PILIPI 1:11 - BOWOT BOHUA

¹¹ Pombolum'kam ahkan momurai umba karogawi ijo tu'u-tu'u pios, ijo baya dahpot tomutik bain Yesus Kristus bongoi; mahka Pohotala ahkan tonohajo tutang tohonara-nara.

PILIPI 1:11 Iomraidhean Croise

MATEUS 5:16

Kodorih ka'a koloang'kam, harus nyingah ang toharep ulun, mangat iro nohto gawin-gawin'kam ijo pios, turus monara Amai'kam ang soruga.”

YOHANES 15:16

Eam ihkam ijo mihtih Ahku. Ahku tuh ijo ngopili ihkam, tutang nyuhu ihkam tulak mangat ihkam momua aro – bua-bua ijo eam dahpot rusak. Mahka Amai ahkan nonga ahkan'kam inon ka'a ijo ihkam nyawot umba-Oh, ngosan arak-Ku.

YOHANES 15:2

Nyinong da'an aang Ahku ijo eam pomua, tonuhtuh-Oh, tutang nyinong da'an ijo pomua diai honjiot dauioh mangat labih aro hino buaoh.

YOHANES 15:8

Amat ihkam mua aro, Amai-Ku konohajo; tutang honong kodorih ihkam tu'u-tu'u monjadi murid-Ku.

RUMA 15:28

Amat ahku jari ngopah karon-gawik'ku tuh, tutang monyorah ahkan iro ijo ang Yerusalem rih, pononga ijo jari tonipunoh rih, mahka ahku ahkan tulak nokuh lowu Spanyol, nyihing lowun'kam.

RUMA 6:22

Tahpi huntuh ihkam jari konuwatoh tahkan dusa tutang monjadi jihpon Pohotala. Koutungan'mu iorih ijo Konduang bolum khusus ahkan Pohotala tutang hal orih, momuaoh pombolum sojahti tutang kototahiu.

1 KORINTUS 10:31

Inon ka ijo Konduang nguai – Konduang kumai ata'ai Konduang ngorihoh – nguan paringoh orihrih ahkan mohoromat Pohotala.

2 KORINTUS 9:10

Pohotala ijo nyodia bonyi ahkan ulun pongumo, tutang ukun ahkan ihto. Io ka'a ahkan nyodia tutang mopoaro inon jo ihkam noburanoh, mangat bua komorong ahtoi'kam botambah hino.

EPESUS 1:12

Nauhoh ihto, ijo pahtu-pahtukoh bokoharap umba Kristus, monara Pohotala tului kohajoi-Oh!

EPESUS 1:14

Roh orihrih njaminoh ijo ihto ahkan norima inon ijo jari tonobowot Pohotala ahkan ukup-Oh. Tuh nonga koyakinan ahkan ihto ijo Pohotala ahkan momorodehka ukup-Oh. Tonotararih Pohotala kotului kohajoi-Oh!

EPESUS 2:10

Ihto anairih tona'oi Pohotala, tutang nguha Kristus Yesus, Pohotala napa ihto, mangat ihto nguan hal-hal ijo hinut ijo jari tonahtap baiu-Oh ahkan ihto.

EPESUS 5:9

Kobain tahkan koloang rih, lombut karon mahcam angkonuan ijo hinut, bujur tutang tehtek aang topahjah Pohotala.

PILIPI 4:17

Orih eam rimai ahku baya jolik norima pononga. Ijo ahku jolikoh iorih, mangat ahku duon nohto bua-bua ijo mondahang koutung'kam.

KOLOSE 1:10

Honong kolouorih ihkam dahpot bolum numbun konohuang Pohotala, tutang turus monyanang ahtoi-Oh, nyiring a'ang kokaro ang'co ihkam dahpot mohasilrih hal-hal ijo pios. Tutang pongotaan ihkam, tohou Pohotala ka ahkan botambah ka'a.

KOLOSE 1:6

Kabar tahkan Pohotala rih tomborihta nokuh sohopus kolunon, tutang pombolum ulun turus tomborehkat bain kabar rih, sama kolou pombolum'kam tomborehkat, tahkan beteng ihkam ngonih tohou pononganasi Pohotala tutang moro-morong ngumangoh.

2 TESALONIKA 1:12

Honong kodorih Tuhan ihto Yesus Kristus tonohajo bain ihkam, tutang ihkam ka tonohajo bain Yesus, kotului kopios ahtoi Pohotalan ihto tutang Tuhan Yesus Kristus.

TITUS 3:14

Ulun-ulun iro harus bolajar nguan hal-hal ijo pios, mangat duon nyukup koporoluan-koporoluan ijo paham baguna, a'ai nyiring iro bolum eam gunai.

IBRANI 12:11

Puna aang ohkot ihto tongajar, hukum orih eam nyanang ahtoi ihto, molekan baya ngoporos iou. Tahpi pongohino tahkan orih, bagi ihto ijo jari tongajar hukum rih, kotuluirih ihto bolum, numbun konohuang Pohotala, tutang mohasilrih pokomo mangat aang ihto.

1 PETRUS 2:12

Hadatdasar'mu, ang tohun ulun ijo eam kosono Tuhan harusrih labih pios, nyiring amat iro mopitnah ihkam, kolou ulun ja'at, iro ka'a harus ngahku angkonuan'mu ijo pios, nyiring iro ahkan monara Pohotala ang ondou polombut-Oh.

1 PETRUS 2:5

Ihkam kolou bahtu-bahtu ijo bolum. Kobain orih hondakrih, ihkam kani tonohapa bagi pangun Lohpou Pohotala ijo rohani. Honong kolourih ihkam monjadi imam-imam, ijo bolum khusus bagi Pohotala, tutang ijo nguha Yesus Kristus, moposorah ahkan Pohotala, porahpah rohani ijo kokilak ang ahtoi Pohotala.

1 PETRUS 2:9

Tahpi ihkam anai uhtus ijo tonopili, imam-imam ijo mohalu lahca, uhtus ijo borasih, khusus ahkan Pohotala, ukup Pohotala bongoi. Pohotala mitih ihkam, tutang na'ah ihkam soluka tahkan luwang kopindong, ahkan nyolong nokuh luwang koloang-Oh ijo gomilang honong konohuang, mangat ihkam monyiar kabar tohou karon-gawiu-Oh ijo luar biasa.

1 PETRUS 4:14

Ihkam botuah amat ihkam tonohina, kotului ihkam murid Kristus. Orih rimai Roh ijo tohoromat yorih Roh Pohotala anai aang ihko.