LUKAS 4:41 - BOWOT BOHUA

⁴¹ Roh-roh ja'at ka soluka tahkan aro ulun, hawoi ngombak-ngoriak, ‘‘Ihko Anak Pohotala!’’ Tahpi Yesus ngorahang iro tutang eam aro nonga ijin iro nuhtui kolourih, tului iro kota'an ijo Io Lahca Ponyolamat.

LUKAS 4:41 Iomraidhean Croise

MATEUS 26:63

Tahpi Yesus tonih ih. Sino hino imam hajo ngisok umba Io, “Honong Pohotala ijo bolum, nuhtuirih ahkan 'kai. Inon Ihko Lahca Ponyolamat Anak Pohotala?”

MATEUS 4:3

Sehtan lombut tutang nuhtui, “Ihko Anak Pohotala, kowa? Nah, nyuhu bahtu-bahtu tuh monjadi luhte.”

MATEUS 8:16

Ang ohkot kani sohit, ulun ngomin ahkan Yesus aro ulun ijo sonyalung roh ja'at. Tutang umba ihco kotihkap auh, Yesus duon muhko roh-roh ja'at rih, tutang ngopios ka'a paring ulun ijo poros.

MATEUS 8:29

Iro soluka tahkan luwang kolowong tanom tutang ngoriak, “Anak Pohotala, ahkan Ihko nguan inon umba ihkai? Inonkah Ihko nohuang ngoporos ihkai olu ka jaham johcok ohkotoh?”

MATEUS 8:4

Turus hion Yesus umba io, “Ingat! A'ai nyorihta ahkan ia-iai ka'a. Tahpi tulak nokuh imam, tutang nyawot ang io ahkan kopastianoh ihko jari pios. Uliorih nonga pononga ijo tomoretah Museh, kolou bukti ahkan ulun-ulun ijo ihko tu'u-tu'u jari pios!”

MARKUS 1:25

‘‘Tonih!’’ korahang Yesus umba roh ja'at orih, ‘‘soluka ihko tahkan ulun tuh!’’

MARKUS 1:32

Sohit ondouoh, ulimba mahtanondou bolop, ulun-ulun ngomin ahkan Yesus paring ulun ijo poros tutang ijo tonyalung roh ja'at.

MARKUS 1:34

Turus Yesus ngopios aro ulun ijo ngarot aro mahcam koporos rih tutang muhko ka'a aro roh ja'at. Io eam nyuhu roh-roh ja'at rih nuhtui, tului iro rih ta'ai, iai Io.

MARKUS 3:11

Tutang ulun-ulun ijo sonorupang roh ja'at, nyinong tikat nohto Io, turus iou suhkuntu'ut ang boui-Oh tutang ngociak, ‘‘Ihkorih Anak Pohotala!’’

LUKAS 4:39

Yesus hihkas nokuh unuk opu Simon kaling, turus muhko darom orih. Darom rih nihou, tutang opu Simon rih turus kuat tutang nohalu iro.

YOHANES 20:31

Tahpi paringoh tuh tonyurat, mangat ihkam porocaya ijo Yesus anairih Lahca Ponyolamat, Anak Pohotala, tutang tului porocaya umba Io, ihkam ngondahpot pombolum.

YAKOBUS 2:19

Ihkam porocaya ijo Pohotala tihkas ihco, kowa? Nah, roh-roh ja'at ka porocaya tutang iro kitik genjeh mihkoh!