PILIPI 1:21 - BOWOT BOHUA

²¹ Tului ahkak'ku, tihtun pombolum aik'ku tihkas Kristus! Tutang mahtoi rimaioh utung.

PILIPI 1:21 Iomraidhean Croise

1 KORINTUS 1:30

Pohotala bongoi ijo napa nyiring Konduang hihco umba Kristus Yesus. Nguha Kristus, ihto monjadi horahti. Tutang nguha Io ka'a Pohotala nguan ihto hokopios hoduli umba arop-Oh, monjadi ihto ukup-Aiu ijo khusus tutang ngoliwus ihto.

1 KORINTUS 3:22

Paulus, Apolos, Petrus, kolunon tuh, pombolum tutang popahtoi, jaman tuh ata'ai ka jaman ijo ahkan lombut, kopari-paringoh anai ain'kam.

2 KORINTUS 5:1

Tului ihkai kota'an ijo amat lohpou – orihrih behti-ijo ihto mohconoh ang kolunon tuh konahkas, Pohotala ahkan nyodia bagi ihto ihco lohpou ang soruga, ijo konuan bain Pohotala bongoi tutang ijo tahan turus-jahamoh.

2 KORINTUS 5:6

Kotului orih ahtoi ihkai hototurus komo ba'as. Ihkai kota'an, ijo kotahin ihkai magun mohcon ang luwang behtin ihkai tuh, ihkai mahcu tahkan lohpou, ijo ahkan ihkai mohconoh homboh Tuhan.

2 KORINTUS 5:8

orih kotuluioh ahtoi ihkai tabah. Ihkai labih jolik bolohkak tahkan behtin ihkai tuh, mangat jeleng mohcon umba Tuhan.

GALATIA 2:20

Uhuntuh bohkon hino ahku ijo bolum, tahpi Kristus ijo bolum luwang behtik'ku. Pombolum tuh ijo ahku ngumangoh huntuh, anairih pombolum bain porocaya umba Anak Pohotala ijo ngasih ahku, tutang ijo jari nyorah arop-Oh, ahkak'ku.

GALATIA 6:14

Tahpi ahku samasino eam kani monamam inon ka, bohkonumba Tuhan ihto Yesus Kristus ijo jari mahtoi tomahpak. Kobain orihrih, kotului Io jari mahtoi tomahpak mahka kolunon eam hino bororima ino-inon bagi'ku. Tutang toharep kolunon tuh, ahku ka'a kolo-kolou ius mahtoi.

PILIPI 1:20

Ijo ahku paham jolik tutang harapoh, iorih mangat ara sasino-sino ahku gagal a'ang tugas'ku. Sabalikoh ahku bokoharap mangat nyinong wayah, ijo mombahtang sino huntuh, ahku honong sikap bohanyi, nyiring hopus homboruak behtik'ku – pios ahku bolum ata'ai ahku mahtoi – Kristus tonohajo.

PILIPI 1:22

Tahpi amat umba pombolum ang kolunon tuh, ahku dahpot nguan gawi ijo labih boguna, mahka ahku eam ta'an, amoh ijo harus ahku mihtih.

PILIPI 1:23

Ahku tonyomba'an tahkan duo pihak. Ahku jolik sino nohtah kolunon tuh, mangat tulak mohcon umba Kristus, kotului orihrih ijo paling pios.

PILIPI 2:21

Paring ijo bohkonoh baya urusan aiu bongoi iou, eam kogunan Yesus Kristus.

KOLOSE 3:4

Nah, tohasak pombolum'kam ijo sojahti orihrih Kristus, tutang amat Io korinah noin, ihkam ka'a ahkan lombut hombo-homboh umba Io a'ang kohajoi-Oh!

PONGORINAH 14:13

Turus ahku ngonih auh tahkan soruga nuhtui, ‘‘Nyuratrih tuh: Nopara huntuh, kosanangrih ulun-ulun ijo mahtoi rahat hino mohalu Tuhan!’’ ‘‘Morong!’’ putah Roh Pohotala. ‘‘Iro ahkan tondo bogawi paham, tului bua pohalu iro, toturus ahkan homboh iro.’’