MATEUS 3:2 - BOWOT BOHUA

² “Hubah tahkan dusa-dusan'kam” hioioh, “tului Pohotala ahkan jion moretah kolou Lahca!”

MATEUS 3:2 Iomraidhean Croise

MATEUS 10:7

Nyiarkabar ahkan'ndo, ijo Pohotala ahkan jeleng moretah kolou Lahca.

MATEUS 11:20

Turus Yesus nopara nosalan lowu-lowu ang umoh Io paling aro nguan tandahelan. Bain ulun-ulun ang lowu-lowu orih eam kani hubah tahkan dusa-dusan'ndo.

MATEUS 12:41

Ang Ondou Kiamat ponduduk Niniwe ahkan bolum huli homboh ulun-ulun jaman tuh, tutang mondawa iro. Bain ulun-ulun Niniwe orih jari hubah, tahkan dusa-dusan'ndo, kotihka Yona ngonorangan ahkan'ndo. Tahpi ang ohtoi, huntuh, anai ijo labih hajo tahkan Yona!

MATEUS 13:11

Yesus mutah, “Tului ihkam ius tononga pononga ahkan ngotaan rahasia tutang koloukuwoh Pohotala moretah, rahatoh iro eam.

MATEUS 13:24

Yesus ngesah hino ihco porobasa ahkan ulun aro, hioi-Oh, “Amat Pohotala moretah, ang-konuai kolou porobasa tuh: Ihcobehti pongumo miwit bonyiu ijo pios ang umoioh.

MATEUS 13:31

Yesus nyorihta hino ijo porobasa ahkan ulun aro, hioioh, “Amat Pohotala moretah ang konuaioh kolou porobasa tuh: Ihco luang sosawi omin bain ihcobehti ulun, turus konombulan ang umoioh.

MATEUS 13:33

Anai ihco porobasa bohkon ijo ngesah Yesus ahkan ulun aro. “Amatmira Pohotala moretah, koada'aioh kolou ragi ijo omin bain ihcobehti ulunbawi, turus pohicooh umba ohpat pulu tahkar golahpung gandum nyiring kamir paringoh!”

MATEUS 13:47

“Amat Pohotala moretah, koada'aioh kolou porobasa umba jala ijo tonimbai nokuh danou, turus ngondahpot aro mahcam ohcin.

MATEUS 13:52

Turus Yesus nuhtui, “Bain orih nyinong guru agama, ijo ius monjadi barih Pohotala, sama umba ihcobehti tepun lohpou mopolua tahkan unuk ponahtouoh, ponahtou-ponahtou bohua tutang usang.”

MATEUS 18:23

Tului amatmira Pohotala moretah koada'aioh kalou a'ang porobasa tuh: Ihcobehti lahca kani molunas utang-utang karo-jihpoioh.

MATEUS 20:1

“Amat Pohotala moretah, koada'aioh kolou porobasa tuh: Ihcobehti tepun pombulan anggur soluka uhun ngohkos ngurah ulun ahkan bogawi ang pombulan angguroh.

MATEUS 22:2

hioi-Oh, “Amat Pohotala moretah, koada'aioh kolou porobasa tuh: Ihcobehti lahca nguan pesta kawin ahkan anakoh.

MATEUS 23:13

“Colahka ihkam guru-guru agama tutang ulun-ulun Parisi! Ihkam guru pura-pura. Ihkam ngapeng ulun monjadi uhkup ain Pohotala. Ihkam bongom eam kani monjadi anak uhkup ain Pohotala, tutang ulun bohkon ijo kani, ihkam ngapengjalaioh. [

MATEUS 25:1

“Amatmira Anak Ulun lombut kolou Tuhan, koada'ai kolou a'ang porobasa tuh: Sopulu anakdara naharang ponganten nyinong-behti ngomin sumbu, turus tulak naharang ponganten bahkas.

MATEUS 25:14

“Amatnoin Anak Ulun lombut kolou Tuhan koada'aioh ka'a kolou a'ang porobasa tuh: Ihcobehti ulunbahkas kani tulak nokuh unuk ijo mahcu. Io na'ah pohalu-pohaluoh, turus nonga kowasa modagang ponahtouoh ahkan'ndo.

MATEUS 4:17

Tahkan ohkot orih Yesus nopara mborihta, “Hubah tahkan dusa-dusan'kam, tului Pohotala ahkan jeleng moretah kolou Lahca!”

