LUKAS 9:44 - BOWOT BOHUA

⁴⁴ ‘‘Nohtoani pio-pios tutang ara nolingou tuhtui-tuhtui-Ku tuh: Anak Ulun ahkan tonosorah, ahkan kowasan kolunon.’’

LUKAS 9:44 Iomraidhean Croise

MATEUS 16:21

Nopara tahkan ohkot orih, Yesus nuhtui turus tarang ahkan murid-murid-Oh, ijo Io harus tulak nokuh Yerusalem tutang nyuru aro ngarot tahkan okon-okon, imam-imam kopala, tutang guru-guru agama. Io ahkan buah punu, tahpi ang ondou kotolu Io ahkan bolum hoduli.

MATEUS 26:2

“Ihkam kota'an duo ondou hino Ondou Hajo Paska, tutang Anak Ulun ahkan tonyarah ahkan tonahpak ang sopolahki!”

MARKUS 8:31

Ulioh rih, Yesus nopara majar murid-murid-Oh ijo Anak Ulun musti ngarot aro, tutang ahkan tonolawan bain okon-okon, imam-imam kopala, tutang guru-guru agama. Io ahkan tomunu, tahpi aang ondou tolu Io ahkan bolum hoduli.

MARKUS 9:31

kotului Io beteng majar murid-murid-Oh, ‘‘Anak Ulun ahkan tonyarah nokuh kowasan kolunon,’’ kolourih hion Yesus, ‘‘tutang Io ahkan tomunu, tahpi aang ondou ijo kotolu Io ahkan tonombolum!’’

LUKAS 1:66

Paring ulun ijo ngonih hal orih ngisok a'ang ahtoi'ndo, ‘‘Jarian inonrih anak rih noin?’’ Tului Tuhan homboh io.

LUKAS 18:31

Yesus muhpung koduo balas murid-Oh bongon'ndo, turus nuhtui, ‘‘Ngonihoh tuh! Ihto huntuh nitu Yerusalem. Ang anan, paring ijo sonurat nabi-nabi tohou Anak Ulun ahkan nyolung.

LUKAS 2:19

Tahpi Maria ngina paring auh rih ang luwang ahtoioh tutang ngumangoh.

LUKAS 2:51

Pongohuli Yesus buli homboh iro nokuh Nasaret, tutang te'et umba iro. Paring hal orih ngina bain inai-Oh ang luwang ahtoioh.

LUKAS 24:44

Uliorih Io nuhtui ahkan'ndo, ‘‘Tuhrih hal-hal ijo jari Ahku manderoh ahkan'kam ohkot Ahku magun hihcoumba ihkam: ijo nyinong hal ijo tonyurat tohou Ahku aang buhku-buhku Museh, tutang nabi-nabi tutang Masmur, harus nyolung.’’

LUKAS 9:22

Yesus nuhtui ka'a, ‘‘Anak Ulun puna harus aro konoporos tutang konolawan bain okon-okon, tutang imam-imam kopala, tutang guru-guru agama. Io ahkan tomunu, tahpi a'ang ondou tolu ia ahkan tonombolum hoduli.’’

YOHANES 16:31

Yesus mutah auh'ndo, ‘‘Jadi porocayalah ihkam huntuh?

YOHANES 16:4

Tahpi huntuh Ahku nuhtui rih ahkan'kam, mangat amat orih nyolung noin, ihkam mongingat ijo Ahku jari mborihtaohrih ahkan ihkam.’’ ‘‘Hal tuh eam Ahku mborihtaoh ahkan'kam tahkan pahtukoh, kotului Ahku magun hihcoumba ihkam.

YOHANES 19:11

Yesus mutah, ‘‘Amat Pohotala eam nonga kowasa rih ahkan'mu ihko samasino eam tepun kowasa ngosan Ahku. Tului orih ulun ijo nyarah Ahku ahkan'kam, labih hajo dusaioh tahkanumba ihko.’’

KESAH RASUL-RASUL 2:23

Hosorurui umba rancana-Oh bongoi, Pohotala nuhkas ahkan nyorahoh Yesus ahkan'kam. Tutang kotihka Io tonyarahoh, ihkam munu Io honong mohonou ulun-ulun ja'at mahpak Io.

IBRANI 2:1

Orihrih kotuluioh ihto harus labih tu'u-tu'u nambit aang ajaran-ajaran ijo jari ihto ngonihoh, mangat ihto ara nohtah koporocayan ihto.