LUKAS 7:9 - BOWOT BOHUA

⁹ Yesus helan ngonih orih. Io ngulos tutang nuhtui umba ulun aro ijo rahat nuhtut Io, ‘‘Eam inon ulun tuh. Ang louk uhtus Israel ka jaha pu'u Ahku nyombang koporocaya kohajon tuh!’’

LUKAS 7:9 Iomraidhean Croise

MATEUS 15:28

Turus Yesus nuhtui umba io, “Inai, tu'u-tu'u hajo kaporocaya'an'mu! Nauhoh nyolung inon ijo ihko jolikoh!” A'ang kotihka rih ka'a anak bawi rih pios.

MATEUS 8:10

Ohkot Yesus ngonih inon ijo tonuhtui bain porowira rih, Io helan samasino. Turus Io nuhtui ahkan ulun-ulun ijo anai homboh Io, “Eam inon ulun tuh. Ang louk ulun Israel ka jaha pu'u Ahku nyombang kaporocaya kohajon tuh!

MATEUS 9:33

Yesus muhko roh ja'at rih tutang ang uhun orih rih ka'a ulun rih tou bopander hino. Ulun aro rih helan tutang nuhtui, “Jaha pu'u ihkai nohto kojadian sama koloutuh ang Israel!”

LUKAS 7:10

Kotihka ulun-ulun ijo tonyuhu rih buli ahkan lohpou komandan rih, jihpoi orih jari pios.

LUKAS 7:50

Tahpi Yesus nuhtui umba ulunbawi rih, ‘‘Tului ihko porocaya umba Ahku, ihko tonyolamat. Tulak rih honong kosanang!’’

LUKAS 7:8

Tului ahku ka'a minda umba poretah ijo isung umba ahku, tutang ang pinda ahku anai ka'a karon-sorodadu ijo harus numbun aang poretah'ku. Amat ahku moretah ihcobehti sorodadu, ‘Tulak!’ io ka tulak; tutang amat ahku moretah umba ijo bohkon, ‘Olai kohtoi!’ io ka lombut. Tutang amat ahku moretah jihpok'ku, ‘Nguan tuh!’ io ka nguaioh.’’