PILIPI 1:1 - BOWOT BOHUA

¹ Konduang-konduang ukup Pohotala, paringoh ijo mohcon ang Pilipi, tutang ijo jari hihco umba Kristus Yesus. Ka'a Konduang-konduang okon hawui pondohop ukup! Ahku, Paulus tutang Timoteus karon-jihpon Kristus Yesus,

PILIPI 1:1 Iomraidhean Croise

MARKUS 13:34

Koada'aioh, nindung ihcobehti ulun, ijo nohtah lohpouoh turus tulak nokuh unuk ijo mahcu. Io nyarah ahkan pohalu-pohalu mohaga lohpouoh, tutang nonga karon-gawi ahkan iro nyino-nyinong behti. Ahkan pongindoi bauntukang, io mohtoh ahkan ngindoi moro-morong.

YOHANES 12:26

Ulun ijo kani mohalu Ahku harus ngahasu Ahku; mangat pohalu-Ku duon hihco Ahku, ang umoh Ahku anai. Ulun ijo mohalu Ahku ahkan tonohoromat Amai-Ku.’’

KESAH RASUL-RASUL 1:20

‘‘Tului ang luwang buhku Masmur anai tonyurat koloutuh, ‘Nauh unuk mohconoh monjadi tonih; ara ihcobehti ka mohcon ang loukoh.’ Anai tonyurat koloutuh ka'a, ‘Nauhoh unuk ponuotoh onin bain ulun bohkon.’

KESAH RASUL-RASUL 20:28

Hondakrih ihkam monjaga arop tutang monjaga ka'a sohopus ukup ijo jari tonosarah Roh Pohotala ahkan'kam ahkan tonojaga. Tului ihkam jari konahtang monjadi ponuneng ukup rih. Pios ihkam jorih monjaga ukup Pohotala rih kolou sokahtik monjaga tobiri-tobirioh. Tului Pohotala jari ngonjorian ukup rih aiu-Oh bongoi, nguha popahtoi Anak-Oh bongoi.

KESAH RASUL-RASUL 9:13

Ananias mutah, ‘‘Tuhan ahku jari aro ngonih ulun pander tohou ulun tuh, pahtukoh tohou sorahta-sorahta ijo io nguai tohimo ukup-Mu ang Yerusalem.

RUMA 1:1

Konduang-konduang paring ang Ruma ijo tonokasih Pohotala tutang ijo jari tona'ah Pohotala ahkan monjadi ukup-Aiu. Pohotala jari mitih tutang ngahtang ahku khusus mangat mborihta Kabar Hinut tahkan Pohotala.

RUMA 1:7

Orih kotuluioh ahku nyurat ahkan'kam. Keleh Pohotala Amai ihto, tutang Tuhan Yesus Kristus nonga borehkat tutang kosanang ahkan'kam.

1 KORINTUS 16:10

Amat Timoteus lombut, nyambut io honong pios, mangat io nginyam rajin ang louk ihkam, tului io kolou ahku ka'a bogawi ahkan Tuhan.

2 KORINTUS 1:1

Konduang-konduang ukup Pohotala ang Korintus, tutang sohopus ukup ain Pohotala ijo anai ang Akhaya. Ahku, Paulus, rasul Kristus Yesus ijo tonotuot tului kohondak Pohotala, hombo-homboh umba konduang ihto Timoteus,

GALATIA 1:10

Inonrih umba orih topahjah ahku koloujahka moharap tongahku bain kolunon? Samasino eam! Ahku baya moharaprih pongahkuan tahkan Pohotala. Inonkah ahku rahat bousaha ngomin ahtoi ulun, mangat tongojorih ulun? Amat ahku magun nguan kodorih, ahku eam jihpon Kristus.

GALATIA 3:26

Tului ihkam porocaya umba Kristus Yesus, mahka ihkam hihco umba Io; tutang bain kotului orih ihkam monjadi anak-anak Pohotala.

GALATIA 3:28

A'ang hal tuh, eam hino anai kobohkon holat ulun Yahudi tutang ulun bohkon Yahudi, holat jihpon tutang ulun morodehka, holat ulunbahkas tutang ulunbawi. Konduang paringoh ihco tului Kristus Yesus.

