pohotala, sama kolou Klemen tutang paring iro bohkon ijo bogawi hombo-homboh ahku. Aran-aran iro anai tonyurat luwang Buhku Ulun Bolum.

PILEMON 1:17

Bain kotului orih, kotului Konduang ngohu ahku jolahan sosama Kristen, torima hoduli Onisimus monjadi kolou Konduang norima ahku.

IBRANI 3:14

Ihto paring anairih injah ihcohokolahi homboh Kristus, asar ihto johcok laiu nambitoh lehket koyakinan ijo ihto tepui tahkan pahtukoh.

2 PETRUS 1:1

Konduang-konduang ijo tu'u-tu'u porocaya kolou ihkai! Yesus Kristus iorih Pohotala, tutang Lahca Ponyolamat ihto, nguandahpot ihto porocaya umba Io, tului Io monguan ijo morong. Surat tuh tahkan Simon Petrus, ijo behti jihpon tutang rasul Yesus Kristus.

1 YOHANES 1:3

Inon ijo jari ihkai nohtooh, orih ka'a ijo ihkai monyiaroh ahkan ihkam, mangat ihkam homboh ihkai umba ngenang pombolum hihco umba Amai, tutang umba Anak-Oh Yesus Kristus.

1 YOHANES 1:7

Tahpi amat ihto bolum ang luwang koloang, koloukuwoh Pohotala anai ang luwang koloang, mahka ihto bolum heret, rukun ihco sama ijobohkon, tutang dahan Yesus, Anak-Oh muhi ihto tahkan kokaro dusa.