LUKAS 7:22 - BOWOT BOHUA

²² Jadi Yesus mutah, ‘‘Bulirih nokuh Yohanes tutang mander ahkaioh, inon ijo ihkam ngonih, tutang nohto: ulun bobulen tou nopahjah, ulun mahtoipa'ai tou nyalan, ulun ijo boponyahkit belang ijo mokorieng pios, ulun borengen ngonih, ulun mahtoi bolum huli, tutang Kabar Hinut tahkan Pohotala, jari tonyiar ahkan ulun-ulun porosbolum.

LUKAS 7:22 Iomraidhean Croise

MATEUS 11:5

Ulun bobulen tou nohto, ulun bolomu tou nyalan, ulun bobelang ijo ngoli pios; ulun borengen dahpot ngonih; ulun ijo mahtoi hoduli bolum; tutang Kabar Hinut tahkan Pohotala tonyiar ahkan ulun-ulun ijo porosbolum.

MATEUS 21:14

Ulun-ulun bobulen tutang bolomu lombut nokuh Yesus ang Lohpou Tuhan, tutang Io ngopios iro.

LUKAS 4:18

‘‘Roh Tuhan anai aang Ahku, tului Io jari ngahtang Ahku ahkan mborihtaoh Kabar Hinut ahkan ulun porosbolum. Io nguhtus Ahku ahkan monyiar koliwus bagi ulun tonotawan tutang kopios ahkan ulun ijo bobulen; ahkan momorodehkaoh ulun tohenyek

LUKAS 7:21

Ohkot rih, Yesus ngopios aro ulun, tutang muhko aro roh ja'at tutang nguan aro ulun bobulen tou nohto.

LUKAS 7:23

Kosanang rih ahkan ulun ijo eam anai porokehtoi ahkan nulak Ahku.’’

YOHANES 1:46

Tahpi Natanael mutah, ‘‘Duonrih angihco ijo pios lombut tahkan Nasaret?’’ ‘‘Olai, nohto bongom,’’ hion Pilipus.

KESAH RASUL-RASUL 26:18

ahkan polenangoh mahtan'ndo, mangat iro soluka tahkan kopindong, tutang nyolong nokuh luwang koloang, mangat iro liwus tahkan kowasan Sehtan, turus konowasa bain Roh Pohotala. Mahka tului porocaya umba-Ku, dusa-dusan iro ahkan tongapun tutang iro ahkan monjadi ukup-ukup Pohotala ijo mihtih.’ ’’

KESAH RASUL-RASUL 8:7

Kotului roh-roh ja'at jari soluka tutang ngoriak-riak tahkan aro ulun ijo sonorupang sehtan. Ulun-ulun bolomu, ulun tihpang ka'a aro ijo konopiosoh.

YAKOBUS 2:5

Ingatrih, Konduang-konduang ijo tonokasih. Ulun ijo porosbolum ang kolunon tuh, tonopili Pohotala ahkan monjadi ulun ijo tahtou a'ang kaporocaya. Ulun-ulun rih ahkan monjadi ukup ain Pohotala, kolou ijo tonobowot Pohotala ahkan ulun ijo mongasih-Oh.