MATEUS 13:3 - BOWOT BOHUA

³ Turus Yesus majar aro hal ahkan'ndo hapan porobasa. “Ihcobehti ulun pongumo tulak nuhkan bonyiu,” kodorih hion Yesus nopara kesah-Oh.

MATEUS 13:3 Iomraidhean Croise

MATEUS 13:4

“Kotihka uhun nuhkan, anai bonyi torotuhkan ang tohun jalan. Turus bulung lombut tutang bonyi orih iro kumai nyiring lingih.

MATEUS 13:53

Ulirih Yesus umbot mongesah porobasa rih, Io nohtah unuk orih,

MATEUS 22:1

Yesus bopander hino umba ulun aro honong hapan porobasa,

MATEUS 24:32

“Ngomin rih sutu ajaran tahkan pu'un sikun. Amat pahting-pahtingoh nyuluh tutang bolomu, tutang nopara nyohondik, ihkam kota'an ijo musim notang jari doni.

MARKUS 12:1

Pongohino Yesus nopara bopander honong porobasa ahkan imam-imam kopala, guru-guru agama tutang okon-okon Yahudi rih. Yesus nuhtui, ‘‘Anairih ihcobehti ulun, ijo ngombulan ihcokolambar kombulan anggur, turus kehpan pahkotoh ang kodilingoh. Ulilimbah rih io ngali lowong unuk pokakas mohahpit anggur rih, turus io nombok ihco lohpou jaga. Ulilimbah rih io posewa pombulan anggur rih, ahkan pira-pira ponggawihasil, turus io tulak nokuh lowu bohkon.

MARKUS 12:12

Mahka dolang bosewut uhtus Yahudi, ijo ngonih porobasa rih, ngurah jalan nawan Yesus, tului iro kota'an porobasa rih, tonituoh Yesus ahkan iro. Tahpi iro mihkoh ulun aro. Jadi, iro tulak nohtah Yesus.

MARKUS 3:23

Mahka Yesus na'ah ulun aro rih, tutang monyorihta ahkan'ndo hapan pira-pira porobasa. ‘‘Koloukuwoh tou roh ja'at muhko roh ja'at,’’ hion Yesus.

MARKUS 4:13

Pongohuli Yesus nuhtui umba iro, ‘‘Amat ihkam eam horahti porobasa rih, koloukuwoh ihkam horahti porobasa-porobasa ijo bohkon?

MARKUS 4:33

Kolouorih Yesus majar ulun honong hapa aro porobasa kolou rih, komahcu umoh iro duon horahti.

LUKAS 12:41

‘‘Tuhan, inon polajaran rih Tuhan nituoh ahkan ihkai ata'ai umba paring ulun?’’ hion Petrus.

LUKAS 8:10

Yesus mutah, ‘‘Ihkam jari tononga pononga ahkan ngota'an ijo bokulim, tohou koloukuwoh Pohotala moretah kolou Lahca. Tahpi ulun-ulun bohkon tongajar umba porobasa, mangat iro nohtoanioh, tahpi eam ta'an inon ijo nyolung; tutang iro ngonih, tahpi eam solembang.’’

YOHANES 16:25

‘‘Paringoh tuh Ahku nuhtui ahkan'kam umba tindung. Tahpi ahkan johcok ohkotoh, Ahku eam hapan tindung hino, tahpi nuhtui torus-torang ahkan'kam tohou Amai.