LUKAS 7:37 - BOWOT BOHUA

³⁷ Ang lowu rih anai ihcobehti bawi ijo bolum ang dusa. Ohkot io ngonih ijo Yesus beteng kuman ang lohpou ulun Parisi rih, io lombut hawoi ngomin ihco kasa pualam bosuang minyak buanharum.

LUKAS 7:37 Iomraidhean Croise

MATEUS 21:31

Olai, tahkan iro duo anak rih, umoh ijo numbun konohuang amaioh?” “Ijo okoi,” puhtah imam-imam tutang okon-okon Yahudi rih. Mahka Yesus nuhtui umba iro, “Porocayarih: Ponagih-ponagih pajak tutang bawi-bawi luteu ahkan paling houn monjadi uhkup ain Pohotala hounumba'kam.

LUKAS 18:13

Tahpi ponagih pajak rih tombok a'ang unuk mahcu-mahcu tutang molahan eam bohanyi nokara nokuh langit. Hawui nehkap husukoh io nuhtui, ‘Pohotala, ngasirih ahku, ulun bodusa tuh!’ ’’

LUKAS 19:7

Paring ulun ijo nohto hal orih nopara bokuhtuk. Iro nuhtui, ‘‘Ceh! Io tulak masap ang lohpou ulun ijo eam pios!’’

LUKAS 5:30

Papira ulun Parisi tutang guru-guru agama, nanyam eam sanang turus nuhtui umba murid-murid Yesus, ‘‘Ombai ihkam paringoh kuman ngorih umba ponagih pajak tutang ulun-ulun ijo eam pios?’’

LUKAS 5:32

Ahku lombut eam ahkan na'ah ulun-ulun ijo nanyam aropoh jari hinut, molekan ulun-ulun ijo bodusa, mangat'ndo hubah tahkan dusa-dusan'ndo.’’

LUKAS 7:34

Anak Ulun lombut – Io kuman tutang ngorih – turus ihkam nuhtui, ‘Topahjah ulun rih! Bokora, pombusou, hojolahan umba ponagih pajak, tutang hojolahan umba ulun bodusa.’

LUKAS 7:36

Ihcobehti ulun Parisi, bogare Simon, na'ah Yesus kuman. Yesus tulak nokuh lohpouoh tutang tuot kuman.

YOHANES 11:2

Maria, iorih ulunbawi ijo nusuh minyak buan harum aang pa'an Yesus tutang ngapitoh umba balouoh. Ang sino kotihka konduangoh Lasarus kaling-mondam.

YOHANES 9:24

Turus iro na'ah hino ulun ijo nanai bobulen, tutang nuhtui ahkaioh, ‘‘Monulutrih ijo ihko ahkan nuhtui ijo morong. Ihkai kota'an ulun orih ulun bodusa.’’

YOHANES 9:31

Ihto ta'an ijo Pohotala eam ngonih ulun bodusa, molekan ulun ijo mohormat Pohotala, tutang nguairih kohondak-Oh.

RUMA 5:8

Tahpi Pohotala ngorinah Asiu-Oh ahkan ihto kotihka Kristus mahtoi ahkan ihto, aang ohkot ihto magun ulun bodusa.

1 TIMOTEUS 1:15

Tu'u-tu'u morong auh tuh – bain orih pahtutrih tonorima tutang tomorocaya holowioh, ‘‘Kristus Yesus lombut nokuh kolunon tuh ahkan nyolamat ulun bodusa.’’ Tutang ahku rih ulun bodusa ijo paling ja'at.

1 TIMOTEUS 1:9

Kopunaoh harus tongingat, ijo hukum tonapa eam toharep ulun pios, molekan toharep ulun polanggar hukum, bola ponyilou, ulun rusak bejad, toharep ulun bodusa, ulun ijo eam boagama, ulun cara kolunon, toharep ulun ijo pomunu amaioh ata'ai inaioh, dolang pomunu aang paringoh,

1 PETRUS 4:18

Luwang Surat Borasih tonyurat koloutuh, ‘‘Amat ulun-ulun ijo pios ka'a jari bohali ahkan tonyolamat, inon hino ijo ahkan nyolung umba ulun-ulun bodusa ijo eam ngosono Tuhan!’’