EPESUS 1:1

Ukup Pohotala ang Epesus, ijo bokehtep umba Kristus Yesus!

EPESUS 1:15

Tului rih, tahkan ahku ngonih ijo ihkam porocaya umba Tuhan Yesus, tutang ihkam ngasih paring ukup Pohotala,

EPESUS 6:24

Keleh Pohotala mborehkat Konduang paring, ijo sita Tuhan ihto Yesus Kristus honong asiu ijo eam dahpot bolop. Horomat ihkai, Paulus

PILIPI 2:19

Ahku porocaya ijo umba pandohop Tuhan Yesus ahku jeleng dahpot nyuhu Timoteus nokuh ihkam, mangat ahku dahpot tohibur bain borihta tohou ihkam.

PILIPI 2:5

Kohondakrih ihkam, bo-homboruan kolou Yesus Kristus.

PILIPI 3:12

Ahku eam nuhtui ijo ahku jari bohasir, ata'ai jari monjadi soporuna. Tahpi ahku toturus iou ngurahjalan nyomba'an pononga ijo tonahtap bain Kristus Yesus. Ahkan orihrih Io jari nyomba'an ahku tutang napa ahku aiu-Oh.

PILIPI 3:3

Podahar ihto ulun-ulun ijo jari norima sunat ijo sojahti, bohkon iro. Ihto nyembah Pohotala hawui toniting Roh Pohotala bongoi, tutang ihto norimakasih kotului ihto bolum hihco umba Kristus Yesus. Ihto eam bokuak umba upacara ijo bosipat 'jogihtan.

PILIPI 3:8

Eam baya hal-hal orihrih; tahpi malah hal-hal ijo ahku ngohuoh kolou hal-hal ijo baya morugi iou. Ijo ahku tepui huntuh anairih labih borega, yorih kosono Yesus Kristus, Tuhan'ku. Kotului Kristus, mahka ahku jari molohkakoh paring-paringoh. Ahku ngohu paringoh rih, kolou puhuk iou, mangat ahku tou ngondahpot Kristus,

1 TESALONIKA 1:1

Konduang-konduang ukup ang Tesalonika, ijo monjadi ukup ain Pohotala, Amai, tutang Tuhan Yesus Kristus. Ihkai, yorih Paulus, Silas tutang Timoteus moharap, keleh Pohotala nonga berkat tutang kosanang ahkan ihkam.

1 TESALONIKA 2:2

Ihkam ta'an ijo, sounmba ihkai lombut ahkan'kam ang Tesalonika, ihkai jari tonoporos tutang tonohina ang Pilipi. Tahpi oluka, aro ulun molawan ihkai, Pohotalan ihto jari nonga ihkai kohanyi ahkan mborihta ahkan'kam Kabar Hinut ijo asar-Oh tahkanmba-Oh.

2 TESALONIKA 1:1

Konduang-konduang ukup ang Tesalonika, ijo monjadi ukup ain Pohotala, Amai ihto, tutang Tuhan Yesus Kristus! Ihkai, yorih Paulus, Silas tutang Timoteus,

2 TESALONIKA 1:10

paringohrih ahkan nyolung ang ondou Io lombut noin ahkan tongohajo bain ukup-Oh, tutang ahkan tonohoromat bain paring ulun ijo porocaya. Ihkam ka ahkan anai ang louk ukup ain Pohotala rih, kotului ihkam jari porocaya umba kabar ijo ihkai ngitotoh ahkan'kam.

1 TIMOTEUS 3:8

Pondohop ang ukup harusrih ka'a ulun ijo pios tutang tulus; eam mahta duitan tutang eam jolik ngorih paham aro tuak.

TITUS 1:1

Anak'ku Titus! Ahku, Paulus, nyurat surat tuh kolou jihpon Pohotala tutang rasul Yesus Kristus. Ahku tonopili, tutang tonyuhu, ahkan dohop ulun-ulun ijo tonopili Pohotala, mangat monjadi ba'as a'ang koporocayan iro. Ahku ka'a harus ngagalan iro mangat kosono ajaran ijo morong ijo tongajarrih bain agaman ihto.

