MATEUS 10:2 - BOWOT BOHUA

² Aran koduo balas rasul rih, iorih: Pahtukoh Simon (ijo konohawot ka'a Petrus) tutang konduangoh Andreas, turus Yakobus tutang konduangoh Yohanes, iro rih anak-anak Sebedeus.

MATEUS 10:2 Iomraidhean Croise

MATEUS 17:1

Onom ondou pongohino, Yesus ngomin Petrus tutang Yakobus tutang konduangoh Yohanes, bongon'ndo nokuh ihco pupung puruk ijo isung.

MATEUS 20:20

Pongohino oruh Sebedeus lombut honong anak-anakoh nokuh Yesus. Ang toharop Yesus io nyembah tutang nyawot angihco.

MATEUS 26:37

Turus Yesus ngomin Petrus tutang koduo anak Sebedeus tulak homboh umba Io. Io nopara nanyam ngoli tutang bolisah.

MATEUS 4:18

Kotihka Yesus beteng nyalan ang saran Danou Galilea, Io nohto duo behti pongohcin, iorih Simon (ijo pongo hino konohawot ka'a Petrus) doro arioh Andreas. Iro beteng nawan ohcindanum ang danou rih umba jala.

MATEUS 4:21

Yesus nyalan turus, turus nohto hino duo behti ulun hokonduang ijo bohkon, iorih Yakobus tutang Yohanes anak-anak Sebedeus. Iro hihco hombo-homboh umba amai'ndo, rahat ngorong jala ang luwang alut, Yesus na'ah iro ka'a,

MARKUS 1:29

Yesus tutang murid-murid-Oh nohtah lohpou sombayang rih, tutang tulak nokuh lohpou Simon tutang Andreas. Yakobus tutang Yohanes tulak ka'a homboh iro.

MARKUS 13:3

Pongohuli Yesus hihkas nokuh Puruk Zaitun, tutang tuot ang unuk ijo hotohimo umba Lohpou Tuhan. Turus Petrus, Yakobus, Yohanes tutang Andreas lombut nokuh Io mangat bopander umba Io cara bongon.

MARKUS 6:30

Rasul-rasul ijo sonuhu bain Yesus rih, pongohuli buli hino, tutang hihco umba Yesus. Iro nyorihta ahkan Yesus paring ijo jari iro nguai tutang majaroh.

LUKAS 11:49

Orih tuluioh, Kopihtar Pohotala nuhtui, ‘Ahku ahkan ngirim ahkan iro nabi-nabi tutang suruhan-suruhan-Ku; tongai tomunu tutang tongai tonoporos!’

LUKAS 22:14

Kotihka jari ohkotoh ahkan kuman ukun Paska rih, Yesus tuot homboh murid-murid-Oh ang unuk ukunpesta rih.

LUKAS 22:8

Mahka Yesus nyuhu Petrus tutang Yohanes, ‘‘Tulak'kam nyodia ukun Paska ahkan ihto.’’

LUKAS 5:10

Kolourih ka'a umba injah-jolahan Simon, iorih Yakobus tutang Yohanes, anak-anak Sebedeus. Yesus nuhtui umba Simon, ‘‘Ara mihkoh! Nopara uhuntuh, ihko ahkan monjadi ponjala ulun.’’

LUKAS 9:10

Rasul-rasul Yesus buli tutang nyorihta ahkan Yesus paring ijo iro jari nguaioh. Yesus nakihit iro, turus tulak hombo-homboh, iro bongon'ndo nokuh lowu Betsaida.

YOHANES 12:22

Mahka Pilipus tulak nuhtui hal orih ahkan Andreas, tutang pongohuli iro duo monyorihtaohrih ahkan Yesus.

YOHANES 13:23

Murid ijo tongasih Yesus, tuot ang silan Yesus.

YOHANES 20:2

Mahka io nokoru ngurah Simon Petrus tutang murid ijo unuk sitan Yesus, tutang nuhtui umba iro, ‘‘Tuhan jari kononin ulun tahkan tanom tutang ahku eam ta'an ang umoh Io toniwa.’’

YOHANES 21:2

Ihco ondou Simon Petrus, Tomas ijo konohawot hotahtup, Natanael tahkan Kana ang Galilea, anak-anak Sebedeus, tutang duo murid Yesus ijo bohkonoh rahat hopuhpung.

YOHANES 21:20

Kotihka Petrus ngulos, Petrus nohto ang lihkutoh murid ijo tonokasih Yesus. (Io ijo tuot doni Yesus beteng'ndo kuman tutang ijo ngisok umba-Oh, ‘‘Tuhan, iai ijo ahkan ngarana Tuhan?’’)

YOHANES 21:24

Murid orihrih ijo nonga kosaksian tohou ang'conyolung-ang'conyolung tuh. Iorih ka'a ijo jari monyuratoh. Tutang ihto ta'an ijo inon ijo tonuhtuioh rih morong.

YOHANES 6:67

Turus Yesus ngisok umba koduo balas murid-Oh, ‘‘Inonrih ihkam ka'a kani nohtahoh Ahku?’’

YOHANES 6:70

Yesus mutah, ‘‘Eamkah Ahku ijo ngopili ihkam duo balas behti tuh? Mahka ihcobehti ang louk ihkam anairih sehtan!’’

