LUKAS 4:6 - BOWOT BOHUA

⁶ ‘‘Paring kowasa tutang ponahtou tuh ahkan ahku nyarahoh ahkan-Mu,’’ hion sehtan umba Yesus, ‘‘tului paringoh jari tononga ahkak'ku, tutang ahku nonga ahkan iai bewe ijo ahku jolik umba io.

LUKAS 4:6 Iomraidhean Croise

LUKAS 4:7

Paringoh tuh ahkan monjadi ain-Mu, amat Ihko suhkuntu'ut nyembah ahku.’’

YOHANES 12:31

Uhuntuh jari ohkotoh kolunon tomosara; uhuntuh pongowasa kolunon tuh tomolinangoh.

YOHANES 14:30

Ahku eam ahkan bopander labih aro hino umba ihkam, tului jari ohkotoh okon kolunon tuh lombut. Tahpi io eam bokowasa ngosan arop-Ku.

YOHANES 8:44

Sehtanrih amai'kam, tutang ihkam kani numbun konohuang amai'kam. Tahkan topahtukoh sehtan rih pomunu. Io eam pu'u umbabarih komorong, tului eam aro komorong a'ang io. Amat io bobalik orih pahtut, tului puna kolourih sipatoh. Io bobalik tutang puna asar kokaro alik.

2 KORINTUS 11:14

Eam helan iro nguan kodorih, tului Sehtan bongoi ka nyoruwa kolou molehkat koloang!

EPESUS 2:2

Ang ohkot rih ihkam nutut tobiat-tobiat kolunon tuh; rimai ihkam te'et umba kowasa ang pinda langit, iorih roh ijo huntuh mongowasa ahtoi, ulun-ulun ijo eam te'et umba Pohotala.

1 PETRUS 1:24

A'ang Surat Borasih tonyurat koloutuh, ‘‘Paring ukup kolunon, kolou uru, tutang kokaro kohajoioh, kolou dolak uru. Uru molanyu, dolakoh ka boduruh;

1 YOHANES 5:19

Ihto ta'an ijo ihto ain Pohotala, oluka hopus kolunon tuh ang pinda kowasan Si Ja'at.

PONGORINAH 12:9

Naga ijo hajo dih dian nokuh luar! Iorih lohi oko orih, ijo bogare Sehtan ata'ai Roh Ja'at, ijo ngobalik sohopus kolunon. Io ndian nokuh kolunon hawui kokaro molehkatoh.

PONGORINAH 13:2

Ohcin ijo ahku nohto rih tapaioh kolou mahcan tutul tutang pa'ai kolou pa'an bohuang tutang somoyongoh kolou somoyong singa. Turus ohcin rih nonga bain naga rih koba'asoh bongoi, tutang pododusaioh tutang karokowasa-Oh ijo hajo.

PONGORINAH 13:7

Io tihkastou ka'a molawan ukup Pohotala hawui ngalah iro. Tutang kokowasa ngosan paring lihting nogara, basa, tutang uhtus tononga ahkaioh.