PILIPI 1:13 - BOWOT BOHUA

¹³ Kojodiaioh, paring ponjaga istana tutang ulun-ulun bohkonoh, ang lowu tuh ngota'an, ijo ahku tonohukum tului ahku mohalu Kristus.

PILIPI 1:13 Iomraidhean Croise

KESAH RASUL-RASUL 26:29

‘‘Aang ohkot ijo iwak ata'ai aang ohkot ijo ombu,’’ hion Paulus, ‘‘ahku bodo'a umba Pohotala, mangat Lahca tutang Tuan-tuan paringoh, ijo ngonih auh tuhtui'ku ondou tuh duon jadi kolou ahku – sobali pasang tuh tontuoh!’’

KESAH RASUL-RASUL 26:31

Ulijari anai ang konaha iro pander hawui aropoh, ‘‘Ulun tuh eam nguan ang'co ijo harus tonohukum umba hukum mahtoi ata'ai tonyihpir.’’

KESAH RASUL-RASUL 28:17

Uliius tolu ondou, Paulus na'ah okon-okon ulun Yahudi ijo bosewut ang anan. Tutang ulimba iro hopuhpung, Paulus hopander umba iro, ‘‘Konduang-konduang! Ahku puna eam bosala ino-inon toharep uhtus ihto, ata'ai molanggar adat kopahtuh ijo ihto norimaoh tahkan tahtu ajuh 'to. Oluka kodorih ahku tuh tonawan ang Yerusalem tutang tonyarah ahkan ulun Ruma.

KESAH RASUL-RASUL 28:20

Tutang orih kotuluioh ahku nyawot hosombang umba ihkam, mangat pande-pander umba ihkam; tului ahku tomasung kotului Ponyolamat ijo tonoharap-harap bain uhtus Israel.’’

KESAH RASUL-RASUL 28:30

Duo toun kotahiuoh Paulus mohcon ang Ruma, ang lohpou ijo tonosewaoh bongoi. Io jorih norima paring ulun ijo lombut masap io, ang unukoh.

EPESUS 3:1

Orih kobainoh ahku, Paulus, tonyihpir kotului Kristus Yesus ahkan gunan ihkam ijo bohkon Yahudi.

EPESUS 4:1

Bain orih ahku – ihcobehti tonahan, ijo tonahan kotului mohalu Tuhan – nyawot hawui paham umba'kam; bolum sorurui umba ponuot'mu, kolou ulun ijo ius tona'ah bain Pohotala.

EPESUS 6:20

Tului Kabar Hinut rih, ahku monjadi ihcobehti duta, tutang huntuh anai ang luwang sipir. Bodo'arih mangat ahku bahanyi mander tohou Kabar Hinut rih, koloukuwoh ahku harus manderoh.

PILIPI 1:30

Huntuh ihkam ka'a homboh umba ahku a'ang kolahi ijo sama iorih ijo ihkam pu'u nohto ahku ngalahioh lomoi, tutang ijo magun ahku tohtap ngalahioh johcok huntuh, kolou ijo ihkam huntuh ius ngonih.

PILIPI 1:7

Puna aang unukoh ahku anai mokomo kolourih toharep ihkam, tului Konduang paringoh toturus doni ang ahtoi'ku. Ka'a bain ihkam umba norima hombo-homboh ahku, pononga ijo Pohotala nonga ahkak'ku, pios huntuh tuh pondehan ahku ang luwang sipir oluka ang ohkot ahku anai ang luar, ahkan mbela tutang tehen nyaksi Kabar Hinut rih.

PILIPI 4:22

Paring ukup Pohotala ang lowu tuh, ijo pahtukoh iro ijo tahkan istana Kaisar, ngirim tabe ahkan ihkam.

2 TIMOTEUS 2:9

Tului mborihta Kabar Hinut orihrih, ahku ngarot; malah nyiring ahku tonoratai kolou 'cobehti ponyilau. Tahpi auh Pohotala eam dahpot tonoratai.