MATEUS 4:23

Ang Galilea, Yesus mongodiling ang sohopus tana tutang majar ang lohpau sombayang. Io mborihta Kabar Hinut, ijo Pohotala ahkan moretah. Tutang Io ka'a ngopios ulun-ulun mondam tutang cacat.

MATEUS 5:10

Kosanangsolamat ahkan ulun ijo ngarot koporos tului nambit konohuang Pohotala; iro monjadi anak-ukup ain Pohotala!

MATEUS 5:3

“Kosanangsolamat ahkan ulun, ijo mokomo eam badaya tutang tihkas bohapang ang Tuhan ih; iro rih anai anak-ukup ain Pohotala!

MATEUS 6:10

Ihko Lahcan ihkai. Keleh Ihko moretah ang tana tutang kohondak-Kam tonuhit kolou ang soruga.

MATEUS 6:33

Jadi, ngurahjalan houn, mangat Pohotala moretah ngosan pombolum'kam, tutang nguan iou kohondak-Oh. Mahka paring ijo bohkon, ahkan tononga Pohotala ka'a ahkan'kam.

MARKUS 1:15

Hioi-Oh, ‘‘Pohotala ahkan jeleng moretah. Hubah ihkam tahkan dusa-dusan'kam, tutang porocayarih umba auh Kabar Hinut ijo tahkan Pohotala!’’

MARKUS 1:4

Kolou ijo tonyurat orih, kolouorih rih ka'a lombut Yohanes ang padang balambah. Io mopondus ulun tutang momborihta borihta tahkan Pohotala. “Ihkam harus hubah tahkan dusa-dusan'kam tutang harus ponopondus, mangat Pohotala ngapun ihkam,’’ kolourih hion Yohanes.

MARKUS 6:12

Mahka koduo balas murid Yesus rih hihkas. Iro hihkas monyiar kabar ijo ulun harus hubah tahkan dusa-dusan'ndo.

LUKAS 1:16

Aro ulun Israel tonitingoh buli nokuh Pohotala, Tuhan iro.

LUKAS 11:20

Tahpi Ahku muhko roh ja'at rih umba kowasan Pohotala, tutang orih rimai ijo Pohotala jari nopara moretah ang marak ihkam.

LUKAS 13:3

Samasino eam! Tahpi ingatrih: amat ihkam eam hubah tahkan dusa-dusan'kam, ihkam paring ahkan mahtoi ka'a kolou iro.

LUKAS 13:5

Samasino eam! Sino hino Ahku nuhtui: Amat ihkam eam hubah tahkan dusa-dusan'kam, ihkam paring ahkan mahtoi ka'a kolou iro.’’

LUKAS 15:10

Kolourih ka'a molehkat-molehkat Pohotala paham kojorihoh amat anai ihcoulun ja'at hubah tahkan dusa-dusan iro. Porocaya bewe!’’

LUKAS 15:7

Nah, kolourih ka'a ang soruga anai kojorih ijo paling hajo ahkan ihcobehti ulun bodusa ijo hubah, labih tahkan sioi pulu sioi ulun ijo pios tutang eam gunai hubah.’’

LUKAS 16:30

Tahpi ulun tahtou rih mutah, ‘Orih eam sukup Amai Abraham. Tahpi amat anai ulun mahtoi bolum huli tutang lombut ahkan iro, iro ahkan hubah tahkan dusa-dusan'ndo.’

LUKAS 21:31

Kolourih ka'a amat ihkam nohto hal-hal orih nyolung, ihkam ahkan ta'an ijo Pohotala jeleng ahkan moretah kolou Lahca.

LUKAS 24:47

Ka'a ijo ngosan aran Lahca Ponyolamat rih koharusoh tomborihta ahkan uhtus-uhtus, ijo ulun harus hubah, tutang ijo Pohotala ngapun dusa-dusa. Tutang borihta rih harus tomborihta nopara tahkan Yerusalem.

LUKAS 6:20

Yesus nopahjah murid-murid-Oh, turus nuhtui, ‘‘Kosanangrih ihkam ulun-ulun porosbolum, tului ihkam anairih anak ukup ain Pohotala!

