LUKAS 9:21 - BOWOT BOHUA

²¹ Turus Yesus nuhtui umba murid-murid-Oh, ‘‘Ara samasino nyorihta hal rih ahkan iai ka.’’

LUKAS 9:21 Iomraidhean Croise

MATEUS 16:20

Uliorih rih Yesus mopingat murid-murid-Oh, mangat iro eam nyiaroh ahkan iai ka ijo Iorih Lahca Ponyolamat.

MATEUS 17:9

Ohkot endo nosuluh tahkan pupungpuruk rih, Yesus mopingat endo, “A'ai momborihta ahkan ia-iai ka inon ijo ihkam nohtooh nanai, sounumba Anak Ulun tongomonyun tahkan popahtoi.”

MATEUS 8:4

Turus hion Yesus umba io, “Ingat! A'ai nyorihta ahkan ia-iai ka'a. Tahpi tulak nokuh imam, tutang nyawot ang io ahkan kopastianoh ihko jari pios. Uliorih nonga pononga ijo tomoretah Museh, kolou bukti ahkan ulun-ulun ijo ihko tu'u-tu'u jari pios!”

MATEUS 9:30

Mahka iro tou nohto. Yesus pingat iro honong karas, mangat ara monyiar borihta hal orih ahkan iai ka'a.