LUKAS 8:13 - BOWOT BOHUA

¹³ Bonyi ijo tonuhkan ang unuk ijo bobahtuliang, nindung ulun ijo aang ohkot ngonih Kabar Hinut rih, norimaoh hawui sanang ahtoi. Tahpi Kabar Hinut rih eam muhat timbon ang ahtoi'ndo. Iro porocaya honjulu iou, tutang ang ohkot tihkas lombut, iro murtad.

LUKAS 8:13 Iomraidhean Croise

MARKUS 6:20

Tului Horodes nyuhu ulun monjaga Yohanes bua-buah ahkan kosolamatan Yohanes ang sipir, tului io mihkoh umba Yohanes. Io kota'an Yohanes ihcobehti ulun morong ijo sonuhu bain Pohotala. Tutang puna, amat Yohanes nuhtui, Horodes jorih ka'a ngonihoh, oluka io toturus golisah samasino kotuluioh.

LUKAS 8:12

Bonyi ijo nuhkan aang jalan nindung ulun-ulun ijo ngonih auh orih. Tahpi Sehtan lombut tutang nahkou auh orih tahkan ahtoi iro, ahkan iro ara porocaya tutang tonyolamat.

LUKAS 8:14

Bonyi ijo nuhkan ang tohun ruwut duhi nindung ulun ijo ngonih Kabar Hinut rih, tahpi mihkoh tohou pombolum'ndo, hawui jolik bolum molowi tutang sanang ang luwang kolunon tuh. Paringoh mohahpit ahtoi'ndo nyiring eam aro momua bua ihco jadi.

YOHANES 15:2

Nyinong da'an aang Ahku ijo eam pomua, tonuhtuh-Oh, tutang nyinong da'an ijo pomua diai honjiot dauioh mangat labih aro hino buaoh.

YOHANES 15:6

Ulun ijo eam tohtap hihco honong Ahku ahkan ndian kolou da'an, turus jadi koring. Da'an-da'an ijo kolouorih ahkan tonipun tutang tonyakah nokuh baho turus bopahpong.

YOHANES 5:35

Yohanes rih sama umba sumbu ijo honjala tutang ngorolondang koloangoh. Bagi pondehan ohkot ihkam sanang norimaoh koboloang rih.

1 KORINTUS 13:2

Oluka ahku ahpik nyiar borita tahkan Pohotala rih, tutang horahti paring hal ijo timbon-timbon, tutang ngota'an kokaro aang'co hawui paham porocaya umba Pohotala, nyiring dahpot nguan puruk bokisat tahpi ahku eam ngasi ulun-ulun bohkon, mahka ahku eam aro rimai ino-inon!

1 KORINTUS 15:2

Amat ihkam nambit tehen, aang inon ijo ahku mborihtaoh rih, mahka Kabar Hinut rih monyolamat ihkam; kocoali amat Konduang porocaya earo horahtioh.

GALATIA 3:1

Konduang-konduang ulun-ulun Galatia! Ihkam kotu'ui uong! Inonrih ihkam jari kona pongaroh iai? Pompahtoi Kristus ang sopolahki jari ahku monarangoh hawui botarang-tu'uoh ahkan'kam.

GALATIA 3:4

Ngahus iourih paring ijo ihkam ngomooh rih? Ombairih ngahus!

EPESUS 3:17

Keleh kotului ihkam porocaya umba Kristus, Kristus mohcon ang luwang ahtoi'kam tutang pombolum'kam hogalang tutang konowasa kobain kasih.

KOLOSE 1:23

Tahpi kopunai ihkam harus tohtap te'et porocaya tutang tombok tehen aang koporocayan'kam. Ara nyiring ihkam molohkak koharap ijo jari tononga ahkan'kam, kotihka ihkam norima Kabar Hinut tahkan Pohotala. Kabar rih jari tomborihta ahkan nyinong ulun ang hopus kolunon. Tutang ahkan orihrih ka'a ahku Paulus jari monjadi pohalu.

KOLOSE 2:7

tutang muhat ang a'ang Io. Kohondakrih ihkam nombok pombolum'kam umba Kristus kolou galangoh. Kohondakrih ihkam mahi porocaya umba Kristus, numbun inon ijo jari tongajar ahkan'kam. Tutang hondakrih ahtoi'kam nopusak-pusak hawui ngohawot torimakasih.

1 TESALONIKA 3:5

Orihrih kotuluioh ahku nyuhu Timoteus, tului ahku jolik sasino ta'an koloukuwoh komiar'kam a'ang porocaya umba Kristus. Ahku mihkoh Sehtan bohasir nihkos ihkam nyiring paring koheka kouyuh ihkai monjadi ngahus.

1 TIMOTEUS 1:19

Hokolahi sambil nambit aang koporocaya ijo morong tutang umba ahtoi bua ijo borasih. Anai ulun-ulun ijo eam poduli ahkan auh ahtoi buaoh, nyiring lonyuh koporocayaan iro.

IBRANI 10:39

Ihto tuh eam ukup ijo undur tutang lahcat. Tombalikoh, anairih ukup ijo porocaya umba Pohotala tutang ijo tonyolamatoh.

YAKOBUS 2:26

Nah, koloukuwoh behti eam-anai roh anai rih behti ijo mahtoi, kolourih ka'a koporocaya eamanai gawiu iorih porocaya ijo mahtoi.

2 PETRUS 2:20

Ulun ijo ngosono Tuhan tutang Ponyolamat ihto Yesus Kristus, jari morodehka tahkan kowasan-kowasan kolunon ijo nyowui ulun. Tahpi amat pongohino io tojorat huli, nyiring tonokalah bain kowasa-kowasa rih, mahka akibat ulun rih ang laiuoh, labih ja'at tahkan io hounumbaoh.

2 PETRUS 2:22

Inon ijo iro nguaioh, mombukti komorong paribasa tuh, ‘‘Asu ahkan kuman hoduli inon ijo jari tonguhtaoh,’’ tutang ‘‘Urak ijo jari tonopondusoh, ahkan huli ngolobangan ang luwang luhtak.’’

1 YOHANES 2:19

Musuh-musuh Kristus rih, anairih ulun-ulun ijo jari nohtah ihto, tului iro kotu'uioh puna eam ulun-ulun ihto. Amat iro ulun-ulun ihto, tontu iro tahtap hihco umba ihto. Tahpi iro nohtah ihto, mangat korinahrih ijo eam ihcobehti ka tahkan iro, ijo tu'u-tu'u barihihto.

YUDAS 1:12

Aang ohkot ihkam napa pesta ukun, hadat ulun-ulun rih mombusou ang marak ihkam. Tului iro kuman hawui kobongo eam aro mia-mia, tutang tihkas kogunan aropoh bongoi. Iro kolou baunondou ijo tonahpi bain bahiu, tahpi eam mosuluh uhjan. Iro ka'a kolou pu'un ijo eam mohasil bua, oluka musim bua-mamua, pu'un-pu'un ijo jari tojawut uhatoh tutang jari mahtoi samasino.