LUKAS 4:18 - BOWOT BOHUA

¹⁸ ‘‘Roh Tuhan anai aang Ahku, tului Io jari ngahtang Ahku ahkan mborihtaoh Kabar Hinut ahkan ulun porosbolum. Io nguhtus Ahku ahkan monyiar koliwus bagi ulun tonotawan tutang kopios ahkan ulun ijo bobulen; ahkan momorodehkaoh ulun tohenyek

LUKAS 4:18 Iomraidhean Croise

MATEUS 11:5

Ulun bobulen tou nohto, ulun bolomu tou nyalan, ulun bobelang ijo ngoli pios; ulun borengen dahpot ngonih; ulun ijo mahtoi hoduli bolum; tutang Kabar Hinut tahkan Pohotala tonyiar ahkan ulun-ulun ijo porosbolum.

MATEUS 12:18

“Tuhrih soruhak-Ku ijo Ahku ngopilioh, ulun ijo Ahku ngasih-Oh, tutang ijo kojorih ang ahtoi-Ku. Roh-Ku, ahkan Ahku nonga ahkai-Oh, komorong-Ku ahkan tonosiar baiu-Oh ahkan uhtus-uhtus ulun.

MATEUS 12:20

Poring ijo niwoi, eam ahkan tomolot-Oh sumbu ijo tiu-tiui, eam ahkan tongombolop-Oh. Io ahkan ngolawan, nyiring ko-morong nyolung;

MATEUS 4:16

Uhtus ijo bolum ang luwang kopindong jari nohto koboloang ijo ngorolondang! Bagi ijo mohcon a'ang lowun kopindong popahtoi jari lombut koloang ngorolondang!”

MATEUS 5:3

“Kosanangsolamat ahkan ulun, ijo mokomo eam badaya tutang tihkas bohapang ang Tuhan ih; iro rih anai anak-ukup ain Pohotala!

LUKAS 4:17

tutang tononga ahkai-Oh surat Nabi Yesaya. Io nguap balun surat rih, turus Io nyombang ayat tuh,

LUKAS 6:20

Yesus nopahjah murid-murid-Oh, turus nuhtui, ‘‘Kosanangrih ihkam ulun-ulun porosbolum, tului ihkam anairih anak ukup ain Pohotala!

LUKAS 7:22

Jadi Yesus mutah, ‘‘Bulirih nokuh Yohanes tutang mander ahkaioh, inon ijo ihkam ngonih, tutang nohto: ulun bobulen tou nopahjah, ulun mahtoipa'ai tou nyalan, ulun ijo boponyahkit belang ijo mokorieng pios, ulun borengen ngonih, ulun mahtoi bolum huli, tutang Kabar Hinut tahkan Pohotala, jari tonyiar ahkan ulun-ulun porosbolum.

YOHANES 1:41

Jio-jion Andreas ngurah Simon, konduangoh, tutang nuhtui umba io, ‘‘Ihkai jari hosombang umba Mesias!’’ (Mesias sama umba Kristus, iorih: Lahca Ponyolamat.)

YOHANES 12:46

Ahku lombut nokuh kolunon tuh kolou koloang, mangat paring ulun ijo porocaya umba Ahku, ara mohcon ang luwang kopindong.

YOHANES 3:34

Tului ulun ijo sonuhu Pohotala monyiar auh-auh Pohotala, kotului Roh Pohotala jari tononga ahkai-Oh sotuwioh.

KESAH RASUL-RASUL 10:38

Ihkam ngota'an ijo Pohotala jari mitih Yesus ulun Nasaret rih tutang nonga ahkai-Oh roh Pohotala tutang kowasa, Ihkam kota'an ka'a ijo Yesus rih, tulak nokuh umo-umoh ahkan nguan ijo hinut; Io ngopiosoh paring ulun ijo tongowasa sehtan, tului Pohotala jari homboh Io.

KESAH RASUL-RASUL 26:18

ahkan polenangoh mahtan'ndo, mangat iro soluka tahkan kopindong, tutang nyolong nokuh luwang koloang, mangat iro liwus tahkan kowasan Sehtan, turus konowasa bain Roh Pohotala. Mahka tului porocaya umba-Ku, dusa-dusan iro ahkan tongapun tutang iro ahkan monjadi ukup-ukup Pohotala ijo mihtih.’ ’’

KESAH RASUL-RASUL 4:26

Lahca-lahcan kolunon samai nahtap aropoh ahkan hokolahi, tutang dolang okon hihco ngolawan Tuhan tutang Lahca Ponyolamat.’

KESAH RASUL-RASUL 4:27

Tului puna Horodes tutang Pontius Pilatus jari hotohou umba ulun-ulun ijo eam kosono Tuhan tutang umba ulun-ulun Israel ang lowu tuh. Iro bohaum ahkan ngolawan Yesus Jihpon-Mu ijo borasih rih; ijo jari ihko potuotoh monjadi Lahca Ponyolamat.

KOLOSE 1:13

Io jari momorodehka ihto tahkan kowasan kopindong, tutang ngahtun ihto nokuh luwang kolahca'an Anak-Oh ijo tonokasih-Oh.

YAKOBUS 2:5

Ingatrih, Konduang-konduang ijo tonokasih. Ulun ijo porosbolum ang kolunon tuh, tonopili Pohotala ahkan monjadi ulun ijo tahtou a'ang kaporocaya. Ulun-ulun rih ahkan monjadi ukup ain Pohotala, kolou ijo tonobowot Pohotala ahkan ulun ijo mongasih-Oh.

1 PETRUS 2:9

Tahpi ihkam anai uhtus ijo tonopili, imam-imam ijo mohalu lahca, uhtus ijo borasih, khusus ahkan Pohotala, ukup Pohotala bongoi. Pohotala mitih ihkam, tutang na'ah ihkam soluka tahkan luwang kopindong, ahkan nyolong nokuh luwang koloang-Oh ijo gomilang honong konohuang, mangat ihkam monyiar kabar tohou karon-gawiu-Oh ijo luar biasa.