LUKAS 6:30 - BOWOT BOHUA

³⁰ Amat ulun nyawot aangihco tahkan ihko, nonga rih ahkaioh; tutang amat ramun'kam tononyilou, ara ihko nyawotoh huli.

LUKAS 6:30 Iomraidhean Croise

MATEUS 18:35

Yesus ngohpah kesah-Oh hapan tuhtui tuh, “Kodorih ka'a Amai-Ku ang soruga ahkan nguan ihkam nyinong behti, amat ihkam eam mongapun konduang'mu honong ihlas.”

MATEUS 5:39

Tahpi huntuh Ahku nuhtui ahkan'kam: ara malos kohiri toharep ulun ijo nguan koja'at umba'kam. Sobalik'oh amat ulun ngahpek kohcom'kam hila kotoun'kam nauh io ngahpek kohcom hila komuloi'kam ka'a.

MATEUS 6:12

Ngapunrih ihkai tahkan kosalan'kai, kolou ihkai jari ngapunoh ulun ijo bosala umba ihkai.

LUKAS 11:41

Ijo anai luwang pihkan tutang piring'kam rih, iorih ihco harus ihkam nongaoh ahkan ulun-ulun porosbolum. Umba cara kolourih, paringoh ahkan monjadi borasih ahkan'kam.

LUKAS 12:33

Modagangoh ponahtou'mu, tutang nongarih duitoh ahkan ulun porosbolum. Naparih ahkan'kam kambut ijo eam dahpot kupit, iorih ponahtou ijo tongina ang soruga. Ponahtou rih eam tou nihou bain ponahkou eam duon ngomiuoh, tutang somahtoi eam duon morusakoh.

LUKAS 18:22

Ngonih orih, Yesus nuhtui, ‘‘Magun anai ihco hal, ijo harus ihko nguaioh: Modagangrih paring ramun'kam, nongarih duitoh ahkan ulun porosbolum, tutang ihko ahkan duon ponahtou ang soruga. Uliorih lombut ngahasu Ahku.’’

LUKAS 6:29

Amat ulun ngahpek kohcom'kam ijo sila koto'u, nyuhu io ngahpek kohcom'kam sila komuloi hino. Amat jubah'kam tononyilou, nonga ka'a kolambi'kam.

LUKAS 6:31

Nguan umba ulun bohkon, kolou ijo ihkam jolik ulun bohkon nguai umba ihkam.

LUKAS 6:38

Tongarih ahkan ulun bohkon, mangat Pohotala ka'a nonga ahkan'kam; ihkam ahkan norima pononga ijo labih molowi, ijo jari tonakar sito-siton ahkan'kam. Tului tahkar ijo ihkam hapaoh ahkan ulun bohkon, ahkan tohapa Pohotala ahkan'kam.’’

KESAH RASUL-RASUL 20:35

A'ang paring porokara ahku jari nonga sutu ahkan'kam ijo umba gawi karas koloutuh, ihto harus ndohop ulun-ulun ijo eam ba'as. Tului ihto harus ingat, ahkan inon ijo Tuhan Yesus bongoi jari nuhtui, ‘Labih sanangmangat nonga, tahkanumba norima.’ ’’

2 KORINTUS 8:9

Tului ihkam ngota'an tu'u, ijo ihto karas tonokasih kobain Yesus Kristus Tuhan ihto. Io tahtou, tahpi Io nguan arop-Oh monjadi porosbolum ahkan kogunan ihkam, mangat umba koporosbolum-Oh rih ihkam monjadi tahtou.

EPESUS 4:28

Ulun ijo biasa nahkou harus tondo nahkou. Sobalik io harus bogawi mangat ngonduon bolanjaoh honong bujur tutang duon dohop ulun ijo bokotahpas.