LUKAS 8:22 - BOWOT BOHUA

²² Ang sino ondou Yesus tutang murid-murid-Oh jahkat alut. ‘‘Olai, ihto tulak nokuh pohoi danou,’’ hion Yesus umba iro. Mahka iro turus ka'a tulak.

LUKAS 8:22 Iomraidhean Croise

MATEUS 14:22

Uliorih rih Yesus nyuhu murid-murid-Oh jahkat alut tutang houn mihtah danou, pondehan Io nyuhu ulun aro rih buli.

MATEUS 8:18

Tohko aro samasino ulun ang kodiling Yesus. Ohkot Yesus nohto iro paringoh. Io nyuhu murid-muridoh mitah danou.

MARKUS 5:21

Yesus buli hino nokuh pohoi danou. Ang saran danou rih aro ulun lombut hokorumbung ang kodiling Yesus.

MARKUS 6:45

Uliorih Yesus jeleng nyuhu murid-murid-Oh tulak hapan alut nosolu Io nokuh Betsaida ang pohoi danou, pondehan orih Io nyuhu ulun-ulun buli nokuh unukoh.

MARKUS 8:13

Turus Yesus nohtah iro, tutang turus jahkat ahkan luwang alut; pongohuli tulak mihtah nokuh pohoi danou rih.

LUKAS 5:1

Aang ihco ohkot, Yesus tombok ang saran Danou Genesaret. Aro ulun hokosihki-kupuroh ahkan ngonih borihta tahkan Pohotala.

LUKAS 8:23

Aang ohkot iro rahat bolayar, Yesus tiruh. Songela bahiu bolowut paham napuh danou rih. Danum nopara nyolong nokuh luwang alut nyiring mocolahka iro paringoh.

LUKAS 8:33

Mahka roh-roh ja'at rih soluka tahkan ulun rih, tutang nyolong koluwang kawan urak rih. Turus urak-urak rih nokoru tutang nomarang tahkan saran korong nokuh luwang danou, pongohino bolonyot.

YOHANES 6:1

Papira ohkot pongohuli Yesus tulak nokuh pohoi Danou Galilea, ijo konohawot ka'a Danou Tiberias.

KESAH RASUL-RASUL 27:2

Ihkai jahkat kapal ijo lombut tahkan Adramitium, pongohuli tulak homboh kapal rih, ijo ius sodia tulak bolayar nokuh polobuhan-polobuhan ang Propinsi Asia. Aristarkhus ihcobehti tahkan Makedonia ijo lombut tahkan Tesalonika, bolayar ka'a hombo-homboh ihkai.