MATEUS 7:2 - BOWOT BOHUA

² Kotului koloukuwoh ihkam mosara ulun bohkon, kodorih ka'a Pohotala ahkan mosara ihkam. Tutang tihpong ijo ihkam hapa bagi ulun bohkon, ahkan tonohapan ka'a bain Pohotala bagi ihkam.

MATEUS 7:2 Iomraidhean Croise

MATEUS 6:14

Amat ihkam ngapun ulun, ijo bosala umba ihkam, Amai'kam ang soruga ka ahkan ngapun kosalan ihkam.

MARKUS 4:24

Turus Yesus nuhtui hino, ‘‘Nohtoanirih, inon ijo ihkam ngonihoh tuh! Tihpong ijo hapan ihkam nihpong ulun bohkon, ahkan hapan ka'a bain Pohotala ahkan nihpong ihkam – tutang mahi molowi karoi hino.

LUKAS 6:38

Tongarih ahkan ulun bohkon, mangat Pohotala ka'a nonga ahkan'kam; ihkam ahkan norima pononga ijo labih molowi, ijo jari tonakar sito-siton ahkan'kam. Tului tahkar ijo ihkam hapaoh ahkan ulun bohkon, ahkan tohapa Pohotala ahkan'kam.’’

2 KORINTUS 9:6

Ingat! Ulun ijo noburan bonyi honjiot-honjiot, ahkan nipun buaoh ijo honjiot ka'a. Tahpi ulun ijo noburan bonyi aro-aro ahkan nipun buaoh ijo aro ka'a.

YAKOBUS 2:13

Tului Pohotala eam ahkan monunjukoh balos kasih ahkan ulun ijo eam kosono balos kasih. Tahpi balos kasih labih ba'as tahkan hukum!

PONGORINAH 18:6

Nguanohrih io koloukuwoh io jari monguanoh ihkam; malosrih io duo tikat lihpet ahkan paring ijo jari tonguaioh. Nyuang pihkanoh umba korih ijo duo tikat labih kokarasoh tahkanumba korihoh, ijo tonyodiaoh ahkan ihkam.