LUKAS 6:13 - BOWOT BOHUA

¹³ Amat ondou jari boloang, Io na'ah murid-murid-Oh, turus ngopili duo balas behti tahkan iro. Io napa aran koduo balas behti rih, karon-rasul. Iro anairih:

LUKAS 6:13 Iomraidhean Croise

MATEUS 10:2

Aran koduo balas rasul rih, iorih: Pahtukoh Simon (ijo konohawot ka'a Petrus) tutang konduangoh Andreas, turus Yakobus tutang konduangoh Yohanes, iro rih anak-anak Sebedeus.

MATEUS 19:28

Yesus nuhtui umba iro, “Porocayarih: Ang Kolunon Ijo Bohua, Anak Ulun ahkan tuot ang ngosan pododusai-Oh ijo hajo. Ang uhun rih ihkam murid-murid-Ku ahkan tuot ang ngosan duo balas pododusan tutang mosara koduo balas suku uhtus Israel!

MATEUS 9:36

Ohkot Yesus nohto ulun aro rih, Io masi umba iro, tului iro torongong tutang eam anai koba'asoh, kolou tobiri ijo eam aro sokahtikoh.

MARKUS 6:30

Rasul-rasul ijo sonuhu bain Yesus rih, pongohuli buli hino, tutang hihco umba Yesus. Iro nyorihta ahkan Yesus paring ijo jari iro nguai tutang majaroh.

MARKUS 6:7

Io na'ah koduo balas murid-Oh, turus nyuhu iro homboh duo, tutang nonga kowasa ahkan iro duon muhko roh-roh ja'at.

LUKAS 11:49

Orih tuluioh, Kopihtar Pohotala nuhtui, ‘Ahku ahkan ngirim ahkan iro nabi-nabi tutang suruhan-suruhan-Ku; tongai tomunu tutang tongai tonoporos!’

LUKAS 22:30

Umba kolouorih ihkam duon umba jorih-jirah hihco Ahku ang ohkot Ahku monjadi Lahca. Tutang ihkam ahkan tuot ang ngosan duo balas pododusan ahkan moretah koduo balas lihit uhtus Israel.’’

LUKAS 6:14

Simon (ijo konohawot-Oh Petrus), tutang Andreas konduang Simon rih, Yakobus tutang Yohanes, Pilipus tutang Bartolomeus,

YOHANES 4:33

Mahka murid-murid-Oh nopara saling ngisok, ‘‘Inon anai ulun ngomin ukun ahkai-Oh?’’

KESAH RASUL-RASUL 1:13

Ang Yerusalem iro tulak nokuh lohpou unuk iro nginap, turus nuhkat nokuh tahkun ijo ang diang. Rasul-rasul rih, iorih Simon Petrus tutang Yohanes, Yakobus tutang Andreas, Pilipus tutang Tomas, Bartolomeus tutang Mateus, Yakobus anak Alpeus, Simon Patriot tutang Yudas anak Yakobus;

EPESUS 2:20

Ihkam ka tonombok ang ngosan galang, ijo tongina bain rasul-rasul tutang nabi-nabi, hawui Kristus Yesus kolou bahtu ijo mombahtang.

EPESUS 4:11

Iorih ijo ‘‘nonga pononga-pononga ahkan kolunon’’; 'cokobarih tonuot-Oh monjadi rasul, ijo bohkon monjadi nabi, ijo bohkon hino monjadi pomborihta Kabar Hinut rih, tutang ijo bohkon hino tonuot-Oh monjadi guru-guru tutang pohaga ukup.

IBRANI 3:1

Konduang-konduang sosama Kristen ijo jari tona'ah ka'a bain Pohotala! Cuba nirukrih timbon-timbon tohou Yesus tuh! Pohotala nyuhu Io khusus, ahkan monjadi Imam Hajo a'ang agama ijo ihto nambit.

2 PETRUS 3:2

Ahku nyuhumopingat mangat ihkam bingat, ahkan auh-auh ijo lomoi tonohawot bain nabi-nabi Pohotala, tutang poretah-poretah tahkan Tuhan, Lahca Ponyolamat, ijo tonyorihtaoh ahkan'kam nguha rasul-rasul.

PONGORINAH 12:1

Turus gihtan ang langit ang'co ijo helan, tutang luar biasa. Ihcobehti bawi ijo hapa mahtanondou kolou hahtiuoh, rahat tombok ang ngosan bulan. Ang kuhungoh dahpot ihco ahkur ijo tonawas tahkan duo balas potion.

PONGORINAH 18:20

Oh soruga, jori-jorih iou ihko ngosan kolonyuh lowu hajo rih! Oh ukup Pohotala, rasul-rasul tutang nabi-nabi jori-jorih iou! Kotului Pohotala jari mohukum io, kolou pombalos ngosan inon ijo tononguaioh toharep ihkam!

PONGORINAH 21:14

Dinding kotalowu rih tonombok ang ngosan duo balas bahtu galang. Aang bahtu-bahtu galang rih tonyurat aran-aran koduo balas rasul Anak Tobiri rih.