TITUS 1:7

Okon ukup, anai ulun ijo hogoguan gawin Pohotala, io eam tou josala-sala. Io eam tou bojuhu, ata'ai ponyingi, ata'ai pobusou, ata'ai jolik hokolahi, ata'ai jolik mahta duitan.

PILEMON 1:1

Konduang Pilemon, jolahan tutang sobat ihkai! Ahku, Paulus, ihcobehti ulun tohukum kotului Kristus Yesus, homboh umba konduang ihto Timoteus, nyurat surat tuh ahkan'mu,

IBRANI 13:23

Kopahtutoh ihkam kota'an ijo konduang ihto Timoteus jari bolua tahkan sipir. Amat io jari nokuh unuk'ku tuh ahku ahkan ngomin io ohkot ahku masap ihkam noin.

YAKOBUS 1:1

Konduang-konduang ukup Pohotala paringoh ijo kosoburan ang sohapus kolunon! Tahbe tahkan ahku, Yakobus, jihpon Pohotala tutang jihpon Tuhan Yesus Kristus.

1 PETRUS 2:25

Lomoi ihkam kolou tobiri ijo lahcat, tahpi huntuh ihkam jari tongomin hoduli ahkan nutut Sokahtik tutang Pongindoi homboruan'mu.

2 PETRUS 1:1

Konduang-konduang ijo tu'u-tu'u porocaya kolou ihkai! Yesus Kristus iorih Pohotala, tutang Lahca Ponyolamat ihto, nguandahpot ihto porocaya umba Io, tului Io monguan ijo morong. Surat tuh tahkan Simon Petrus, ijo behti jihpon tutang rasul Yesus Kristus.

YUDAS 1:1

Konduang-konduang ijo jari tona'ah, tutang ijo paham tonongasih bain Pohotala, Amai, hawui tonojaga bagi Yesus Kristus. Kolou jihpon Yesus Kristus, ahku – Yudas – konduang tahkan Yakobus,

PONGORINAH 1:1

Suang surat tuh tohou inon ijo ngorinah bain Yesus Kristus tohou kojadian-kojadian ijo ahkan nyolung. Pohotala momborihtaoh ahkan Kristus, mangat Io ngorinahoh ahkan jihpon-jihpon Pohotala inon ijo jion harus nyolung. Kristus nyuhu molehkat-Oh nokuh Yohanes, jihpoi-Oh, ahkan momborihta kojadian-kojadian rih ahkaioh.

PONGORINAH 1:20

Tuhrih rahasia tahkan pihtu potion ijo ihko nohto ang longon kotouk-Ku, tutang tahkan pihtu owuh sumbu bulou, orih: Pihtu potion rih iorih molehkat-molehkat kopihtu ukup, tutang pihtu pa'an sumbu rih anairih kapihtu ukup rih.’’

PONGORINAH 19:10

Ahku tosuhkutu'ut ang husuk molehkat rih kani nyembahoh, tahpi io nuhtui umba ahku, ‘‘Ara! Ara nyembah ahku, sembah rih Pohotala! Kotului ahku ka jihpon sama kolou ihko, tutang kolou paring konduang'mu, ijo nambit segah ang kosaksian Yesus.’’ Tului kosaksian Yesus orihrih ijo moilham ulun-ulun ijo monujum.

PONGORINAH 2:12

‘‘Ahkan molehkat ukup ang Pergamus, nyurat koloutuh: Tuhrih pohtoh tahkan Io ijo nambit padang bonjihi ijo hososila.

PONGORINAH 2:8

‘‘Ahkan molehkat ukup ang Simirna, nyurat koloutuh: Tuhrih pohtoh tahkan Io ijo pahtuk tutang ijo laiu ijo jari mahtoi tutang bolum hoduli.

PONGORINAH 22:9

tahpi io nuhtui umba ahku, ‘‘Ara! Ara nyembah ahku! Nyembah iou Pohotala! Kotului ahku ka'a sama kolou ihko, tutang kolou konduang-konduang'mu, nabi-nabi, tutang paring ulun ijo te'et umba pohtoh-pohtoh luwang surat tuh!’’