LUKAS 9:2

Pongohuli Io nyuhu iro tulak ngopios ulun ijo poros tutang monyiar borihta tohou koloukuwoh Pohotala moretah kolou Lahca.

KESAH RASUL-RASUL 11:18

Ulirih ngonih auh orih iro eam nosalan io hino. Turus iro monara Pohotala. Iro nuhtui, ‘‘Amat kolouorih ulun-ulun bohkon Yahudi ka tononga kosapet bain Pohotala ahkan hubah tahkan dusa-dusan iro tutang ngenang pombolum ijo sojahti!’’

KESAH RASUL-RASUL 17:30

Wayah kobureng ihto rih jari nolingou bain Pohotala, tahpi huntuh Io nyuhu paring ulun ang hopus kolunon hubah tahkan dusa-dusan iro.

KESAH RASUL-RASUL 2:38

Petrus mutah, ‘‘Hubahrih, tahkan dusa-dusan'kam. Tutang pios ihkam nyinong behti ponopondus aang aran Yesus Kristus mangat dusa-dusan'kam tongapun. Mahka konduang-konduang ahkan norima ponongan Roh Pohotala tahkan Pohotala.

KESAH RASUL-RASUL 20:21

Pios umba ulun-ulun Yahudi oluka umba ulun-ulun uhtus bohkon, ahku toturus nonga pongingat mangat iro hubah tahkan dusa-dusan iro, tutang lombut nokuh Pohotala, hawui porocaya ahkan Tuhan Yesus.

KESAH RASUL-RASUL 26:20

Honong torus-tarang ahku mborihta ahkan ulun-ulun ijo iro harus hubah tahkan dusa-dusan iro tutang nyarah aropoh ahkan Pohotala, honong ngorinah aang pombolum iro, ijo iro jari hubah tahkan dusa-dusan iro. Ahku mborihta hal orih, pahtukoh ang Damaskus, pongohino ang Yerusalem tutang ang sohopus Yudea tutang louk ulun ijo bohkon Yahudi.

KESAH RASUL-RASUL 3:19

Bain tului orih konduang-konduang hubahrih tahkan dusa-dusa'kam tutang buli nokuh Pohotala mangat Io potihou dusa-dusa'kam.

2 KORINTUS 7:10

Tului kosedihan kolou orih momua kohubah ahtoi ijo mopolombut solamat. Tutang ulun eam ahkan monyasal ngosan hal orih. Sobalikoh kosedihan ijo baya sorurui umba kohondak kolunon momua popahtoi.

KOLOSE 1:13

Io jari momorodehka ihto tahkan kowasan kopindong, tutang ngahtun ihto nokuh luwang kolahca'an Anak-Oh ijo tonokasih-Oh.

2 TIMOTEUS 2:25

Io harus bolomu lembai majar ulun-ulun ijo rajin hokolawan; mudah-mudahan Pohotala nonga kosapet ahkan ulun-ulun orih ahkan hubah tahkan dusa-dusan iro, tutang ngosono ajaran ijo morong.

IBRANI 6:1

Kotului rih, olai ihto miar nokuh polajaran-polajaran ijo labih ombu tohou kookooh pombolum Kristen, tutang ara tihkas nuneng ajas-ajas pahtuk ajaran agaman ihto. Ara ihto nokoluli hino ajaran dasar, ijo ulun harus tondo nguan hal-hal ijo eam boguna, tutang harus porocaya ahkan Pohotala,

2 PETRUS 3:9

Tuhan eam borahkah nonga inon ijo jari tonobowot-Oh, oluka anai ihco ngohu kolourih. Sobalikoh Io sabar toharep'kam, kotului Io eam kani ihcobehti ka rusak. Io jolik mangat paring ulun hubah tahkan dusai-dusaioh.

PONGORINAH 2:21

Jari Ahku nongaoh ahkaioh, kosapet ahkan hubah tahkan dusai-dusaioh, tahpi io eam jolik tondo, nguan hal-hal ijo kihal rih.

PONGORINAH 2:5

Tului rih, ingatrih, eam-inon komahcu ihkam jari ngonyahtu! Hubah iou tahkan dusa-dusan'kam rih tutang nguanohrih iou inon ijo ihkam nguaioh pahtuk. Amat eam mahka Ahku ahkan lombut nokuh'kam tutang nyohpit pa'an sumbun'kam rih tahkan unukoh.