LUKAS 6:19 - BOWOT BOHUA

¹⁹ Paring ulun ngurah jalan nokaweh Yesus, tului anai kowasa ijo bolua tahkan behtin Yesus, ijo ngopios iro paring.

LUKAS 6:19 Iomraidhean Croise

MATEUS 14:36

Tutang iro nyawot umba Io mangat dahpot ngaweng jubah-Oh, olu baya putingoh. Turus paring ijo ngawengoh nyolung pios.

MARKUS 3:10

Io ngopios kodorih aro ulun, nyiring paring ulun ijo poros hokosihki ngurah jalan ngondoni-Oh mangat duon ngendeh Io.

MARKUS 5:30

Aang wayah rih ka'a Yesus nginyam anai ihcokowasa ijo soluka tahkan arop-Oh. Mahka Io ngulos nokuh ulun aro rih tutang ngisok, ‘‘Iai ijo ngendeh jubah-Ku?’’

MARKUS 6:56

Ang umoh ka'a Yesus lombut – pios ang desa, ang lowu, ang dukuh – ang anan ulun toturus lombut tutang ngina ulun-ulun mondam ang alun-alun. Turus iro nyawot honong paham, mangat ulun-ulun mondam-poros rih nyawot poromisi ngendeh jubah Yesus, olu baya puhtingoh. Paring ijo ngendehoh nyolung pios.

MARKUS 8:22

Iro johcok ang Betsaida. Ang anan ulun ngomin ihcobehti ulun bobulen nokuh Yesus, tutang nyawot mangat Io ninjok ulun bobulen rih ahkan ngopios io.

LUKAS 5:17

Aang sino ondou kotihka Yesus mongajar, anai pira-pira ulun Parisi tutang guru-guru agama tuot ang anan. Iro lombut tahkan Yerusalem tutang tahkan lowu-lowu ang Galilea tutang Yudea. Kuwasa Tuhan anai ang Yesus unuk ngopios ulun-ulun poros.

LUKAS 6:18

Iro lombut kani ngonih auh Yesus, tutang ahkan konopios tahkan karon-ponyahkit'ndo. Iro ijo sonorupang roh ja'at lombut ka'a tutang tonopios.

KESAH RASUL-RASUL 19:12

Amat sopu tangan tutang benang pohtong kahangoh ijo pu'u hapan Paulus, omin ulun tahkan io turus nginaoh ang isun ulun-ulun poros, ponyahkit iro nihou, tutang roh sehtan ka soluka tahkan iro.

1 PETRUS 2:9

Tahpi ihkam anai uhtus ijo tonopili, imam-imam ijo mohalu lahca, uhtus ijo borasih, khusus ahkan Pohotala, ukup Pohotala bongoi. Pohotala mitih ihkam, tutang na'ah ihkam soluka tahkan luwang kopindong, ahkan nyolong nokuh luwang koloang-Oh ijo gomilang honong konohuang, mangat ihkam monyiar kabar tohou karon-gawiu-Oh ijo luar biasa.