YOHANES 6:71

Ijo konohuang Yesus iorih, Yudas anak Simon Iskariot. Kotului, oluka Yudas ihcobehti tahkan koduo balas murid Yesus, io ahkan ngarana Yesus.

YOHANES 6:8

Ihcobehti murid Yesus ijo bohkon, iorih Andreas, konduang Simon Petrus, nuhtui,

KESAH RASUL-RASUL 1:13

Ang Yerusalem iro tulak nokuh lohpou unuk iro nginap, turus nuhkat nokuh tahkun ijo ang diang. Rasul-rasul rih, iorih Simon Petrus tutang Yohanes, Yakobus tutang Andreas, Pilipus tutang Tomas, Bartolomeus tutang Mateus, Yakobus anak Alpeus, Simon Patriot tutang Yudas anak Yakobus;

KESAH RASUL-RASUL 1:26

Uliorih koduo aran rih tonenung, turus tenung ngonyahtu buah Matias. Jadi io ponotuot monjadi rasul ahkan umba hombo-homboh kosobalas rasul ijo bohkonoh rih.

KESAH RASUL-RASUL 12:2

Ngosan poretahoh Yakobus, konduang Yohanes tomunu umba padang.

KESAH RASUL-RASUL 3:1

Ang ihco ondou Petrus tutang Yohanes tulak nokuh Lohpou Tuhan aang jam tolu sohit iorih rahat ulun ohkot unuk bodo'a.

1 KORINTUS 15:7

Uliorih Kristus ngorinah arop ka'a ahkan Yakobus tutang pongohino ahkan paring rasul.

EPESUS 4:11

Iorih ijo ‘‘nonga pononga-pononga ahkan kolunon’’; 'cokobarih tonuot-Oh monjadi rasul, ijo bohkon monjadi nabi, ijo bohkon hino monjadi pomborihta Kabar Hinut rih, tutang ijo bohkon hino tonuot-Oh monjadi guru-guru tutang pohaga ukup.

IBRANI 3:1

Konduang-konduang sosama Kristen ijo jari tona'ah ka'a bain Pohotala! Cuba nirukrih timbon-timbon tohou Yesus tuh! Pohotala nyuhu Io khusus, ahkan monjadi Imam Hajo a'ang agama ijo ihto nambit.

1 PETRUS 1:1

Konduang-konduang ukup ponitih Pohotala, ijo bororawu ang ponomuoi ang tana Pontus. Galatia, Kapadokia, Asia tutang Bitinia! Ahku Petrus rasul Yesus Kristus, moharap, keleh Pohotala nonga berkat tutang kosanang ahkan'mu nyiring momujar-mujar. Ihkam ponitih monjadi ukup Pohotala, tohorong umba rancana Pohotala, Amai. Tutang Roh Pohotala jari monjodian ihkam ukup ijo borasih, khusus ahkan Pohotala, mangat ihkam te'et umba Kristus tutang tonomuhi bain daha-Oh.

2 PETRUS 1:1

Konduang-konduang ijo tu'u-tu'u porocaya kolou ihkai! Yesus Kristus iorih Pohotala, tutang Lahca Ponyolamat ihto, nguandahpot ihto porocaya umba Io, tului Io monguan ijo morong. Surat tuh tahkan Simon Petrus, ijo behti jihpon tutang rasul Yesus Kristus.

2 YOHANES 1:1

Ahkan Ine ijo tonopili bain Pohotala, tutang ahkan anak-anak Ine. Surat tuh tahkan ahku, ponotua ukup ijo tu'u-tu'u ngasih ihkam. Eam tihkas ahku tahpi paring ulun ijo ngosono Pohotala ijo morong, ijo ngasih ihkam ka'a.

3 YOHANES 1:1

Konduang Gayus ijo tonokasih! Ahku okon ukup, ijo tu'u-tu'u mongasihi'ko,

PONGORINAH 1:1

Suang surat tuh tohou inon ijo ngorinah bain Yesus Kristus tohou kojadian-kojadian ijo ahkan nyolung. Pohotala momborihtaoh ahkan Kristus, mangat Io ngorinahoh ahkan jihpon-jihpon Pohotala inon ijo jion harus nyolung. Kristus nyuhu molehkat-Oh nokuh Yohanes, jihpoi-Oh, ahkan momborihta kojadian-kojadian rih ahkaioh.

PONGORINAH 1:9

Ahku Yohanes, konduang'mu ijo sonasib umba ihkam a'ang karot, ijo tonyuru nyinong murid Kristus. Ihto tabah angkokarot kolou ukup aiu-Oh. Ahku todian nokuh Pulou Patmos tului ahku monyiar pohtoh tahkan Pohotala, ijo konoba'as bain Yesus nguha kosaksian-Oh.

PONGORINAH 18:20

Oh soruga, jori-jorih iou ihko ngosan kolonyuh lowu hajo rih! Oh ukup Pohotala, rasul-rasul tutang nabi-nabi jori-jorih iou! Kotului Pohotala jari mohukum io, kolou pombalos ngosan inon ijo tononguaioh toharep ihkam!

PONGORINAH 22:8

Ahku Yohanes jari ngonih paringoh tuh. Uli ahku jadi ngonih tutang nohtooh, ahku suhkuntu'ut ang boun molehkat rih, ijo jari ngorinah paringoh rih ahkak'ku, tutang ahku hondak nyembah io,