LUKAS 9:32 - BOWOT BOHUA

³² Aang ohkot rih Petrus tutang karon-injahoh tiruh, tahpi songola monyun, nohto Yesus boloang tutang duo behti rih tombok umba Io.

LUKAS 9:32 Iomraidhean Croise

MARKUS 14:40

Ulimba Io hoduli hino nokuh murid-murid-Oh, tutang nyombang iro magun ka'a tiruh, tului iro karas nundu. Mahka iro eam ta'an inon ijo harus iro nuhtuioh ahkan Yesus.

YOHANES 1:14

Auh jari monjadi ulun, Io mohcon ang louk ihto, tutang ihto jari nohto kohajoi-Oh. Kohajoi orih tonorima-Oh kolou anak tukan Amai. Nguha Io ihto nohto Pohotala tutang kasih-Oh ahkan ihto.

YOHANES 17:24

Amai, Ahku jolik mangat iro, ijo Amai nongaoh ahkak-Ku, anai hihco Ahku ang unuk Ahku anai, mangat iro nohto kohajon aik-Ku; iorih kohajon ijo Amai nongaoh ahkak-Ku, kotului Amai ngasih Ahku sounumba kolunon tuh tona'oi.

2 PETRUS 1:16

Ang ohkot ihkai momborihta ahkan'kam, eaminon kohajoioh polombut Tuhan ihto Yesus Kristus, ihkai eam bohahpang aang dongeng-dongeng kabar-alik bain kolunon. Kohajon Yesus Kristus rih jari ihkai nohtooh umba mahta kuhung bongon.

1 YOHANES 3:2

Konduang-konduang ijo tonyita! Ihto huntuh anairih anak-anak Pohotala, tahpi koada'an ihto noin, jaha korinah. Tahpi ihto ta'an ijo amat Kristus lombut, ihto ahkan nyolung kolou Io, kotului ihto ahkan nohto Io a'ang koada'an-Oh ijo komorongoh.